|
|
السلام عليكم
بنات الكلية الاسترالية على استعداد انها تفتح كلاسات من 5 لي 9 للموظفين اذا صار العدد يسمح بهالشي
يعني ماراح يفتحون الكلاسات على جم واحد لانها مصاريف حق الدكاترة وكل شي
انا استفسرت منهم قالوا لحد الحين ما اكتمل العدد بنشوف من الحين لي شهر 9
يقول لازم تيين وتسوين اختبار الانجليزي والرياضيات وتدفعين مقدم 380 على ما اظن
قلتله واذا صار شهر 9 وما اكتمل العدد؟ قال نرجع ال 380 ماتروح عليكم
بس المهم ان يكتمل العدد
وتدرون الكلية الاسترالية دراستهم حيل سهلة بشهادة الكل
وايد اعرفهم يدرسون فيها ويمدحون دكاترتهم و تدريسهم وحتى الامتحان لج حق تعيدينه 3 مرات تخيلوا!
وغير جذي معتمدة مانحاتي اعتماد الكليات اللي بره الكويت واللوية
بالنسبة لي وايد احسن من الانتساب غير جذي ماكو سفر كل ساعه
قاعدة بديرتج بين اهلج
والسنين تقزر وتمر بسرعه
انا يوم سجلت بنيوهورايزن دبلوم 9 شهور كنت اقول شيخلصهم الحين باقيلي 3 شهور واخلص واخذ الشهادة
وطبعا الكلية الاسترالية عندهم دبلوم وبكالريوس
ورسومهم ولا شي مقارنة بالجامعات الثانية واللي بره
الكورس 1670 دينار
وعندهم نظام دفع بالاقساط سواء عن طريقهم او عن طريق التسهيلات
وهذا رقمهم 5376111
دقوا استفسروا بنفسكم
واذا تعرفون احد وده يكمل بلغوه يروح يسجل وترى الفلوس ترد
بس المهم يعرفون ان في احد يبي يسجل مو تروحون حزة الحزة شهر 9
لازم من الحين لي الصيف عشان يرتبون امورهم
واي استفسار انا حاضرة
بقول حق اختي عندها دبلوم وودها تكمل بكالريوس
يعطيج العافيه روزوووووووووووووووووووووووو
لان اخوي معاه دبلوم وناوي يكمل بره
مشكوووووووره
بس شنو تخصصات البكالوريوس ممكن تفيدنا لو سمحتى
بالنسبة للدوام الخاص بالموظفين من 5 لي 9 بيكون بس لتخصص العلوم الادارية
بس اللي تبي هندسة ماكو بيكون دوامهم الصبح بس
يمكن بالمستقبل لما يصير في عدد لابأس فيه يبون تخصص هندسة العصر بيفتحونه بس حاليا بيفتحون بس للعلوم الادارية
والاسترالية عندهم دبلوم وبكالريوس مافي لاماستر ولا دكتوراه
بالنسبة لشروط القبول
النسبة ماتكون اقل من 60% للثنوية العامة او نقطتين للمقررات
ويسوون امتحان تحديد مستوى انجليزي ورياضيات حالهم حال جامعة الكويت
اللي ينجح اوكي
اللي ماينجح ياخذ تمهيدي
وعلى فكرة شكثر ناس قالولي ان دراستهم حيل سهله يعني تقطون فلوسكم وانتوا ضامنين النجاح مو صعبة كلش
دقوا عليهم يدلونكم بالضبط
وعادي يعادلون الدبلوم اذا معهد تجاري او تكنولوجيا
واتوقع الدورات يعادلونهم بس مو كل المواد يعني تكملين عليهم بس ماتاخذين 4 سنين للبكالريوس يصيرون اقل
وهم روحولهم وودوا كشف الدرجات عشان يحددونلكم بالضبط طريقة المعادلة للمواد
الماجستير موجود بالكلية الهولندية بالدسمة
والجامعة الامريكية بالشرق الاوسط اللي بتفتح شهر 10 ان شاء الله تابعة لشركة هيومن سوفت
ودراستها بتكون قوية هذا اللي سمعته ومكانهم مبنى هيومن سوفت شرق جدام مجمع دار العوضي يم الشركة الدولية بالضبط
مافيها غير ادارة اعمال 
ماكو جامعه خاصه تعطي تخصص علم نفس انجلش شي تربوي مثل مناهج وغيره ؟؟
بس اتوقع السنه هذي بس مواد تجارة والسنه الياية باقي التخصصات
ترى حتى الطب بيدرسونه بتكون على مستوى
ومكانهم اليديد بيكون بالعقيله
اكبر صرح تعليمي بالكويت تكلفته 30 مليون دينار