موظفات التطبيقي العديليه الإجازه الدراسيه . ضروووووووري ؟؟!!

السلام عليكم
وعيدكم مبارك

آنا إداريه موظفه بوزارة التربيه معاي دبلوم من التجاري معدلي جيد مرتفع 2.79 وخدمتي بالوزاره 4 سنوات
ودي أكمل دراستي بالتربيه الاساسيه وخايفه ما يقبلوني التطبيقي لأن معدلي جيد بالدبلوم ؟؟؟!!!!!….

صراحه امنية حياتي إني أكمل دراستي , الوزاره مو مشكله قالوا نعطيج إجازه بس انتي تروحين تيبين قبول من
التطبيقي … في ناس خوفوني قالوا ما يقبلوني اذا معدلي جيد بالدبلوم ؟؟؟؟؟؟؟؟؟؟؟ هل صحيح هالكلام ؟؟؟

يعني ما ينفع ماكو فايده مني منااك

حتى لو وااسطه ؟؟؟؟ خصوصًا إن اللي بيني وبين الجيد جدًا واحد من عشره ( الجيد جداً 2.80 وآنا 2.79 )
موو حراام ؟؟؟؟؟؟

بلييييييييييييييييز ساعدوني وطمنوني

اب اب

بلييييييييييييييييز ساعدوني ؟؟؟!!!!

حبيبتي الله يوفقج ويحقق طموحج يارب

شوفي ياقلبي نصيحتي بدال لايضيع عليج الوقت تروحين بنفسج للتطبيقي وتشوفين شروط التقديم
لان البنات يمكن مايكونون متأكدين وتضيعين على نفسج الفرصه

وأولا وأخيرا توكلي على الله

وبالتوفيق

فدييييييييييييتج والله
انتي بالظبط نفس حالتي والله بس تدرين شنو الفرق انه انا قدمت وانتي ما قدمتي ,,,,,,,,,, ياقلبي العيب مو من الوزاره اومكان العمل ولا من التطبيقي تدرين وين العيب العيب في (( ادارة التطوير والتنميه )) اللي بالجابريه اهي اللي تقدمين فيها الطلب والطلب تاخذينه من عندهم بس انا بمدرسه جانا الطلب ,,لان ادارة التطوير والتنميه عندها القبول اهي المحور الصعب حتى الواسطه يالله يمشونها وترى صح الجيد يخلونه على الويتنج مستحيييييييييييل يقبلونه والجيدجدا مو كلهم يقبلونهم
اسأليني أنا لوعت جبدهم كل يوم وانا عندهم ,, بس والله يالله يردون عليج ويزفون بعد مايبونج تسألين,,,

بس والله انا عندي طموح وحطموني بس راح احاول : بس انشالله يقبلوني السنه الجايه

على فكره لا تطبيقي ولاغيره ينفعج اذا قبلوج (( ادارة التطوير والتنميه )) معناته انتي مقبوله بكل شي
وعلى فكره تري الاجازه مايعطونج دوامج الا لمن تقبلج ((ادارة التطوير والتنميه)) واذا قبلتج غصبن على دوامج راح يعطيج الاجازه والتطبيقي شي طبيعي راح يقبلج

الله يوفقج يا رب

بس آنا اللي متاكده منه وصاير مع رفيجاتي .. إن التربيه الوزاره عطتهم الاجازه بس قالتلهم انتوا تروحيون تييبون القبول
من التطبيقي وعقب ما قدموا عالتطبيقي ما قبلوهم قالولهم احنا ما نقبل معدل أقل من 2.80 يعني جيدجدًا بالدبلوم عشان نقبلهم
بالتربيه الأساسيه ..

بس في ناس يقولون حتى اللي معدلهم جيد ممكن ينقبلون بالتربيه الأساسيه …احترت والله ؟؟!!!

اللي عندها معلومات يا ليت تفيديني ..

هلا حبيبتي

انا اقولج

انا قدمت على اجازة دراسيه بالتربيه الاساسيه بس لاااااااااااازم معدلج جيد جدا وفوق واذا امتياز تقدمين عالجامعه بعد
بس جيد لا ما يقبلونج التربيه الاساسيه
حتى لو واسطه لان هذا سستم

بس جربي مو خسرانه شي قدمي ويبي واسطه يمكن يمررونج

قدمي والله يسهل لج