|
|
بنات موضوع منقوووووول بس ابي دعواتكم اتزوج اللي احبه عسى الله يهنيكم يااارب
التجهيز للعرس و الزواج
السلام عليكم ورحمة الله..
لكل عروس أهدي موضوع التجهيز.. من اعدادي الشخصي. لأني تعبت كثير في رحلة التجهيز
حبيت أريحك.. وأساعدك على قد ما أٌقدر وان شاءالله تستفيدين منه.
وما أطلب منك الا دعوه لي بتيسير حملي و ولادتي في غربتي
الرجــاء عند نقل الموضوع ذكر المصــدر. و جزاكم الله خيــر
* الأمثله المطروحه في الموضوع متواجده في المنطقه الشرقيه لأني منها
موفقات عرايسنا يارب
تجهيزك يآ عروســه :
نبدأ بالأهم …… ليلة العُمر
الفستان والطرحــه :
أول ماتبدين بالفستـان الأبيض ..( اذا كان بين الزواج والملكه فتره 4 شهور تقريبا فأبدئي فيه بعد الملكه.. أما اذا كان شهرين وأقل .. اشتغلي عليه قبل الملكه بشوي) .. البعض يفضل التميز تختار فستان ذهبي أو فضي..
سوي اللي بخاطرك.. ولا يهمك .. هذا يومك.. وهذي ليلتك.. عيشيها زي ماتحبين دامه مايغضب ربي.. ,طبعاً لكـ الخيار جاهز أو تصميم .. الجاهز طلعت محلات جديده مره راقيه و ذوق .. واذا كنتِ من هواة التصميم تبي لك وقت أطول.
– بالنسبه للطرحه مو شرط تكون من نفس محل الفستان .. ممكن تفصلينها عند خياط أو مصمم.. أو تشترينها جاهزه من محل آخر..
– اكسسوارات شعر أو تاج ( طوق) للي حابه.
جزمة الزواج : ممكن تلبسين جزمة الملكه اذا مناسبه وغالبا فستانك طويل احرضي انه يون صندل مريح وهذا الأهم واذا ماحبيتي الفكره (أغلب محلات بيع الفساتين تفصل أو تبيع)
فساتين السهــرة :
اجمعي مابين الجاهز والتصميم.. ونوعي الألوان والموديلات مابين الناعم والفخم ..
تحددين العدد على حسب عاداتكم هل فيه عزايم بعد الزواج؟!! هل انتِ معزومه على حفله أو عرس بعد زواجك؟!
اذا كنتِ من اللي بتسافر مع زوجهـا بعثه (كنسلي فساتين السهره) لأنك لما ترجعين بتكون الموضه متغير يمكن تحملين وماتدرين عن ظروفك..
انا أقترح تخلينهم 3 ( 1 تفصيل و2 جاهز) أو العكس.. خاصة اذا كان عندك ملابس سهره راقيه ولو كانت من قبل الزواج
اذا عندك مناسبات وعزايم وضامنتها خليهم 4 أو 5
أهم شي الذوق والاختيار المناسب للموديل واللون .. (حاولي تطقمين معها اكسسوار الشعر و الجسم)
الذهب والمجوهرات :
( لاتكثرين بتجيك هدايا ان شاءالله , واذا ماعجبك الذوق ممكن تبيعينها وتشترين اللي تحبين)
خذي طقم ناعم أبيض وأصفر.. خاتمين أبيض وأصفر فقط ( النمر) ( مصاغ) (الحرمين) (البحرين) (العثيم)
ممكن تاخذين عقد لولو أو مُلون اذا حبيتِ
في ماركات حلوه تنزل حاجات راقيه وبأسعار مناسبه ومن المحلات اللي توفرها :
( ماركات عالميه وذهب أو فضه )
باريس غاليري / قزّاز / الحميضي / جنيف – الخالدي ( الشرقيه) / أون تايم / شادن ( الرياض*) / السوانــي / تيفاني
ساعات : ساعة للزواج (فخمه) فضي أو ذهبي../ ساعه ثانيه باللون المعاكس .. والباقي هدايا >> وثووق!
عبايات : (تذكري انها عبايه ماهي زينه ولا فستان!!)
فصلي عبايه للسوق أو الدوام – عبايه للزيارات العاديه – عبايه فخمه
جلابيات( 2 أو 3) تفيدك :
اذا كنتِ ساكنه مع أهله أو جتك عزيمة غدا.. لاتكشخين فوق العاده.. البسي جلابيه مرتبه وراقيه وتوكلي.
تايورات وفساتين ناعمه :
هذي الملبوسات راح تحتاجينها بكثرة.. بما انك صرتِ عروسه بتكونين محط الأنظار فحتى لو كانت زياره عائليه أو جمعة قرايب.. بتكونين سبشل ومميزه عن البنات.. بلبسك وستايلك وشنطتك .
اختاري تنانير وبلايز ممكن تبدلينهم مع بعض وتتحكمين بالموديل بجاكيت أو بدون.. صيفا أو شتاء
اشتري فساتين ناعمه محتشمه عشان اذا زرتي أهل زوجك أو زرتي صديقاتك وقريباتك في زياره خاصه مو عزيمه.
وأكيد لاتنسين ملابسك الأولى من تايورات و قطع العيد الماضيه حطيها في بالك.اذا كانت راقيه
لا تتخلصين منها. تنفعك .
اقتراحات :
كارن ميلن – السواني –مانجو – دبنهامز- اتش اند ام – كوست – لست – أوسيز – توب شوب – ريفر آيلاند-مورني
الشنط والجزم :
هذي الفقره تجي بعد الانتهاء من الفساتين.. بس الأكيد انك بتشترين الألوان الأساسيه
( أسود – ملون – ذهبي – فضي)
اختاري صنادل مسكره من قدام ومفتوحه من ورا عشان تستغلينها كصندل أو جزمه
(لاتنسين شرابات مُناسبه شفافه أو هلهوب)
مع الشنط.. ممكن تختارين بدل الذهبي والفضي.. اللون المحايد اللؤلؤي أو البرونزي,,
خذي شنتطين فخمه( حجم وسط) للزيارات – شنط سهره (صغيره) كرستال / لولو / قلتر مع الصنادل – شنطه عمليه للسوق أو الطلعات الخفيفه مع بوكها / مع جزمه مريحه.
اقتراحات :
أقنر – بربري- فرساتشي – بونيا – شانيل – ديور – جفنشي –ميو ميو – كارن ميلن – السواني- قوتشي-سيرجيو- قـس
· طبعا الصنادل والجزم العاديه خذيها من محلاتك المُعتاده..
· جزمة الرياضه : جيوكس – لاكوست – بوما –فوت لوكر
ملابس البيت :
قميص النوم الملكي( أول ليله) طقم كامل مع الشبشب و الروب والفوطه.. في محلات حلوه
(ماهي ماركه) بس تشكيلتها أفضل
الملابس العاديه هذا أكثر شي يستهلك.. الملابس البسيطه العاديه حقات البيت ( جنزات – برمودات- تييشرتات – بوديز) خذيها بوقت التخفيضات.. وطقميها .. عشان ماتحوسين بعدين.. طبعا السوق ماهو بطاير.. خذي لك حق الشهر الأول بس..
فوط وأرواب شعر – جسم – وجه (دبنهامز) / واحة الجلابيه)
ملابس داخليه ( للبيت – مع فساتين السهره – للدوام أو طلعات بسيطه) ولاتبخلين على نفسك بهالنقطه بالذات لأنها تستغل.
اشتري ستيان (بدون علاقات) أو الكب لحاله (نعومي / لاسنزا)=> مُفيد جدا للسهرات
(كلوت لاسنزا حق السهرات)
قطع النوم : ——( على ذوقك) / أرواب ( روب حمام – أرواب عاديه)/ بجامات للبرد وأيام الشهريه .
كورسيهات وقطع ستان (كامله) للسهرات.
اقتراحات : دبناهامز ( رائع جدا) – لاسنزا – ايتام – نعومي – اوشايو – ومن سيكرت – أولالا-نيولوك- سبلاش – بي اتش اس – بيكوكس , وأي محلات اللي تتعاملين معها عادةً وترتاحين لبضاعتها ..
مكياج وعطور: ( هذا آخر شي تشترينه بالتجهيز لأن له صلاحيه ومع الوقت ممكن يخرب أو يتغير)
انتِ وذوقك… العطورات خذي صباحي – للسهرات – للطلعات الخفيفه.. ( لاتنسين التعبئه ) تفيدك مرره مع الشنط الصغيره
اقتراحات : ناعم : باريس هلتون – برتني – بربري لندن – بربري فلاور- ديبون – بيكهام – أس ( اسكادا) – بلاك
للسهرات : شانيل( 5) – كوكو موزموزيل / ديور ( بويزيون) / جفنشي / فالنتينو/ سي كي/ روك اند رول
العود والورد : مخلط عبدالعزيز ( بقشان ) / أصغر علي ( عطر البحرين) / باجنيد ( بخور و عود )
لا تكثرين لأن بيجيك هدايا و لأن السوق يتغير. واحتمال الريحه المختاره ماتعجب زوجك.. اصبري لما تكتشفين ذوقه
نصيحه : خذي من العطور أطقم ( جيل شاور + لوشن) مره حلوهـ وبتستهلكينها كلها
عن تجربه أفضل ثلاث أطقم عطور للعرايس :
May be baby from Benefit -Faces
N5 – Coco from Chanel
Pleasure from Esti louder
تجي مع معطر شعر ولوشن وشاور جل وبودره وعطر وعطر سهرات
طبعا على حسب اللي تختارينه لكن شانيل فيه حاجات خاصه للعرابس
بالنسبه للمكيـاج : لا تغامرين و تستخدمين ماركات ما تعودتِ عليها
الأساسيات :
اشتري الأساس الناعم للزيارت العاديه.. وأساس أقوى للسهرات.. مع البودره والمرطب ( على حسب بشرتك)
اقتراحات للناعم : ماكس فاكتور – برجوا – شانيل / الأساس الثقيل : لانكوم – غيرلان – هيلينا – ديور البخاخ – فورايفر
الأرواج + قلوسات : خذي درجات الزهر ..- البيج واللحمي – الأحمر العنابي- وأي لون يناسب بشرتك ويحليك.. مع المحددات=> يعطي امتلاء للفم و يثبت الروج أكثر فترة..
اقتراحات : جفنشي – ديور – شانيل- جيرلان / عادي : نيفيا – برستيج – برجوا – ريميل – رفلون => حلوين للبيت والطلعات العاديه
الكحل ( سايل / ناشف ) أسود و ملون … ماسكرا ناعمه وماسكرا للسهره
اقتراحات : كحل ريميل – محمود سعيد (سايل) / ريميل – لوك غيرلان ( مُلون)
كونسلر : خذي درجتين أو3 – حسب المناسبه ونوعية المكياج-
اقتراحات : فور ايفر ( خمس درجات مع بعض) – سان لوران ( القلم) – ماكس فاكتور – ماكـ
البلشر (بودرة الخدود) خذي العلبه اللي فيها 3 درجات ( مشمشي – زهري- أحمر)
اذا تحبين البرونز – في عدة حلوه تجي من (غيرلان) أو برستجيج
مناكيـر ( أحمر – وردي – لؤلؤي – بيج ) اختاري ألوانك المفضله اللي تتماشى مع ملابسك + مكياجك
وأهم شي بعد هذا كله ( مزيل مكياج / أظافر (أستون) + قطن + ميلك + تونيك ) مهم يا بنــات .. أهم من المكياج بكبره!
اختاري : لوريال أو أولاي .. مره حلوين.. وفي مناديل جونسون حلوه بعد..
الإضافات :
مثبت مكياج – قلتر – اضاءات – اللمسه الأخيره (فاينل توش) => اذا كنتِ بروفوشنل وتحبين الميك آب.
………….. متفرقات لكـ ولبيتك …….
للبيت:
طقم للسرير ( دبناهامز)- المتجر العام – السواني..
علاقات للملابس والفساتين وأكياس لحفظ الفساتين ( ايكيا)
أدراج للملابس الداخليه ( ايكيا)
سجادات صلاة + شراشف / مبخرة بخور
فواحة معطرات شموع + ولاعه ( زهور الريف – لايف ستايل –بودي شوب) / أوراق عطريه للأدارج (لايف ستايل)
عدة النظافه : ( بقاله وصيدليه) :
الجسم : مكينة براون (العروسه)
حلاوه شمع / معجون فرشه /غسول وجه /صابون سايل/ مناديل معطره /عدة أظـافر ( فيسز / بودي شوب) / أعواد آذان
فازلين / فكس / مرطب (لوشن) / ديودرنت (سبراي + كريم) / موس (مجموعة أمواس جليت النسائيه) / احم احم(للشهريه)/أول داي (يومي)
عدة الشعر : شسوارعادي + سيراميك ولاتنسين (أفياش الكهربا معهم) / مشط وفرشه
/ فير (كون اير) / لفافات / بنس/ بكلات ومشابك/ (شامبو+بلسم +حمام زيت +كريم)
جيل / بديل الزيت / موس (رغوه) / سبراي (مثبت)..
· شرابات مُناسبه ومريحه لشوز الرياضه و شرابات أنيقه للفساتين والتايورات
تم بحمدالله تعــالى
ما أتمنى منكِ هي دعوه في ظهر الغيب..
واذا حابين أكمل وعجبكم الأسلوب والموضوع في حاجات ثانيه مجهزتها مثل
رحلة التجهيز و استعدادات الزواج والملكه..
شكرا لكم
مع دعواتي لكم القلبيه بالتوفيق و السعاده
دلال
بنات ترى منقوول
والله يجمعج بمن تحبين اذا فيها خيره لكم اميين يارب …
جزاج الله خير
رفع لعيونكم
سبحان الله وبحمده ، سبحان الله العظيم
والله يعطيج العافيه
صاحبه الموضوع الاصلي اهي الحامل الله يسهل عليهاا