موضوع للنقاش عن الزوج وتفكيره ؟؟؟

السلام عليكم حبيباتي
اليوم يايبه لكم موضوع للنقاش…..
الحين الوحده قبل لاتتزوج او في بدايه زواجها دايم تحاتي وتفكر اذ زوجهاعنده سوالف وخرابيط ولالا وتشك فيه وتراقبه وبتشوف شنو عنده هل هو فعلا راعي خرابيط؟؟؟؟

زين وانتوا تتوقعون ان الريال قبل زواجه وبدايه زواجه يشك بزوجته. يعني يفكر اذ لها سوابق قبل الزواج او لا وهل فعلا كانت لها علاقات اصدقا وتليفونات ومن هالحجي.

كل وحده تقولي رايها
مع ام ضد ان الريال يفكر ان زوجته لها علاقات قبل الزواج.

والله اذا الزوج من بيئه نظيفه ماراح يفكر بهالشي

والله اذا ناوي يشك فيها ليش ياخذها من الاساس
المفروض انه سائل عنها عدل
وبالنسبه للطرفين الزوج والزوجه… محد له شغل بماضي الثاني
من اول يوم زواج لازم يبتدون صفحه يديده وما ينبشون بالي طاف
اول شي الزوج/الزوجه راح تتعب … وثاني شغله ,, محد له شغل بماضي الثاني ولا يقدر يحاسبه عليه لانه ماكان موجود في حياته اصلا
واتوقع الريال تييله هالافكار .. في بدايه الزواج خاصه انه للحين ما عرف زوجته عدل … بس الاغلب (والي المفروض فعلا انه يصير) يفكر بس يخلي هالافكار حقه في ابله وبسسس … ما يحاول ينبش ولا يسال زوجته ولا يخلي هالافكار تاثر على حياتهم…

للرفع

الريال كثر ماخربط اوردي يصير شكاك بس مو من حقه
يشك كل يرى الناس بعين طبعه
الزوجه مو من اول ماتجي تشك في الا لما تشوف عليه
تصرف غريب

اعتقد ماله داعي المرا تشك بزوجها لان اهي الي بتتعب واذا كان عنده شي بنهايه بتعرف و حبل الكذب قصير وهم اهو ماله داعي يشك فيها و بنهايه يعتمد حسب تربية الزوج و الزوجه وياما في بنات كان عندهم بس بعد الزواج عقلو والله ستر عليهم و الريال نفس الشي

الريال لي بغى يتزوج مو من حقه يشك بمرته لمجرد انه متعقد ..

لانه لما خذاها ما خذاها من الشارع .. اهي بنت ناس .. وماخذها من بيت محترم

اذا اهو مخربط بشبابه لين قال بس وتعقد من كل الحريم فيروح يعالج نفسه عند دكتور نفسي احسن له من انه يهين بنت الناس

اتوقع موضوع الشك يرجع لشخصية كل واحد وعدم الثقه الكامله بالطرف الاخر
بغظ النظر عن الماضي اكبر غلط ان احنا انبش فيه سواء رجل او امرأه عشان الحياة تستمر بامان

على حسب المجتمع إلي أهو عايش في وعلى التربيه
بس أنا لااا ريلي لا يمكن يشك فيني الحمدالله
بس في ناااس الوسوااس إلي عندهم يمكن
يسوي كل هذا بس فبيتنا ولا بيت أهلنا لاااا ماعندنا أصلن كلهم يخافون الله وإن بعض الضن إثم
وشكرا
وتحياتي للجميع

احس ماله داااعي اشك او اهو يشك اذا في شي راح يبين مع الايام

والله يحفظنا

الي يبي يشتري راسه ويستقر ماراح يفكر

انا مقتنعه ان مافي رجال ما وراه ماضي ..

صح ان اصابعي مو سوا لكن … اكيد انه عالاقل كلم بنت او اعجاب ..

وانا ما احب اسأل عن الماضي عشان ما انقهر وا احر نفسي و اشك … دامه هو بدا معاي بدايه جديده اكيد مايهم الماضي ،،