موضوع كامل عن طهور الولد بالليزر ,,

السلام عليكم ورحمه الله وبركاته

الحمدلله طهرت ولدي بمستشفى السلام عند دكتور اشرف كابش وحابه انقل التجربه لكم للأفاده

اول شي تاخذين موعد او تروحين تاخذين رقم وتنطرين الدور

عشان تاخذين موعد هذا رقم المستشفى دوسي صفر وبعدين طلبي الجراحه العامه ,,

1830003

,,

عند الرسبشن بياخذون عشرين دينار للدخول عند الدكتور وورا الطهور ياخذون 55 دينار ,,

عند الدكتور بيعطون الولد نقط بالفم عشان يخدر شوي وينام لج بليل
وبعدين يفحص الولد ويقول لج نطري بره عشر دقايق على ما ياخذ الدوا مفعوله ,,
ويعطيج ورقه فيها تعليمات والادويه ,,

الادويه :

غسول abc

كريم ميبو

bobbi baby shield عباره عن حمايه مكان الطهور عشان لا يحوشه الحفاظ ويلزق الجرح ,,

ادول

سعرهم 21 دينار

بعد العشر دقايق ينادونكم وياخذون قلبكم وولدكم معاه ويدخلونه عندهم ويطهرونه بالمسدس الحراري ..

وبعدها بربع ساعه ينادونكم وتروحون للدكتور يراويج شلون تحطين الكريم والحمايه بالحفاظ ..

بعدها الولد بينام ويدوخ من تاثير الدوا واول يوم شوي يتعصر ويبجي وبعدين عادي ورابع او خامس يوم يطيب الجرح نهائي والحمدلله ,,

طريقه استخدام الادويه ..

اول شي تحطين ماي دافي وعشره ملي من الغسول بطشت وتنقعين شوي الولد فيه يعني بو دقيقه بالكثير مره او مرتين باليوم .. وتالي طبطبي بالكلينكس على المكان ونشفيه ,, وبعدين حطي كميه من الكريم على الجرح مع كل تبديل للحفاظ ,,

وبعدين الحمايه وطريقه وضعها بالصور

وبعدها واحد ملي من الباندول كل اربع ساعات عند الحاجه ,,

نصايح وارشادات ما بعد الطهاره << من الورقه الي عطوني اياهاا :

المتوقع حدوثه بمنطقه الطهاره ويعتبر طبيعي..

* تكون قشره او بعض الافرازات
*تغير في لون الحشفه
*تورم الذكر

في حال حدوث لا قدر الله نزف الاتصال على الدكتور اشرف 97341280 او الذهاب لقسم الطواريء بالمستشفى ,

ولأي استفسار هذا رقم السكرتيره 22232100

واي استفسار انا جاهزه ومبروكين للعرسان مقدماا

الحمدالله على سلامته
انا كنت افكر بهالطهور بس متردده لي الحين ماطهرته
بقول حق ريلي عنه ونشوف انشالله
مشكوره ماقصرتي :**

العفوو حياتي

انا جربت طهور الشاش بالاميري < كان ممتاز بس الشاش لزق بالجلد ومع اي حركه كان ولدي يبجي

وجربت الحلقه بالراشد حق عيالي الاثنين الاول قعدت خمس ايام وطاحت والثاني طولت معاه الحلقه لانه ذكر ولدي انتفخ واحتقن الدم ويمكن عشر ايام طاحت

والحمدلله هالمره لا شاش ولا حلقه والطهور واايد حلوو ومرتب

الحمدلله على سلاامته

الحمدلله على سلامة المعرس فضوولي

و خووش موضوع ثااانكس حبيبتي

الحمدلله عللا سلامة المعرس الصغير
الله يخليه لج ان شاء الله
وبصراحه خوش موضوع انا اول مره اسمع عن هالشيء

الله يبارك فيكم حبيباتي تسلمون عالمرور :>

مبرووك الطهوور

تحسين العوار ع البيبي اهوون من
الشاش والحلقة ؟!

خوووش موزززوع

بس بتبوتا مو جنه هالحمايه اللي شكلها مثلث اتعور البيبي

احس انه راح اتغثه بالحركه وتغيير الحفاظ

وباذن الله ناويه اطهره بالسلام

اي يوم طهرتيه ؟؟؟؟

وتسلم ايدينش عالموضوع الحلو

واتشوفينه معرس انشالله

الحمدلله على سلامه الكتكووت
وتشوفينه معرس ان شاءالله
انا بعدد ناويه باذن الله اطهر ولدي بنفس الطريقه

الله يسلمج حياتي خل يدق عليهم يستفسر

الله يبارك فيج قلبي
اي أهون والحمدلله الحلقه زينه بس ولدي القبلي احتقن الدم وتعذب مسكين بس هذا ممتاز والحمايه تهبل ماتحوش الجرح

أهلين حياتي لا ما تعور لانها قطن شوي يابس بس تطرين الأطراف وتحطينها ونوعها تلزق عالبامبرز فمارح تتحرك

طهرته كان له 17 يوم

تسلمين حياتي

ان شاءالله

تسلمين عالموضوع
انا مثل ما قلت لج كنت ناويه عالليزر
بس الدكتور الي راجعت عنده ولدي ما نصحنا فيه
ييقول احتمال الخطأ و حرق المنطقه بالليزر وارد
بس تجارب البنات وايد يمدحونه
فمادري والله محتاره
بوري ريلي موضوعج و اشوف شنو يقول

نوحا

قبل لا اطهر ولدي فصفصت قوقل تفصفص وسمعت وسالت وايد عنه اختي ورفيجتي وأهلها كلهم مطهرين ليزر والحمدلله مافيهم الا العافيه
انصحج فيه والراي الاخيرًلج ياقلبي شوفي الي يريحج اهم شي

مشكوووره بتبوتا يعطيج العافيه بوقته الصراحه