موضوع الزوجة النحيفة اكثر انوثة من البدينة قاهرني حيييييل

في موضوع عنوانه
الزوجة النحيفة اكثر انوثة من البدينة بالصوووو

و هذا الرابط
https://www.q8yat.net/showthread.php?t=773049

المهم

انا قريتي الموضوع و اتفق مع صاحبة الموضوع ان فعلا النحيفة او الرشيقة بمعنى آخر اكثر انوثة من البدينة
استمتعت ببعض الردود بس في ردووود استغفر الله استغفر الله نرفزتنيييييييييييييييييييييييييييي

تدرون شنو الردود اللي نرفزتني ؟؟؟؟

اللي تقووووول كاهم الرشيقات ازواجهم تزوجو عليهم ……. شكووووووووو!!!!!!

ولا كاهم رشيقات و ازواجهم مايحبونهم
و لا كا هذي رشيقة و كله مشاكل مع زوجها

لحظة لحظة من قالج ان الرشاقة تعطيج ضمان ان تعيشين سعيدة الى الابد و تخلو حياتة الزوجية من المشاكل؟؟؟؟
و من قالج ان الرشاقة حق زوجي اصلان ؟

اول شي الزوجة الرشيقة لمن تحافظ على جسمها و رشاقتها تكون مرتاحة من نفسها و تكون حافظت على صحتها و تكون وصلت مرحلة تقدر تتلبس و تتفن باللبس و الستايل مو بس حق زوجها حق روحها بعد
تحس بثقتها بنفسها و تحب نفسها اكثر و تقدر تتابع الموضة بكل ثقة اذا تبي

اوكي يعني الرشاقة مو حق حضرت الزوج لا حقي انا
انا ابي اشوف روحي حلوة و انا بالاندروير و حتـي لو زوجي مو موجود و انا ابي البس اللي احب و ابي اكون رشيقة و خفيفة و صحتي اهم

و ثاني شي قهرني قهر مووووووووووووو طبيعي

اللي يقولون عن الصور هذيلي كلهم عمليات تجميل

ليش يا ماما؟

يعني الحين مايصير الوحدة تكون رشيقة و حلوة الا اذا مسوية عمليات؟؟؟

اذا انتي ماعندج ارادة تحافظين على رشاقتج و ماعندج خبرة شلون تبرزين جمال ويهج و تخفين عيوبج ترا غيرج عنده
و ترا الحمال و الولادة مو عذر لانج اذا تبين تقدرين تكونين رشيقة و حلوة بسهولة بس يبيلج ارادة و اهتمام بنفسج بلا عمليات تجميل بلا بطيخ

الحين انا ماراح اتكلم عن نفسي بس بتكلم عن وايد وايد بنات من جيلي الثمانينات ماشاءالله ماشاءالله عليهم جمال و رشاقة و ستايل البنت ماخلت الحمال سبب عشان يخترب جسمها الى الابد و تعتزل عالم الرشيقات اللي مو بس صحتهم احسن ..غالبية لرياييل يفضلونهم و خل نكون صريحين

ليش اذا الوحدة حلوة و رشيقة و عندها عيال قالو عنها مسوية عمليات؟؟؟؟
لان انا اكثر من مرة اسمع هالاتهامات على امهات يكون عندهم عيال وايد و صج انقهر لان تلقون اللي قايلة هالكلام وزنها مادري جم و محترة و تقول اييييييييي اكيد عمليات

الحين ابي افهمكم الهدف من الموضوع

بما اني ام عيال و الحمدلله محافظة على رشاقتي حيل
ابي بس اوضح نقطتين:

اول شي …. رشاقتي حقي انا مو حق زوجي ولو ان زوجي من حقة اكون رشيقة لان تزوجني رشيقة و هذا معناته ان اهو يفضل جسم المره يكون رشيق و هذا اقل و ابسط شي اقدر اسويه حق زوجي

ثاني شي …. مو لاني رشيقة و جسمي حلو معناته اني بعد كل ولادة اروح اسوي عمليات تجميل الله ما جعل الولادة سبب لتخريب اجسام الامهات الامهات باهمالهم يخربون اجسامهم و انا احافظ على جسمي اثناء الحمل و بعد الولادة اهتم بتغذيتي و الرياضة و الكريمات عشان اكون نفس ما كنت قبل الحمل
و ظهور جم خط و شوية تشققات عالبطن مو خراب للجسم اذا عرفتي تهتمين ببشرتج و تعالجينها

و سلامتكم