موضوعي عن الخدامة

السلام عليكم

انا فبالي موضوع من جبت ولدي معاي فالغربه وبقولكم ياه

قبل كنت اقول ليش الخدامة تطق الطفل والا تخرعه باشياء مثلا يلا ياك الحرامي نام

او تنغث او تنحاش او تطفر

تبون الصج
ما الووووووووووووووووووووووومها باللي تسويه؟

اهي مو ملزووومه تشقى وتتعب وتربي !!!

تساعد اي
تشتغل اي

بس تقطين الولد عليها وحتى النوم تنومه لا والله زين تسوي بولدج

انا كان عندي خدامه وما انكر ان الخداااااااااااااامه نعمه من الله

لان ما في انسانه راعيه مواجيب ومناسبات و وناسه وكشخه ما تييب خدامه

انا انسانه احب اكشخ احب انام احب اطلع ف احتاج الخدامه

بس ها؟

ماتنوم ولدي لا العصر ولا الليل انا انومه

واذا انا مو قاعده اتغدى انا اغديه

و اخليها تروح تحت و اغلب الوقت فاضيه و ولدي عندي

اذا عندي طلعه ساعتين عطيتها ياه
او عرس

او بيروح تحت تقعد وياه مع ان حمواتي ما يخلونها تمسكه كله عندهم

بس سالفة توكله وتنومه و تطارده لا والله مو ملزووومه حتى لو انها يايه عشان ياهل

انا من ييت الغربه شايله هم الدنيا على قلبي ماتتصورون شكثر صعبه تجابلين طفل 24 ساعه بروحج برووحج صعبه حيل
ولا دقيقة يفارقني وعساه ما يفارقني قولو امين ويحفظه لي

عمره سنه و 8 شهور
مادخلته حضانه ابوه مو راضي يقول ابيج يتربى عندج مو عندهم

علميه الاساسيات وبعدين لاحق عليهم مطولين احنا

المهم يا بنات من بعد ما انام واقعد براحتي بالكويت كنت اقعد 9 اعطيه الخدامه وانام لما 12

الحين اقعد 8 ونص 9 معاه

وتبديل الحفاظه 7 مرات باليوم علي انا
والاكل وااااااي يالاكل تطلع روحي عشان ياكل اطر منه طراره بكل وجباته
غير النوم يعل قلبي عشان ينام الحمدلله يارب ما اتشكى بس هذول العيال دايم الام تشقى وياهم

اللي بوصله لكم ان هذا ولدي حشاشة يوفي ماقدر لازم اعصب يوميا ومرات توصل للطق

ياهل وينرفزني وانا مضغوطة بشغل البيت

والله العظيم يا بنات
مرات تييني حالخ نفسيه اكون متضايقه حيل
وايي ولدي يبجي ويحن بالبجيه حيل حيل تخيلو اصرخ عليه واقول اي اكثر
والله العظيم شفتو فيديوات الخدم اللي يطقون حيل

والله ما ابالغ ان شيطاني يقولي بس ما اقدر ولدي
لان اعصب حيل ونفسيتي تتعب من شي واهو يكمل علي ف ابطها بجيه
ف ما بالكم خدامه مسيحيه مثلا مو ولدها ومالها خلق شي طبيعي بتغثه

يعني حاولو من يوم ورايح
انكم تساعدونها بعيالكم

مثلا اذا فاضيه انتي بدليه
ولا تنومه اهي انتي نوميه

يعني اللي تعتمد عالخدامه وايد وايد خل تتوقع الطق

بس اللي اغلب وقتها ولدها وياها وشوي الخدامة تمسكة مو شوي يعني نص ونص مثلي

ف هذي ما اتوقع بتطقة بتحبه ان شاءالله

العمر هذذا صعب ومتعب جدا

واللي بتقول انا ما اييب خدامه وهذا ولدي وانا اتحمل
لا والله صعبه

انا شعري مرات يتعفس ماعندي وقت امشطة

شغل البيت ماقدر عليه مع ولد جذي

زوووجي ؟ له حق علي

لازم اتفرغ له والخدامة عالاقل باليوم ساعه ساعتين تمسكة تتكشخين لزوجج

حتى السبوح يا بنات بالحسره
بتقولون وين زوجج يساعدج لا حرام اللي فيه كافيه دراسه وحوسه وضغط

بس ادعو ان الله يهدي زوجي وندخله حضانه الكورس الياي
وادعولي ارجع لاهلي بالسلامه
وترى الغربه كربه لا تفكرون ابدا ان امريكا وناسه
والله مو وناسه بالاسبوع يومين عالاقل نبجي دم من الفرقا والضيقة

الله يكون بعونج
انا زوجي ماكان راضي اييب خدامه تساعدني ..
لغايه سنه ونص وانا احاول اقنعه خصوصا اني بشقه ويحتاج اني
انظف واطبخ واعدل واغسل وفوق كل هذا ياهل !!!
وطبعا المطلوب فوق كل هذا اني ما انسى نفسي وكشختي

ولما اقتنع ببببببببببببببعد سنه ونص وياب لي خدامه
صارت بنتي فاهمه وواعيه ان محد يلمسها غيري
مااااااااااااترضى تسويلها ولا شي ولا شي ولا شي ياااااااااااااويلها
ان لمستها تفصل بجي وتذبح عمرها

الخدامه صارت بس لغسيل الملابس وتنظيف الصاله والحمام -تكرمون-
والباقي كله علي
سباحتها اكلها تبديل ملابسها شعرها نومها لعبها
بس المهم شالت جزء من المسؤوليه اللي علي هههههههه الحمدلله

والله كلامج عدل لكن هالخدم شر لابد منه الله يعينه عليهم ويعينهم علينا

لا حلو ولا قوة الا بالله

براون ايييييي اذا تشيل البيت كله وبننتج عليج ممتاز

بس وجود الخدامط للبيت ضرووووووووووووووووووري حيل

احنا بالكويت نطلع ونروح ونرد

لازم خدامه للمساعده

شكرآ على مروركم

انا ما اشوف ان الخدم شر ؟؟؟؟

فيليبينيه اي شر
اثيوبية اي شر

السيلانيات والهنديات عمرهم ما ضرو احد

اذا سوو شي انحاشو
فرقاهم عيد كيفهم

الفلبن حقودات و عيونهم زايغه

الاثيوبيات نفوس وجرايم

الاندونسيات *** اعوذ بالله

والله كلام عدل
انا اشوف بناتي بصراحة ساعات شطانهتهم تزيد مع الخدم و افكر شلون متحملين
بس الحمدلله الخدم عندي مساعدة فقط او حق الطلعات النادرة ولا بالغالب عيالي معاي الله لايفرق علينا

نفس تفكيري بييب خدامه ومادري شلون اقسم الشغل خاصه اني حامل ماقدر اشيل بنتي

والله يا أختي لابد ..

بس انتي لأنج في الغربة هاتي بيبي سيتر لو تبين تروحين مشوار مع زوجج .. هاتيها من وكالة اطفال أحسن ومضمونه .. روحي مع زوجج مشوار وخلي السيتر مع البيبي ..

والله يعينج ويعينا

لا مستحييييييييييييل اييب بيبي سيتر قلبي يعورني والله ما اقدر اخليهم بروحهم بالبيت
اخذه ويأذيني ويعكر مزاجي ولا اخليه وايدي على قلبي

عالاقل الخدامة اكون عارفتها وعارفة طبعها ومخليتها ب بيت فيه ناس داشه وطالعه
هني اخاااااف

كله افكر بتاخذه وتنحاش
مالي الا اتحمل

لا دربالج من البيبي ستر

انا نفسج ولدي عمره سنتين وإخوانه بالمدرسه وبالغربه
بس صعبه تنامين وتخلينه عندها دربالج انا اذا ابي أنام أسكر داري واخليه عندي هذيلا مالهم أمان

اكيد الياهل محد يتحمله غير امه

كنت متغربه وكان عندي بنتي وولدي صغار والحمدالله بالبدايه كان صعب خصوصا ان بنتي كانت حركيه بس الحمدالله تعدت هالمرحله وعقب يبت بنتي والحمدالله ما تعبت معاها لاني رتبت وقتي ووقتها وعودتها على الي ابيه
فقدرت على تربية ثلاث يهال وتدريس وتنظيف وغسيل وطبخ وبروحي بالغربه
فالي بقوله الياهل ترى مو متعب اذا عودتيه وعلمتيه على الي تبينه عشان انتي ترتاحين واهو يذتاح

وبالنسبه للغربه نصيحه استمتعي بكل لحظه فيها صح انج بعيده عن الاهل بس صدقيني ليه رديتي الديره راح تفتقدين الغربه وايد

وربي يوفقكم ويسهل غربتكم ويردكم بالسلامه

ام ميدو الكل يقول نفس كلامج

بس انا انطر اللحظه اللي نرد فيها وايد باقيلنا بحيل الله 3 سنين ونص ان شاءالله

يارب صبرني

برافو عليج

انا عندي خادمة مخصصة للبيبي و باجي الخدم لشغل البيت لكن خادمه وحده للبيبي فقط

مع ذلك ما اخلي بنتي عندها الا للضرورة القصوى ولا اخليها تلقمها لقمة معني أرد من الدوام هلكانه

عليها تنظيف المميات و تجهيز اغراضها والكوي حتى الغسيل ما اخليها تجيس هدومنا وبالطلعات اذا احتجت اييبها معاي تركض وراها وتشيل و تحط اهني تطلع عازتها

ومثل ما قلتي اذا ضناي مرات احس ودي اكفخها وازنطها فشلون الخدم

الله يحفظ عيالنا و يخليهم لنا و عسى الله يسهل أمورج يارب

الله يعين