|
|
المهم انها قطع مربعة صغيرة
انا احب الشغلات اللي ترتيبها فوضوي ما احب النقوش او الرسم المرتب
فيعجبني هالستايل احس فيه عفوية اكثر
طريقته سهلة انا مرة جربت حق المدرسة سويتلها مثل فخارة ولصقت الموزاييك عليها :
الشغل كله بعجينة السيراميك
ناسية مقاديرها بالضبط بس كنت حاطة نشا وغرا وطحين وشوية ماي عشان العجن
بعدين فردت العجينة وقطعتها على شكل مربعات 15 سم في 15 سم
وخليتها تنشف يومين علشان تتيبس
بعدين لونتها بالوان سيراميك وبعضهم بالوان زجاج
بعدين رشيتهم بورنيش رش شفاف لمجرد يعطيهم اللمعة المطفية وخليتهم ينشفون على راحتهم
بعدين يبتهم وطقيتهم بمطرقة لما تكسروا باحجام مختلفة كبار صغار ومتوسط
خلطتهم مع بعض وبعدين يبت الفخارة وغطيتها بطبقة غزيرة من المعجون الخاص بالجدار وغرزت القطع فيه باشكال عشوائية
طلعت روعة
ولو تبون تقدرون بدل لا انتوا تسوون العجينة تقدرون تشترونها جاهزة
اهيا نفسها ترى الطين الابيض اللي مغلف كنا نشتريه حق المدرسة اول جان تذكرون
ولو ماتبون تستخدمون عجينة السيراميك من اساسها تقدرون تكسرون صحون فخارية قديمة عندكم او قطع سيراميك ملونة من اللي زاد من تلبيس ارضية بيتكم مثلا
وتلصقونه على الفخارات او الطاولات بالمعجون
هذي نماذج للشغل النهائي
ودي اسوي ؟؟ بس ماعندي حس فني !!!
هذا احلى مافيه انه فوضى وترقيع بترقيع
يمعي كل الصحون اللي ماتبينها
ازرق احمر اخضر اصفر اللي هو
وكسريهم ولصقيهم على لوحة مثلا وشوفي شلون راح تطلع حلوة
اهم شي انج تضبطينها بحيث ان بعد فترة مايطيحون
ومشكورة على ردج الاول
عاد عجينه السيراميك تقدرين تسوين فيها شغلات فنيه روعه …
تقدرين تزيين بدون المعجون ….مع الغرى على الفخارة مباشرة
وممكن قبل ما تخلينها تجف تسوين اشكال عشوائيه ووتحطينها ..وتخلينها تجف واهى ملصوقه على الفخارة…..وتلونينها مثل ما تبين …وبعدين تطلينها بالورنيش….عشان تحافظين على الالوان…وتعطيها لمعه ….
بس
هذا فن مو ترقيع بترقيع يا حيادر ….الفن العشوائى له جمال ..وابداع ..وروعه ….حاله حال اى فن تشكيلى….
ناطرين جديدج حبيبتى……
تسلم اياديج
والله خوش شي حق الصيف ايام الفراغه
يعطيج العافيه
انا قصدت ان الفن يكون عشوائي وهالطريقة انا اسميها ترقيع 
مصطلحاتي عجيبة 
مشكورين بنات على المرور
الله يعافيج
حياج الله
حياكم الله بنات
تسلم اياديج