|
|
مرحبا بنات شخباركم ؟
اشتقت لكم
اقولكم انا زوجي موظف بمنطقه شوي بعيده و الحمدلله مافي بنات وايد بالدوام الا كم وحده بس
مره قال لي ان وحده نادته بالمكتب و دشت قبله وفصخت حجابها قالت اوف حر !!
يقول انا انصدمت احسب تبي تعدل في الحجاب !! قالت له ادخل اخوي ..
الريال طبعه ما يقول شنو صار وشنو سوى ،، وانا الحمدلله استانست ان قال لي ،،
طبيعي ان مت مت مت من الحره !!! بس بعدين سويت نفسي عادي قلت من زينها والله مسكينه تبي تتزوج تدور لها ريال ..
بس ابي اشينها بعينه
عاد هي ماسكه امور الموارد البشريه ووايد اشيا يرجعون لها
مره ودى بطاقه بنتي لها عشان اجراءات الدوام والتآمين الصحي وخرابيطهم..
قالت له وزوجتك بعد ،،قال لا مولازم لان هي موظفه و اللي اعرفه قانونكم ان اذا الزوجه موظفه مو لازم اييب اوراقها..
المهم
هالفتره انا قدمت استقالتي و قاعده بالبيت ،، فطلبت منه اييب لي تآمين ،،
عاد اانا قلت بصور صوره مرتبه باسوديو نظيف لان ماعندي صور زينه ،،
لان ادري انها بتطالع بالصور وجذيه
لان اخبر قبل البنات بالدوام لا يابو لهم صور الموظفين ويهالهم واهلهم وجذيه يطالعون !!
انا والله ما اهتم
بس الحين توني كلمته قلت له اليوم بعطيك صوره و الرقم الصحي عشان تخلص الاوراق
جان يقول
سبراااااااايز
سويت لج اليوم كل شي !!
قلت له
شنوووووووووووووووووووووووووووووووووووووو !! .gif "Eh S(2)")
قال شفيج مو مستانسه ان زوجج سوى الشغل بسرعه وخلص الامور !!
قلت له من وووووووووووووووين يبت صوره !!!!
قال دورت بدرجج و لقيت صوره
وراها احمر
قلت له !!!!!
صووووورتي ايام امتحانات الثانويه !!!
..
صدددددددمني
الصوره شينه شينه شينه شينه
تحت عيوني اسود لان امتحاااانات !!
ومصوره بالجمعيييييييييه ماكو فوتوشوب !!!
وطالعه حوله و حجابي مو مكوي
ومانعرف شنو مكيااااج
وياهل يعني الخشششششم والمراهقه وحب الشباب
والبشره الدهنيه الي تلمع وتصقع اااااه
امببببببببيه !!!
شي شي شي يقهرررر
ليششششش تاخذ هالصوره بدون ماتقول لي !!!!!
!!!
قال ماعرفت لج !! اسوي لج سبرايز ماتبين !!!
قلت له بابا ،، ابي اعطيك صوره حلوه !!!!
وجان يعصب
قلت له اسمع !! تودي صورتي حق البنات الي بالدوام !! وانا جذيه ليش ان شاء الله !!!
بنات ابليس الي لا شغل ولا مشغله و يلاحقون الرياييل ويشوفون نسوانهم !! وانت بس خذ الصوره وودها !!
قال ماله شغل
قلت حق منو وديتها ؟
قال حق البنت !!
قلت له الي قلت لي عنها قبل؟
قال ايه هي !!!
قلت وهي شلون شكلها اليوم مكياج وعطر و تسريحه !!!! ان شاء الله !!
قال شكو !
قلت له اوكي عادي خلاص ،،
مشيت الموضوع بس ميته من الحره بنااااااات ،، بط جبدي يابروده عمره ماتحدك ويم تحرك تبخر واحترق
اف منه
واسوووووني
.gif "Eh S(16)")
.gif "Eh S(11)")
الحين تحرقين نفسك على شي ماضي ليش
لا تبينين لزوجك انك الموظفة احسن منك او انتي مو جميلة ترى ترسخ فباله ويجلس يقارن بينكم وتفتحين عيونه على شي مو فباله اصلاً
خلاص راحت الصورة عدلي مزاجك و سوي نفسك مو مهتمه بشي والحمدلله ما خربت الدنيا ما تدرين يمكن خيرة لك
لو عدلتي و ضبطتي بروحك تصكك عين حارة وهنا لا طبنا ولا غدا الشر ..: )
تيك ات ايزي
لوول عادي حبي.. اكييد انتي أحلى بعينه
تقبلي مروري :**
وبعدين البنت اللي معاه بالدوام واضح انها من بنات ابليس
شلون تنزل حجابها وتنادي رجال للمكتب والله والله
تلقينها كل يوم كاشخه عطر ومكياج وتسحب بها الرجال 
حبيبتي تكفين ديري بالج على زوجج وراقبي تصرفاته من غير مايحس
طبعا واذا تقدرين تقنعينه يغير دوامه احسن واحسن .gif "Eh S(9)")
والله يوفقج ويعمي عين زوجج عن غيرج .gif "Eh S(7)")
نصيحتي قوليله مشكور حياتي خلصتها واثني عليه
والبنيه لاتييبين طاريها كلش لاتحطينها في باله خاصه انها مو مضبوطه وسهله بالنسبه له
الله يهدي بالج
الريال سوى الموضوع من حسن
نيه
وماقصد يضايقج
ميخالف اعذريه هو حب
يسويها لج مفاجئه
مو اكثر
وماقصد يضايقج
بس صج ضحكتيني بوصفك للصوره
حبيبتي
انسي
شافت الصوره وانتهى الموضوع
بس نصيحه شيلي الموظفه من راسك لاتخلين زوجك ينتبهلها غصب
عادي ريلج مسكين تعب وسوا على نياته لا تنبهينه وتقولين له مو حلوة راح يعرف انج محتره منها
بعد اهي بتقابل ريلج وغيره بتحط عينها عليه اهو من بد الرجاجيل الله يهديج بس