مواقف بليلة الزواج

ليلة الدخلة و ما أدراك ما ليلة الدخلة … نترككم مع المواقف الطريفة ,,

مواقف مضحكه للبنات ليلة الدخله او الخطوبه والله بلاوي ليله الدخله … او ليله الخطوبه
انواع الاحراجات ……. تلاقين الويه صاير طماطه حده

1- وحده ياب زوجها لها تمر وجلس يُأكلها حبة حبة … طبعا ً البنت استحت انها تطلع نواة التمرجدامه قامت تبلع وهو يعطيها وهي تبلع الى ان انتهى بها الموضوع في المستشفى..!

2- وحده يا خطيبها يشوفها وطبعا هي خجولة جداً.. وفيها حيا
لمه دخلت عليه وابوها كان موجود فجأة دخل خالها وبعدين عمها وشوي يدخلون خوانها كلهم صار المجلس مليان ناس وكلهم عيونهم عليها شافتهم المسيكينة متيمعين و أغمى عليها…!!

3- وحده يات بتخطب صديقتها لاخوها عزمتها في بيتهم وقالت لاخوها طل عليها من الشباك وشفها اذا اعجبتك نخطبها لك .. وافق اخونا ما جذب خبر ولما يات البنت عطتها شوكولاته والبنت رفضت تاخذها وهذي تلزم عليها والبنت مصرة ما تاخذ .ولما طلعت تسأل اخوها عن رأيه في البنت .. الاخ شاف البنت وهي تخش الشوكولاتة في شنطتها ..ولما سألته اخته وش رايك؟ قال موافق على طول وتم الزواج ..! وفي ليلة العرس يسأل الزوج البنت : وين الشوكولاتة اللي أخذيتيها من بيتنا؟؟؟ "ما ترضين واحد ياخذ من بيتكم شي وما يستأذن"..!!

4- واحد في ليلة عرسه جالس في زاوية وزوجته في زاوية يكلمها وهي مستحية وتطالع الارض .. ينطل نكتة (يستهبل) عليها .. البنت ماش تطالع في الارض ولا جنه في احد يمها…!! الولد من كثر ما يكلم نفسه وبنت الناس ساكته ..قال ياولد خلني اطنش واسكت شوي .. فجأة اصدقاء الرجل قالوا لازم ننكد عليه ليلة زواجة (والله الغثاثة) ونحرجه جدام زوجته .. المهم قام واحد منهم وأخذ حصاة وحلتها بها الشباك …عاد تخيلوا سكون البنت وصمتها وصوت ضربة الشباك _قوية_ كانت مفاجأة للبنت اللي يوم سمعت الصوت ومن الخوف والرعب طمرت وضمت زوجها من الخوف …الرجال استانس واعجبته الحركة ترك البنت على جنب وطالع من الشباك لقاهم ربعه صاح لهم وقال :ثانية شباب ثانية..الا وحدة حصاة في راسه …ويا ليل ما اطولك ….وصارت البنت هي اللي تداويه ذيك الليلة وتنظف جروحه راح الحيا وراح الخجل .. والسبب حصاة….!!!

5ـ وحده اول مره بتشوف الي خطبها ويوم قالها ابوها يالله دخلي المجلس دخلت ومن قوة الحيا دخلت وسلمت على اخوها

6ـ واحد وده يتزوج وقال لامه دوري لي وحده دلوعه وشكلها بيبي فيس وجسمها صغيير وشعرها طويل واهم شي مو دبة وكل مرة يروح ويشوف البنات ما يعجبه الشكل ,
وفي يوم لقت الام وحده وقالت له روح وشوفها يوم راح ودخل المجلس جلس علا الكنب وقال ابوها لبنته يالله دخلي يوم دخلت وقعدت على الكنبه الي يمه وشافها من قوة الفرحه وانها طلعت مثل مايتمنى اخونا ماقصر قام وباس البنت جدام ابوها