مواقف الغيره بين عيالناااا

موضوع الغيره بين العيال موضوع دايم ومستمر

ياليت نتشارك المواقف والحركات بين عيالنا

انا عندي ولد سنتين يغار من اخوه شهرين

مثال اذا بجي الصغير الكبير يبجي عقبه

ويرفسه ويسوي روحه من دون قصد

المايك لكم

للتذكير

أحم أحم تسمعوني المايك أوكي
يووووووووه عدي وأغلطي
بنتي عمرها ثلاث سنوات واخوها سنة وثلاث شهور
مستلمة الصبي وطايحة فيه طق ودايم تضربه
على راسه ليش ما أدري
وأي شي نشتريه حقه تقول حقي وتهاوش
وتعفس الدنيا الله يهديها
وتقهرني إذا شافته نايم تقعد تصارخ حتى يقعد
وتقول ماما قعد وهو توه نايم بس أحين خخخخخ
عرف لها بس تضربه يرجع يضربها وأحياناً تكون
نايمة بالصالة يروح يركض يضربها هههههه ياخذ بثاره
منها لو بقول شنو تسوي الغيرة فيها يبي لها مجلدات
حتى من بنت أختي إللي عمرها ثلاث شهور تغااااااار
وخاصة إذا شالتها أمي تقولها مانبيها الداد قطيها بالزبالة
الله يعزكم

الله يهديهم ياااااااااااااارب

الغيره وما أدراك ما الغيره ولدي يغار من اخته بشكل جنوني
اذا لبستها تاج يأشر يبي مثلها
كل ماحطيت تاج او شباصه يروح يفتح علبه التيجان ياخذ ويلبس
خوفي يقلب جنيس لوووول

انااا ريلي يغااااااااااااار من ولده

شنووو الحل ؟؟؟؟

هههههه
الله يعينكم

هذا ولد اختي عمره سنتين يغارمن بنات اختي خصوصا اذا شافهم يمشطوشعرهم ويحطو طوقات وشباصات سبونج بوب
يجي يم خالته يجلس مؤدب على قلبو يقول اليها بيبه بيبه بيبه يعني ييبي مثلهم حتى الاكسسوارات يبي مثلهم وحتى ياخذ اله قبعات بنوتات ههههههههههههههه

لوووول

خخخخ عادي مو احسن من بنتي سالفة الطق هذي عادي بس العجيبه الي تسويه انها قامت تشخبط على طوفه البيت شقتي لو تشوفونها تقولون خريطه مو طوفه من الوان من رصاص لين الاوان الشينيه و غيرها و غيرها هذا اشلون امسحه خاصه انه طوفتي مسويتلها ترخيم

و على البس لازم اهي و اختها نفس الشي و لا لازم كلمت الللللللللله يا حلاتي و شوفي الضحكه و شنو تقول حق اختها عاد اختها سنه و نص ما تفهم تقولها شفني انا احلى منج خخخخ بناااااات

انا ولدي العود 7 شنوات اسم الله عليه طايح طق وتعيب باخته اللي اصغر منه 5 سنوات وحق اخوه الصغير 7 شهور يقعده من النوم واذا شافنا كلنا نلعب مع الصغير يحاول يلفت انتباهنا باي شي

اما بنتي اللي عمرها 5 سنوات ما تقدر عالعود بس تحره بالكلام ما تقدر تطقه لانها تدري انها بتنطق منه وبياذيها بس هم ما تقدر تستغنى عنه لانه الوحيد اللي موجود ممكن تلعب معاه وكل تييني تتشكا منه وحق اخوها الصغير مو مبينه غيرتها منه غير انها تاكل بنفسها من بعد ولادتي بفتره صار معاها ضعف دم وانيميا قويه وصار معاها بهق بجسمها مضيق خلقي حيل وطلعت لها ثعلبه وتاكل باظافرها الحين احاول اهتم فيها كثر ما اقدر اقول لها ساعدني فيها تشربه الحليب وانا ماسكته او تييب لي اغراضه او احطه بحضنها وانا قاعده يمها واخذها معاي لي طلعت سوق جمعيه صالون واخليها تسوي اي شي معاي بالصالون واشتري لها شي مميز لي طلعنا واقول لها شرايج نشتري حق اخوج البيبي ؟ عشان لي كبر يحبج! انتي حبيبتي والبرنسس مالتنا كلنا واحلى وحده بالدنيا ومابي اييب بنيه ثانيه غيرج عشان ما احبها كثرج
كاسره خاطري

اما الصغير بو 7 شهور اذا شافني مشغوله بواحد منهم يصااااارخ ويرفع ايده يعني شيليني ولعبي معاي

مشششششكله الغيييييره مادري شالحل وشلون اقدر اعوض كل واحد

يووووووووه انا ما اعد

بس يكفي انها عمرها 4 سنين

ومخليه ممنوع الاقتراب والتصوير مني لووووووووووووول

اي احد يقرب او يلمني او يبوسني من اخوانها او عيال اخواني على طول تبجي وتدزهم وخروا عن امي ههههههههههه

و بسولف مااخلص مرو تمجع اختها مرة ترفسها وهي نايمه جنه ماتدري

up up up up

ممم انا اعيالي 3 ةمينيني كل واحد يغار من الثاني
مادري اسوي من روحي استنساخ عشان يرضون مثلا

اذا واحد مسك لعبه تحلي بعين الكل ويتهاوشون عليها بعدين ينتقلون للعبه الثانيه ويتهاوشون عليها حتى الاكل ثلاثتهم يبون ياكلون من صمونه وحده المهم يطقون بعض
اذا شريت شي لازم منه 3
حياتي صارت كل شي فيها 3
وتستمر الغيره

يسلم قلبه يرفع ايده