مواقفكم المحرجه والمضحكه وحتى القويه مع المراجعين والموظفين اهني بنات ناطره تفاعلكم

السلام عليكم

بنات بما انه هالقسم للموظفات قلت ليش مانتشارك بالمواقف القويه- المحرجه -المضحكه اللى تصير ويانا بالدوامات مع المراجعين او حتى الموظفين من الرياييل ..

انا ببتدى اذكر موقف مع مراجع دش عندى المكتب والفراشه كانت موجوده المهم الريال واهو يتحجى ماشوف الا هالفراشه قامت وطقعت لا والصوت شنو جنه صوت انفجار بوووووووووووم امبيه فشله الريال قام يسبها هالوسخه القذره شنو ماتستحي طبعا انا حدي مصدومه و يتنى ضحكه الريال يحاول يحاجيني وانا موقادره ارد مخنوقه ابي اضحك لين ما اهو بنفسه وقام يضحك من قلب صج موقف مانساه بحياتى لووووووولز

اما المواقف ويا الموظفين وايد اذكر مره يتنى وحده تشتغل وياي جان تقولي مرامو انتى بينج وبين الموظف الفلاني شي ؟ انا انصدمت شكو شالحجي اهو نفس اخوي ومادري شنو المهم سألتها ليش وماليش جان تقولي لنه فلانه اليوم الصبح سمعت سوالفج ويانا << انا يبت طاري الموظف بس يعنى سوالف عاديه وقلت يحليله اهو محترم وخلوق.. اثاري الحبيب بينه اهو وبين البنيه علاقه من سنتين والكل يدري الا انا لا والبنيه فوق هذا غارت وعصبت وراحت ركض عنده تهاوش وياه !!! مسخره مووو

ان شاءالله مايكون الموضوع مكرر بالقسم

يلا بنات ناطره تفاعلكم لاتكسرون فيني

ههههههههههه
ضحكتيني على الفراااااااااااشه هههههههههههه امبيه فشله
اشوه انه درا انه اهيه طلعت منها ههههههههههه

عيل انا مريت موقف بااااااااايخ
مره يايتني مراجعه
وااي تهبل انا انهبلت عليها خخخخخخخ
وكنت حاطه على مكتبي كوب القهوه والشمعه المعطره الي على قلاص
وانا قاعده اطالعها واحاجيها
جان ارفع كلاس الشمع وبشربه ههههههههههههه
جان تصرخ اختي اختي انتبهي هذي مو قهوه هذي شمعه
وانا اطالع الي بيدي وقلت وااااااااي جان حرقت براطمي هههههههههههه
وانا طبعا عبالي قهوه لانه نفس الحراره هههههههه

طبعا الي معاي غشوو من الضحك
والمراجعه تضحك وما قادره تمسك روحها

كرهت الفواحات والشموووووع كلهاا عقب هالموقف

هههههههههه مواقفكم عجيبه

انا كنت اشتغل في البنك

ياني عميل .. قال لي جم في حسابي ..

قلت له .. مليون و اربعميه دينار

جان يقول شنو

ماني قادر اوقف .. ييبيلي ماي

انا اخترعت قلت شفيه

جان يقول لي متى فزت بالمليون

انتبهت .. و اطالع الشاشه عدل

جان اقول له .. سوري عمي .. عندك الف و اربعميه دينار

امبيه حدييييييي انحرجت

مسكين الريال .. قال لي .. الله يسامحج .. بغيتي تذبحيني ..

طلع مسكين فيه ضغط و سكر .. و من الصدمه .. بغى يروح فيها الريال بسبتي

لوووووووووووووووووووووووووووووووووووووول انا حاليا بطالية بس اتوظف انشاءالله اقولج مواقفي

خوش موضوع ويعطيج العافيه

ههههههههههههههههههههههههههههههه امبييييييييييه قاعده فالدوام وميته ضحك على مواقفكم
عااد انا مواقفي لا تعد ولاتحصى

اللي يسلمكم احنا مديرنا يكره احد ياكل فالمكتب اكلو أي مكان الا على المكتب لا عااد ياني يوم مو متريقه وعندي اشغال الدنيا كلها على راسي جان اقوم واحط اكلي فالدرج عشان مايبين وآكل لين ماخلصت ماوعى الا صوت المدير وراي يسويلي خلصتي اكل وويهه جذي

_________________________________________

موقف ثاني كنت اول مره البس كعب وكانت الارض مبلله بالماي وانا حظرتي يايه وواثقه كل الثقه بنفسي واطق طق بهالنعال مره وحده جك بوم طحت ووين رقع راسي بمكتب الاستقبال عااد تعالوا جوفو البنيه اللي فالاستقبال شصار فيها ودها تقعد على الارض من الضحك

والله العظيم ميته ضحك عليكم

انا كان عندي ميداني في بنك

كان كل اسبوع ايي عميل غني ماشاء الله يحط الف الفين ومره على كلام الموظف يايب جيس متروسه فلوس

المهم

كل ما ايي يقولنا جم بحسابي نقوله هالكثر

يقول سحبلياهم خل اعدهم وصج يقعد ويعدهم

واحنا لا تشوفينه الي خاشه راسها تحت الطاوله وتضحك والي تركض الحمام عشان لاتبط الضحكه

تقريبا نفس السالفه بس على تكسر الخاطر

يايلنه عميل يقول حق الموظفه

اختي شوفيلي انا الاسبوع الي طاف حاط 500 جيكي عليهم

جيكت جان تقوله مو موجودين

قالها ها شوفي لاتخليني اطيح من طولي الحين جيكي عدل

ريال كبير والله كسر خاطري

هالبنوك هالنصابين

هــذا حـــده تحفـــه اللي كــل مــره يحسب فلوسه ،،، الحمدلله والشكر ، هذا أكيــــد بخيــــل ،،،،
آنــا مــره جاني مراجع بيطلع ترخيــص بإســم زوجتــه ، قلت له إخــوي التــوكيل إللي معاك ما يمشي لازم إتحضر صاحبة العلاقه
جان يعصب حده ويقولي : شلون ما يمشي ؟؟!! (( آنا حتــى بنفسها أتحكــم )) !!!!!!!!!!!!!
لاحظو : (( حتى بنفسها يتحكم !! )) !!

يسلمو عزيزتي عالموضوع ….

لووووووووول مواقفكم تحفففففففففففففففففففه ..

انا مو موظفه بس بشوووف مواقفكم ::متااابعه::

بقولكم موقف صارلي اليوم … انا ماصار لي 3 شهور من اشتغلت وانا كللش ماتأقلم ويه الناس بسرعه عااد انا مادري شلون طيحت الميانه ويه وحده موظفه عندنا بعمري عااد احنا صار لنا جم يوم نستهبل على بعض نطلع لسانا فاليوم كنت قاعده على مكتبي وفاصله حددي ابي انام عااد الباب نصه زجاج ونصه خشب انا جفت وحده يايه بتفتح الباب عبالي هالبنيه اللي مطيحه الميانه وياها وطلعت لسانيالا طلعت مسؤولتي ويهي صار الوان قوس قزح تفشلت ويهي صار مثل التفاحه يممممممممه فشله من قلب خزتني وراحت وانا خلاص ببجي مو قادره الحين شبتقول عني جان اروح الحمام وابطها صياح بروحي

لوووووووول خووش مواقف

ههههههههههه واعلياااااااااااااااا
زين ما انقبر الرياااااال
ما ينلااااااااام
انا جان سيدا اسعاف وصليبخات وعيالي يورثوني خخخخخخخخخ

[

quote=بحرينية اصيله;8611359]ههههههههههههههههههههههههههههههه امبييييييييييه قاعده فالدوام وميته ضحك على مواقفكم
عااد انا مواقفي لا تعد ولاتحصى

اللي يسلمكم احنا مديرنا يكره احد ياكل فالمكتب اكلو أي مكان الا على المكتب لا عااد ياني يوم مو متريقه وعندي اشغال الدنيا كلها على راسي جان اقوم واحط اكلي فالدرج عشان مايبين وآكل لين ماخلصت ماوعى الا صوت المدير وراي يسويلي خلصتي اكل وويهه جذي

_________________________________________

موقف ثاني كنت اول مره البس كعب وكانت الارض مبلله بالماي وانا حظرتي يايه وواثقه كل الثقه بنفسي واطق طق بهالنعال مره وحده جك بوم طحت ووين رقع راسي بمكتب الاستقبال عااد تعالوا جوفو البنيه اللي فالاستقبال شصار فيها ودها تقعد على الارض من الضحك[/quote]
ههههههههههههههههههههه
كلش مو شي احد يطيح عليج وانتي بلعه على مكتب خخخخخخخخخخخ

ههههههههههههههههههههههههههههههههههههههههه
مسكين يمكن طلعت عيونه على ما جمعهم

ههههههههه هذا سي سيد بعينه وعلمه

ههههههههههههه ولا ماي بحر يغسلج عقب هالحركه

لوووووووول خووش مواقف

م احنا في دوامنا مافي مراجعين بس مره من المرات كنت معصبه ومتهاوشه مع وحده معاي في الدوام وكنا تونا مغيرين غرفتنا مع المراقب وانا كنت منعميه من الأعصاب جان افتح باب الغرفه بكل قوتي واتحلطم وويهي كان الصوب الثاني وفجه الباب واتحلطم وماانتبهت منو في الغرفه وتوني بدخل الا المراقب كان عنه اجتماع مع رؤساء الأقسام من غير مبالغه كنو منبهرين هذي شتبي وانا طبعا بقى يغمى علي جان اركظ لي الغرف وشوي واسمع ظحك من كل صوب من الموظفين والمراقب ورؤساء الأقسام وانا ميته من البجي من الأحراج موقف لايمكن انساه