|
|
شلونكم بنات ؟
يا بنات أنا ان شاء الله بتخرج الكورس الأول ، إذا الله يسر الأمور
تخصصي هندسة كهربائية ، ومعدلي حدّه حدّه ، ادعولي انه ما ينزل
أولاً ما عندي أحد أعرفه نفس تخصصي وتوظف قبلي ، وأنا البجر وأهلي ما عندهم فكرة عن أحد توه متوظف من زمان عن هالسوالف ، وأبوي وظيفته مو حكومية فـ ما يدري عن هالتفاصيل ، و ما أدري شنو أتوظف ولا عندي أي فكرة عن الموضوع
وثانياً قاعدة أشاور نفسي إني أقدم ماستر
بس الحين تقديم الماستر شهر 5
وانا اذا تخرجت ان شاء الله راح أتخرج شهر 2
ولو فرضاً قدمت وانقبلت أو ما انقبلت ، راح يبين هالكلام شهر 5 ، والدراسة تبدأ من الكورس الأول السنة اللي وراها
يعني يمكن عندي 6 شهور فاضية
ما أدري هل يمديني أدورلي وظيفة وبسرعة أقدر اخذ إجازة دراسية منهم ؟
وشنو الأماكن اللي أقدر أتوظف فيها ؟
وشلون سوالف التقديم عالوظايف ؟ وهل ممكن تطول السالفة ؟ وانا تخصصي هندسة كهربائية وخريجة جامعة الكويت ومعدلي جيد جداً ؟
علماً بأن عمري وقت التخرج ان شاء الله 22 ونص
شرايكم ؟
XXXXXXXXXXXXXXX
يمنع وضع روابط لمنتديات اخرى
ماكو على الدراسه ذخر وفخر للانسان
أبي أحد يقولي توكلي على الله وقدمي !
اذا تبين الحكومة – تقدمين بديوان الخدمة
اذا تبين القطاع الخاص – تابعي مواقعهم واعلاناتهم بالجرايد
واذا عندج رغبة بالتدريس شوفي الجامعة او التطبيقي
وبالنسبة للماجستير اذا عندج الرغبة لا تتاخرين حتى لو كنتي بتتوظفين – لانج بتكونين ليحين مبرمجة على نظام الدراسة والبحوث الكويزات والامتحانات غير عن لما تفجين سنتين او اكثر عقب تصعب عليج السالفة تردين تتاقلمين مع نظام الدراسة مرة ثانية غير انج بتكونين نسيتي معلومات وايد
وفيه مهندسين بس مو كهربائية !
وبالنسبة للماستر ، التقديم شهر 5 ، والدراسة شهر 9 اللي بعده ، فـ لازم أنطر
وخايفة أنطر وما أقدم عالوظايف وما أدرس ماستر ولا أتوظف : S
التدريس حيل مو ببالي ، مااااااابي أدرّس أبداً أبداً
ولو أبي حكومة ، ما أدري وين أروح : ‘ (
ما تعرفون مهندسات كهربا ؟
يمكن عندي واسطة بوزارة الطاقة
زينة ؟
واذافكرتى بالحكومه لاتفكرين بغير الكهررباء اقوى معاااش وبنونص بعثات ودورات
ديرى بالج تتوظفين بالتربيه يخلونج تشتغلين مهندسه تعال افتر عالمدراس والمبانى وجيك هذا ليش خربان هذا بدليه او يخلونج ابله ويشليون منج مساامج الوظيف بس ماكو فراق بالمعاشات لان معاش المدرسه اليديده نفس معاش المهندسه لا والمدرسه بعد اعلى بجم ديناار
عادي ترى كلش ما فيها شي واااااايد ناس موظفين و قاعدين يكملون انا انشالله بسوي جذي بس المسألة يبيلها تنظيم وقت لا اكثر ولا اقل وبالنسبة لدراسة الماستر انتي عارفة المواد قليلة يعني اذا كثرتي 3 مواد بالكورس
اذا تبين وظيفة حكومية تنفع على تخصصج: وزارة الطاقة – النفط – البلدية – التربية – جامعه الكويت ادارة الصيانة اعتقد اسمها جذي
و بالتوفيق
بس قالولي ما يصير أتوظف وأشتغل !
لأني للحين محتارة أكمل والا ما أكمل ، ولو كملت ، أكمل هندسة بعد والا أكمل إدارة
وهل لو كملت إدارة يروح مني مسمى مهندسة ؟