|
|
مرحبا بنات شلونكم ان شاء الله طيبين … ادري مواضيعي قليله بس انشا الله الياييات بالطريج 
عندي لكم نصايح جدا مفيده للمخطوبه او الي في فتره الملجه يعني الي بعدها ماتزوجت وطاح الفاس على راسها ههههههههه المهم انا راح اتكلم عن البخل وشلون تكتشفين بخل الرجل لان مايعيب الريال الا جيبه فسمعوني عدل….
اكيد الفتاة بعد الخطوبه او الملجه تبدي طلعات الرومانسيه مع زوجها او الي خاطبها وفي هذي الفتره يااا بنات اهيا اهم فتره تقدرين تعرفين اغلب اطباع الرجل الزينه والشينه فأنتبهي انتي بعدك بالبر اكتشفي مساوءه عشان تتفاهمون عليها او تتخلصي من الريال مره وحده عشان ماتعيشين حياة زوجيه تعيييسه بالمستقبل ..
(البخل) :-
البخل يا بنات شيييييين ماتقدرون ترا تعيشون مع واحد بخيل خصوصا اذا كنتي بعدك طالبه وماتشتغلين يعني ماكو مصدر فلوووس ابدا
طريقة اكتشاف البخل:-
1- يواعدج على طلعه ويمرج من بيت ابوج ومن اول ماتركبين السياره لي تردين وهو بس يفر فيج بالسياره ورررر ورررر
ماينزلج مكان بس فراره .. هذا شنوووو بخيل ياربي!! مايبي ينزلج مطعم او مقهي ويضطر ان يدفعلج فلوووس !! هذي اسوء حاله
2- ياخذج من بيت ابوج يوديج مقهي ويسئلج شنو تشربين عاد انتي تتغلين تقوليله لااا مابي شي على اساس ان يسئلج مره ثانيه.. اهوا هني يااااخذها فرصه ومايرد يسئلج يطلب حق روحه ويخليييج … ياويلي عز البخل
3- يويديج مطعم وتطلبين الطبق والعصير وتاكلين شويه وتخلين باقي الاكل (( مو يوعانه وايد او مستحيه تاكلين.. ايا كان السبب)) وتمسحين حلجك وتقعدين يقولج وهو منفعل مااااااكلتي شي ليش جذي اكليييي ويحن عليج اكليييي ماكلتييي اكلييي … اووووه هذا بخيل درجه اولى
4- هم اخذج من بيت ابوج وداج مطعم مختص للعصير يشتريلج عصير وتشربين نص وتخلين الباجي عاد اهو يقولج بس حبيبتي شبعتي ماتبينه تقوليله اي حبيبي بس مابيه يقووووم ياخذه ويشربه لووووووووووول هذا يقول في قلبه حرراااام انا دافع عليه فلووووس
5- لما تسولفون مع بعض بالتلفون سوالفه بس عن لفلوووس يتشكى عليج .. عندي اقساط وعندي ديون وراتبي ضعيف .. وموعارف شلون اييب فلوووس .. هذا ماينبغه يا بناااات
6- يسولفلج عن المحلات الي مسويه تنزيلات ولا الي بضاعتها رخيصه … يعني يقولج حبيبتي في محل اعرفه يبيع اشياء اتجنن ورخيييييصه شرايج اوديج … قوليله لا مشكووور راح تكلف على روحك وايد وضحكي ههههههههه
7- يوديج السوق وكل ماتدخي محل ويعجبج شي يقولج لا حبيبيتي مو حلو ويطلع 100 عيب فيه (( عشان مايبيج تشترينه )) كلش كلش يقولج لاااا خليه انا اوديج مكان يبوووعووون نفسه بس (( ارخص))
طبعا بنات انا اوجه النصايح هذي حق البنت الي ابدا ماتقدر تعيش مع بخيل وحاسه ان هالمشكله راح تسبب طلاق لا سمح الله .. اما الي تشتغل وراتبها كثير الله يكثره لها زياده .. لا عادي تفكر ان مو عيب المره تساعد زوجها وتساعده بأنها تصرف على نفسها اما مصروف البيت فخلييه عليييه هوا ملزوووم فيه..
مع تمنياتي لكل المتزوجات بحياة سعيده ومستقره ودمتم سالمين
هذا من واقع تجربه وخبره,يعني البنت لا تستعجل بالحكم على الزووووج بسرررررعه على شغلات صغيره
وانشالله الكل يستفيد منة
انا بعد الحمدلله ريلي مو بخيل
define ma9roof elbet
حددي مفهوم "مصروف البيت"
اذا انا بفتره الملجه ولمن اروح اسكن معاه يكون بيت اهل ريلي فشنو اللي بيصرفه علي ؟؟
وميرسي على الموضوع
مصروف البيت اهوا ادوات التنظيف …تصليح الخرابات .. سوالف لمبات.. الماجله واغراض الثلاجه … الخ .. يعني البلعه بشكل عام الريال ملزووووم يوكلج ومحاسب اذا يوعج .. يعني من البدايه لا تعودينه انتي الي تيبين هالاشياء .. واذا انتي ابيت اهل ريلج يعتمد اذا عندج مطبخ خاص طلبي منه اغراض جمعيه اما اذا لا وتتغدون وتتعشون مع اهله احسن بعد فتكيتو من مصروف الجمعيه .. واي سؤال ثاني او شي مو واضح انا حاضره تدللي