مهم لكل وحده اهيا او عيالها او تعرف احد ياكل باليسار

السلام عليكم ..

عندي موضوع يمكن مايطري على بال احد بس اهوه شغله صارت من تجربه شخصيه و حبيت افيدكم فيها ..

انا فيني عيب انه استخدم ايدي اليسار لما اكل ..

مع انه اكتب باليميين و كل شي اسويه باليمين ..

بس الاكل متعوده اكل باليسار هالشي من انا صغيره استغفر الله مادري ليش

حتى الماي اشرب باليسار

مع انه كل ما اتذكر اغير ايدي

والاقي نفسي مره ثانيه راده على اليسااار بدون لا احس ..

اتعذب لما اكل .. و حتى اهلي واااايد يذكروني لما اكل

يعني لي درجه ساعات اتنرفز من نفسي لانه توهم مذكريني و ارد احول ايدي

بس تنبط جبدي من نفسي واااااااااايد اعاني ..

بس شوفو شنو صار و خلاني اقلللللل من هالشي .. و صرت اتذكر من نفسي بدون لا احد يذكرني

اول شي ابوي كان يقولي اكيييد ما سميتي عالاكل صح ؟؟؟؟

عاد اكون والله مسميه .. لانه هم هالشي متعوده عليه من انا صغيره ..

فأٌقوله سمييت يقولي لا مو مسميه عشان جذي الشيطان ياكل وياج لوول

وانا وقتها حزت بخاطري لانه ماحب احد يطلعني جذابه ..

وانا عارفه اني مسميه فليش يقولي مو مسميه ..

فقمت كل مره لما ابي اكل انا متعوده اسمي ..

فأول ما اسمي يطري على بالي موضوع ايد اليسرا لووول

و قمت اتذكر و احول الايد بدون لا احد يقولي

عاد كبرت .. و صرت اسوي هالشي دايما

و لي كليت بايد اليسرا يقولي ابوي سميييييييييي

و ارد احولها مره ثانيه

فأذا عندكم عيالكم الصغار او انتوا او اي احد يبي ياكل و متعود بالايد اليسرا

خل يتذكر سالفة التسميه بالله قبل الاكل و يربطها بسالفة الايد عشان لا ينسى

و تدرون شنو اللي خلاني اكتب هالموضوع لاني توني قاعده اكل بطاط و اقرى مواضيع بالمنتدى

فكليت بأيدي اليسار جان اتذكر و قلت بكتبلكم الموضوع و ارد اكل لوووول

عشان الله يسامحني