|
|
صدر قرار من ديوان الخدمة المدنية للوزارات بوقف صرف كادر المحاسبة لحملة دبلوم المحاسبة بعد الثانوية
حسب ماجاء على خدمة الراي الاخبارية
على المتضررين عمل خطوات معينه , عشان نتحرك كلنا مع بعض ونوقف هالقرار الظالم
1- مراجعة وزاراتهم في الغد واخذ نسخة من القرار
2- عمل كتاب تظلم لوكيل الوزارة ويذكر فيه عن الضرر المادي
3- توكيل محامي ليرفع قضية على ديوان الخدمة المدنية
هذه الخطوات ان شاءالله بمشي فيها من باجر بإذن الرحمن
والله كريم
استبرق
مكتوب
بأي جريدة
علشان اقول
حق أختي
وتكلموا عنه اليوم الظهر بالراديو
ووصيها تتخذ اجراءاتها لا تسكت
|
المشاركة الأصلية كتبت بواسطة ^^rose^^
 ليش يوقفون عنكم الكادر! شهالنحاسه!
|
تقشف بعيد عنج
بعد بيدفعون رواتب الفلسطينيين الي يشتغلون بفلسطين , وبيعطون مليارات لمصر , هذا غير الوافدين الي تارسين الديرة
كل هذيل يبون بيزات
ماكو الا يضيقون على المواطن المغلوب على امره
احنا اشكثرنا بالإداره دبلوم محاسبه
واي مو حاله هذي
باجر نسأل ويبين
من متى هالخبر .. وانا للحين ماتعمم في وزارتي ..!
يعني شنو هالاخبار الدايخه .. كل قرار يطلع ابيخ من الثاني ..!
برووح الحق واراكض نفسج .. بس بالاول اتأكد من صحه الخبر .!
فتحت الراديو على المارينا والا واحد يسأل محامي الديوانية , له حق يرفع قضية على الديوان كونه متضرر من قرار وقف كادر المحاسبة قاله ايه نعم لك حق
انا بعد خفت دقيت على باحث قانوني عندنا بالوزاره استغرب من الخبر قالي ما وصلنا شي قلت له تأكد لان الخبر منتشر بكل مكان ومن الراي الاخبارية بالتحديد
قالي باجر ارد لج خبر واذا في قرار فعلاً اطرشه لج بالفاكس عشان آخذ اجراءاتي
تأكدوا بنات اول واذا صج الخبر لا تسكتون هذا حقنا , حسبي الله ونعم الوكيل
هذي غير شغله .. كادر المحاسبه من جم سنه ماشي ما عليه شي
يايين الحين بيوقفونا !
في ناس عليها أقساط وحاسبه حسبتها مع الكادر
قطيعه مزاجي تعكر .. الله يعين
عاد كنت بكتب موضوع بسالكم جان الحجي صج ولا لا !!!
واااي حدي تازمت (((((
حسبي الله ونعمل وكيل على كل ظالم
اللي أعرفه إذا الواحد شهادته دبلوم محاسبه وانحط بإداره ثانيه غير الإداره الماليه .. اهني ما يعطونا الكادر
بس إذا كان بالإداره الماليه يعطونا
لانه في بنات نفس تخصصنا دبلوم محاسبه وحاطينهم بإدارات ثانيه ما ينضاف لهم الكادر
هالقرار يشمل الكل؟ سواء بالإداره الماليه أو غيرها ؟؟
انا الحين بالدوام .. قاعده أنطر تصير 8 وشي بروح شؤون الموظفين