من مطبخي لابني الغالي بالصور

اكيد بعض البنات يواجهون مشاكل فى طرق اختيار الاكل للاطفال خصوصا بعد الفطام والتنويع بالاكل انا وحده منهم تعبت من ولدي عسى ربي يحفظه ما ياكل ابد مهما اسوي عمره سنه وتسع شهور عسى ربي يخليه لي ويحفظ اعيالكم طبعا انا اجتهد بالاكل والباجي على الله سبحانه وتعالي عشان جذي راح انزل كل يوم الطبق اللي اسوي له بالصور واللي حابه تشارك تنزل لنا طريقة الطبق بالصور والمقادير عشان الكل يستفيد سويت له هذي الوجبه لما قعد من النوم العصرالغالي تفرج على الاكل وقام وان شاء الله راح ياكل لما يتعود يشوف الاطباق

سويت له فطاير زعتر وجبن
المقادير :-
3 اكواب طحين + ربع كوب حليب بودر + ملعقه كبيره خميره + ملعقه صغيره ملح + كوب ماء + ربع كوب زيت + صفار بيضه
الطريقه
اخلطي جميع المقادير مع بعض واتركي العجينه لما يتضاعف حجمها
قطعيها كور صغيره افردي كل كوره بالحجم المناسب وحشيها بالجبن اما الزعتر افرديها ورشي الزعتر فوقها دخليها الفرن لما تستوي وهذا الشكل النهائي

انا قدمتها له مع عصير برتقال وحبة عرموط ولا فكر ياكل وعندي امل ان شاء الله ياكل
هذا الشكل النهائي

بانتظار ردودكم

الله يحفظ لج ولدج ومشكوووره

اسعدني مرورج وعسى ربي يحفظ لج عيالج وننتظر مشاركتج

شالسنع
كل اليهال جذي ترا يبيلهم وقت بالاكل و طولت بال

يخلاته ويحلات اكله عسى ربي يخليه لج

الله يحميه و يحفظووو

لاتحاتين اذا توج فاطمته راح ياكل بس نصيحه لاتحنين عليه راح يعند ويتدلع لانه محتر يبي يتزعل عشان تردين له الممه شوفي عطيه طاف واكلي قدامه ولاجنه موجود صدقيني راح يحتر وراح هو بنفسه يطلب انج توكلينه وخليه حتى لو ماكلا نص يوم صدقيني الجوع راح يخليه يستسلم واصبري عليه شهر بالكثير راح ياكل البيت بكبره اسم الله عليه عسى الله يبلغج فيه واخر نصيحه لا ادلعينه لانه راح يتدلع ويغثج

الله يخلية لكم ويفرحكم فية ماعلية كل اليهال جذي يعاندون بالاكل انتي تابعي صحتة ووزنة اذا طبيعي خلية ياكل شهوتة لاتغصبينة

الله يخليه لك بس ايش العرموط

تسلم ايدج وطباخج
وان شاء الله ياكل ويستمتع بهالوجبة الذيذة

ماشالله عليش الله يعطيج العافيه ويخلي لج ولدج يارب

ماشاءالله حلو ومرتب بس اصبري واعطيه حديد مده ثلاث شهور بس وشوفي كيف يصير ماراح تشتكين من اكله

الله يخليه لج

الله يخليح اولدج وتفرحين فيه يارب
بس نصيحه فطاير واهوا بالعمر عيين
انصحج بالخضار المسلوقه العيج تحطينه بالخلاط يمكن تقولون اكبير بس تبقى نصيحه شكرا

تسلم ايدج والله يخليه لج

بشري قام ياكل ولا لا