من روائع القصص+++( من حياة زوجية محطمة .إلى حياة زوجية رائعه)+++

تحطيم زوجي ماكان اني لو تعدلت لــه او تزينت طنشني لا هــذا اعتبره شئ تافه لاني انجرحت منه في بداية زواجي كثير لكن تحطيمه كان اكبـــر بكثيــر

كان لو يدري عن اي شئ يسعدني يوقفه …

دراسيي اعترض عليها الى ان وقفتها

المنحه الدراسيه ورفضها

حتى لما وصلت بطائق مكافئه لي ماصرفها الى ان انسحب المبلــغ

المهم اي شئ يسعد قلبي يعترض طريقه المهم مااكون فرحان "وانا اعذره "تدرون ليش ؟

لاني معيشته نفس الجـــو اي شئ فيه راحته اخربها عليه

بيجلس على التلفزيون اعصب انت تشوف الحريم شوفني انا لو تحس نفسك رجال "اهانه له بدون مااحس"

بيجلس على الكمبيوتر وبيشوف لقطات اطب عليه ايـــــــــــــه انت تدور وتفرفر بهاللقطات وانا مطنشني

بنروح السوق ماتقدر عينه تفر يمين ولا يسار صايره له عسكري مرور "ممنوع الالتفات " ادري بك تبي تشوف البنات وانا ولا كـاني موجوده .

يجي يأكل وهو تعبان ومب قادر يأكل تحلل الا خت شفاه الحاله "لو كنت ادري انك بترجع شبعان ماكنت تعبت روحي وطبخت لك .والمسكين هو من التعب مب قادر يتنفس

نجي للنوم وماادركم مالنوم ( انغص عليه نومته )

ياسلام بتنام وانا من بيجلس معي>>> طول النهار نايمه وطول العصريه متمدده عند التلفزيون والمغربيه عند صديقاتها ومن العشاء الين هو يوصل على الكمبيوتر "وبعد محد جالس معاها.

وهو يحليله من دوامه لتخليص امور شغله غير اعماله الخاصه

وتصير المعركه ..

وشو كانت النتيجه

*كره متبادل وضغينه
*تحطيم المعنويات المتبادل
*التلفظ بالالفاظ السيئة..المهم اضايقه."هو مايسب ياحليله بس يطنش وانا اززيد">>>

المهم انه حياتي صارت اشبه بالسلطه كل شئ فيها ممزوج مافيه حاله استقرار

– غضب
-لوم
-انتقاد
-جدال
-شكوى
-تذمر

واستمرينا على هذا الحال …

المدمر لكل معاني الحب …

فجأه قال لي القرار الحاسم

انه يبي يتــــــــــــــــــــــــــــــــــــــــــــزوج

"من حقه "يبي يرتاح من هالنكد

وانا انقهرت قهر ياسلام تتزوج وانا مقهوره منك وانا مو محصله حقوقي باكملها منك

قال :ماقصرت معاك بشئ شوفي كيف عايشه وغيرك كيف عايش واحمدي ربك

بعــــد فتره طويله من البحث عن الحلول المتواصله لقيت ضالتــــي لقيت الحل

وهو اني اشغل نفسي بشئ غير زوجي وهالشئ لازم واكيد ولا بد اقتنع فيه

لازم انشغل بذاتي

اي السعاده الحقيقية تنبع من الذات

مو من الآخرين

انا كنت اركض ورااااه بحقق السعاده

لكني ما استفدت اي شي …

وقررت اني اتركــــه حر …….ياكل كيف مايبي وينام متى مايبي ويشوف الي يشوفـــه المهم اخليه حــــر ولحاله ومتى مايبغاني يناديني وبجيـــــه
وقررت اني اعيش نفسي سنها الحقيقي ( 25سنه )اطلع وادخل واخرج وافرح وارقص واتكلم ولا انســـى ذكر الله

وبدأت رحلــــة الالف ميل بخطوة واحده

ثم خطوااات و خطوااات حتى وجدت السعاده الحقيقية

وخلال ست شهــــور صار زوجي من واحد يكرهني ويتضايق مني لواحـــد يتبعني من مكان لمكان ويحـــبني والحلو اني صرت اموت فيه وصار يهتم وانا اهتم فيه …( وعرفنا لذة الحب الحقيقي)

=======================

المهم بعد ماقرر يتـــزوج ويترك قصري الوردي اللون الاســود بكل انواع معاني النكد والبؤوس قررت انا ارجـــع لنفسي واشــوف الخلل اللي صاير واللي كنت حاســه به (بس غبائي وعزة النفس الي فيني وسوء النية) كانت مانعتني احل او اربط في مشاكلي والمشكله كنت كل يوم ازيـــد بالعناد .. واضيق على زوجي اكثررر وما كنت حاسه اني بتصرفاتي خليته يبعد عني …….. كثيــــــــــــــــــــــــــــــــــــر

كنت مفكره سالفة زواجــه مجرد تهديد لــي الين جاتني اخته وقالت لي "شفاه اخــوي قال لي اخطب له وكلم امــي وامي قالت مابي زوجتك تدعي علي بسببك شوف غيري وكلمني اليوم اشوف اخت زوجي "

اخت زوجها عمرها هــذيك الايام 32 سنه ومش متزوجـــه الفرق بيني وبينها سبع سنين طبيعا انا الاصغر لكن هو كان يبي وحده عاقل وتقدر الزوج وسالفة انه يتزوج صغيره مايبي يعيد نفس مشكلته معي

قالت لي : انا ماحبيت امشي بكلامه وحبيت اخبرك قبل لاتقولين سوت شئ وخربت بيتي

ابتسمت لها وقلت : هو خربان من قبل يابنت الاجواد اخطبي لاخــوك والي الله يريده بيصير

جلست يومي مثل الي خلاص تدور اي خيط وتبي تمسك به

قام هو وراح للمسجد ولما رجع لقاني رجعت انام .جلس هو كعادته يقراء القران ولبس وراح لدوامه الساعه تسع صحيت اتصلت فيه ولاول مره من بعد مروراربع سنين على زواجي اتصل فيه الصبح ( دايماااا نايمه )

قال :خير شئ صاير بالبيت.
قلت: لا
قال: تبين شئ قلت بطلع للسوق
قال: ليش
قلت :ابي شئ
قال: اوكيه روحي

رحت للسوق اشتريت عصفورين مريت محل الورد اخذت ورود اشكال والوان ومريت للاسماك واخذت اسماك لحوضنا الميت باهمالي وحطيت العصفورين بنفس المكان الي هو يحب يفطر فيه .
وبالعصفورين دبت الحياه ببيتنا .ووزعت الورد ببيتي ورشيت بخاخ برائحة الطبيعه وحطيت الاسماك بالحوض وشغلت الحوض وصار بيتي حديقه مثل ماكنت وكان يحب هو يحب العصافير ويموت فيهم وانا احب الورود والاسماك .

كنت ادور على اي شئ يغير ببيتي ويدخل الفرحه بقلبي اولا ثم قلبه وقبل قبله كنت ابي اي شئ يطلعني من جو الحزن الي انا فيــــه لاني حسيت اني مهما سويت وحاولت اوقف هالزواج ماراح اقدر لانه عزم على الزواج

**للعلم ماعندي عيال حملت مرتين وبسبب الضغط والسكر كان الجنين يموت في بطني **

المهم رجع للبيت على 2.5 كل العاده دخل البيت استغرب من التغيرات الجديده دورني مالقاني ناداني شفاه مارديت لاني كنت نايمه دخل الغرفه لقاني نايمه ( ما اقدر احط عيني بعينه ) راح تغدى ورجع ينام العصريه قام حصل الشاي بالركن الي يحبه سال الشغاله وين المدام قالت طلعت وحطت لك رساله الرساله"حبيبي انا رايحه لابوي لانه تعبان شوي "
اتصل رديت سالني عن ابوي قلت الحين زين قال اوكيه تبين شئ انا رايح للمكتب قلت سلامتك قال شفاه حلو هالعصفورين قلت ادري ماعليه حبيبي بسكر جاتنا حرمه وسكرت بسرعه ماحبيت اطول بالكلام علشان ماابكي قدام اهلي

رجعت البيت الساعه سبع بعد المغرب اول مادخلت البيت اتصلت فيني اخته
قالت :شفاه
قلت :لبيه
قالت : انا رايحه بيت عمي علشان اكلم اخت زوجي .

قلت لها بالتوفيق .

وسكرت عنها ورحت لغرفتي وانا اشوف باب غرفتي عشرة ابواب من شدة الحزن والقهررر مااقدرت اتنفس من الي حسيت به من الم جاتني الشغاله مادام شو نسوي عشان قلت اي شئ من الاكل الي يحبه المستر قالت طيب وراحت .

وقفت بغرفتي وقالت شو اسوي ووين اروح ولمن اشـــكي احس اني بمووووووووووت خلاص

الهم بدا ياكلني والحزن قطع قلبي ..

قلت بتصل لامي ورفعت السماعه ردت امي هلا بنتي قلت هلا يمه هاه شوفيه صوتج ابد ريحة البيت بخور ومااقدرت اتنفس سالتني متاكده قلت ايه سالتني تبين شئ قلت ايه اطمن كيف ابوي قالت لاتخافين طيب قلت زين يلا مع السلامه

حمدت ربي اني ماخبرتها لكان بتصير قصه لها اول ومالها اخر

قلت احسن اروح اصلي لي ركعتين توضيت وصليت الين العشاء

صليت وصليت وبردت المي بالتوجه لربي ..

وبعد العشاء هو وصل ناداني شفاه رحت له هلا قال شوفيها عيونك؟؟؟

قلت ابد كنت ادعي ربي يشفي ابوي قال لاماعليه شر قال حطي العشا قلت زين وحطيت العشاء

ونحن نتعشى اتصلت اخته رد هلا والله بالغاليه وتكلم معاها وقال خلاص بكره نكمل الموضوع الحين اتعشى

حسيت انها تخبره بالنتيجه الي عرفتها منها بعد ثلاث ايام العروس وافقت وحددوا يوم الخميس من نفس الاسبوع الخطـبه

جاني يوم الاربعاء قال شفاه اختي خبرتك شئ قلت ايوه وابتسمت بحزن وقلت الف مبروك ورحت عنه

رحت للغرفه الثانيه وسكرت الباب دق قال افتحي قلت ابي اجلس بروحي الله يخليك .

مانمت طول ليلي ابكي وكل ماانام شويه اقوم ابكي من الحرقه

نار شبت في جسمي .. زواج الزوج .. من اشد الأمور ألم

ما قدرت اتحمل .. لكني صبرت نفسي وتماسكت ..

قمت الصبح سويت له فطور قام هو وسوى كالعاده قراء قران وجا لقاني بالصاله اقراء كتاب لاتحزن .

قرب مني وحط يده على راسي وسالني ليش مانمتي معي امس؟؟

قلت ابي اتعود اني انام وحيده علشان مااتضايق بعدين لما تتزوج

سكت وطلع بدون لايفطر

رحت انا ورجعت انام ماقدرت انام اتصلت فيه على تسع قلت بطلع قال وين بروح للصالون شويه قال زين

سويت تنظيف للبشره وتحنيت غيرت صبغة شعري ورجعت للبيت ووالله ما كان التغيير لاني ابي اجذبه لاني كنت اقول انا مهما سويت فانا العب بالوقت بدل الضائع على الاقل ارفه عن نفسيوامتعها رجع للبيت على ثنتين لقاني متحنيه ومورده الخدين على قولته ابتسمت قلت ايه مو اليوم بفتك منك وبتتزوج لازم افرح شويه
ضحك قال احلفي انك بتفتكين ؟؟

ابتسمت ابتسامة حزن وسالته احط الغدا قال ايه تغدى ونام والعصريه شرب الشاي وقال شو جدولك اليوم قلت ابدا يمكن اروح اشتري لي كتب من زمان ماقريت مكتبتي صارت قديمه بالكتب الي فيها قال زين طلع هو وانا طلعت رحت اشتري كتب المغرب رجعت صليت وبعد الصلاه هو رجع طبعا مو مثل العاده

اليوم رجع بسرعه لانه بيروح يخطب جا لقاني اقرى كتاب قال رجعتي بسرعه قلت ايوه راح للغرفه غير ملابسه وتعطر ولما وصل للصاله لقاني مجهزه البخور له قال شو هذا قلت عود طالع فيني وهو ساكت لما جيت بحطه تحت ثوبه رفض وطلع بسرعه ………………….

قلت معقوله يكون مستعجل على العروس ؟!

راح حبيب قلبي يخطب وتركني لمدة خمس ساعات ولاول مره يتاخر الين 12 بالليل برا البيت لما رجع لقاني بالفراش

قلت ايوه قالت وصحتك خليها اهم اولوياتك الي ببطنك هو راس المال لا زوج يبقى ولا حال تبقى ولا حد يخلص ويوفى الا الا اللي ببطنك ماراح يترك مهما سويتي .

قلت لها لكني احب زوجي

قالت وهو يحبك ولاكان طلقك من زمان على عيشه كان عايشها معك وانتي عارفه نفسك كيف كنتي ياما قلت لك هدي اللعب معه لكنك عاندتي شوفي العناد شو يجيب للزوجات الرجال رجال له فوقك ثلاث لكن انتي مالك الازوج فهتمي به قلت لها مهتمه قالت اهتمامك لانك تبين ترتاحين مو هذا كلامك قلت ايوه قالت الحين نبي اهتمامك لكسب اهتمام زوجك وانا متاكده يحبك

وراحت اختي بحفظ الله لبيتها وكلامها يرن براسي كيف اهتم لزوجي علشان يهتم لي ؟؟كيف ارجع الحب واخليها ينعش حياتنا

اتصل فيني على المغرب قال شفاه انا بتعشى برا قلت الله يحفظك وانا ادري وين برا عند العروس …أه ما اقدر اوصف لكم الشعووور …

تذكرت ايام ماكان يزورني اثناء فترة الملجه .. كيف كنت استقبله

بشوق وحب .

اكله جديده .

لبس جديده.

ابتسامه ودلع ومقالب .

والاكثر المفاجأت الرائعه.

وجاتني فكرة اني اخبره اني حامل لكن بطريقه غريبه ومو مثل كل مره قررت اسوي له مفاجئه واسويها بحفله وتكون حجه لتغيير الجو ….

وبديت اعد العده للمناسبه جلست يومين ارتب اموري

وفي اليوم الثالث قبل لايطلع العصر قلت له حبيبي رد علي وهو مستعجل نعم قلت ابيك تتعشىاليوم هنيه قال مااقدر قلت لازم اليوم بس قال ليش قلت بس طالع وهو مستغرب قال زين .

التجهيزات :

طلبت الكيكه طلبيه وكانت على شكل طفل

وحطيت في كل ركن في البيت هديه من هدايا الاطفال

وزينت البيت على شكل غرفة مواليد

حتى عند الباب خليت بالونات وشرائط وضبطت الاضاءه زين

والعشا سويت له اول طبخه طبختها له اول يوم لنا ببيت الزوجيه وهو يموت فيها

كان دايما يقول (هالاكله تذكرني باول يوم نورتي فيه بيتي )

بعد المغرب رسلت له مسج مبروك علي وعليك البيبي عساه يكون من مواليد السعاده ويكون عبد صالح وباربوالديه .

وحطيت الموبايل على الصامت ودخلت اتعدل واتزين

لما شيكت على الموبايل اشوف رده لقيته متصل اكثر من 45 اتصال ومرسل مسج ردي يام كرشه ههههههه ضحكني

المهم قبل العشا بدقائق وصل البيت وجايب بيده طقم الماس وباقة ورد كبيره من الفرحه

لكن لقا البيت مب بيتنا دخل البيت لقاني كنت اشغل الشمع بالطاوله قال شو صاير اليوم

قلت احتفل بمناسبة قدوووم البطل الصغير

فرح كثير بالخبر وعجبته الحركات الي بالبيت قال ذكرتيني بايام خطوبتنا كانت ايام مااظن اني بعيش مثلها مهما صار >>> فرحت انا واستنتجت انه العروس الجديده ماتسوي مثلي

وعقدت النيه على اني اكمل الحرب الغاشمه يا أنا الفائزه بقلبه ويا أهي .

الصراحه ماكنت ابيه يطلقها( واستاثم بسببها ) مالها ذنب هي , لكن ماكنت ابيها تاخذ حبيبي مني لها ابي قلبه لي .. .

المهم جينا للعشى وشاف احلى طبق والي يموت فيه ومع شوية حركات وجلس يكلمني عن حياتنا كيف بتكون مع البيبي وفجأه سكت
حتى اني خفت قلت شوفيك قال مو كانك لابسه ضيق ههههههه موتني ضحك قلت تو الناس على الواسع

قال لالالالالالالالالامانبي نخسره بعد واهم شئ تكونين هاديه وماتتضايقين علشان السكر والضغط

قالت الله المستعان لا تخاف قل لن يصيبنا الا ماكتب الله لنا

ودق تيلفونه كانت العروس على الخط حط التيلفون على الصامت يعني طنش

دقت مره ثانيه بعد طنش وانا ساكته دقت المره الثالثه تضايق

قلت له رد حبيبي يمكن شئ ضروري قال خير ان شاء الله وراح للصاله ورحت انا للمطبخ

وماكانت نيتي اسمع شو يقول لكن سمعته يقول يافلانه قلت لك لما اكون ببيتي لاتدق ماتشوفين شفاه لما اكون معك ماتدق؟؟

وفجأه عصب وقال شفاه لاهي قديمه ولا غيره شفاه اصغر منك بالسن بس اعقل منك يعني ياليت تختارين الفاظ احسن ويلا مع السلامه وسكر الخط.

الصراحه حسيت انه تضايق جبت له الشاي وقطعنا الكيكه وهو متضايق

قلت شو فيك حبيبي قال ابد ابتسمت قلت له حبيبي لاتلومها تدري عروس وتبيك بقربها تعود عيوني على هالموال سواء منها او مني

ابتسم قال ماتوفعتك بهذا العقل ياشفاه قلت ليش انا مجنونه ؟؟

قال لا بس عجبني كلامك ابتسمت وبيني وبين نفسي مو مهتمه

اقول بقلبي آآآآه لو تدري بالنيه اني بخليك لي وبس ياكل شئ لي بهذ الدنيا

صار يرجع للبيت مبكر وصار اليوم الي لازم يتعشى فيه معها يتاخر عندي الين تسع ونص ويرجع للبيت 11 بالضبط

وفي يوم كنت رايحه للعياده علشان اسوي اشعه سالت الدكتوره الي اراجع عندها شو ببطني ؟؟

قالت شو تبين قالت اي شئ بنت ولد اي شئ

قالت اي شئ حتى لو ارنب هههههههه ضحكتني قالت ولد وماشاء الله صحته زينه وصحتك زينه مو مثل كل مره قلت الحمد لله .

رجعت للبيت قبل زوجي بساعه وسبحان الله اتصلت فيني اخته قبل لايدخل البيت بدقائق

وقالت لي الخبر اللي حرق قلبي …واول مادخل سمعني وانا اصرخ واقول لااااا لاتقولين انه بيتزوج

وطحت حاول يقومني مافيه فايده وداني للمستشفى بسرعه

وسبحان الله ارتفع السكر والضغط بلحظه ورحت بغيبوبة

قالت الدكتوره بنسوي عمليه لها نطلع الطفل ماعندنا الا هالحل

وصارت المشكله الثانيه الضغط مرتفع والبنج بيكون خطر علي وماعرفوا شو يسوون فيني

حتى هو احتار شو يسوي

ويقول هو طلعت مادري وين اروح اتصلت لامك لابوك لامي لابوي للكل مادري شو اسوي والكل وصل وانا مثل المجنون

قال له اخوه اذكر ربك بتفرج قال من قال بتفرج ؟؟

يقول ورحت ادور الفرج …رحت اركض للمسجد وصليت ركعتين ودعيت ياااارب مابي طفل ولا ابي زوجه ثانيه ولا ابي شئ بس خليها لي

لما رجع للمستشفى حصلني مفتحه عيوني والضغط نزل شويه

قالت الدكتوره الحين ممكن نسوي العمليه بس بنتريا شويه احسن يمكن تهدأ

جاني زوجي قالي شفاه "الله يخليك الله يخليك الله يخليك ساعدي نفسك انا ماابي اخسرك"

قال هذي الكلمه ورحت بنومه عميــــــقه وما حسيت بنفسي ولا العالم من حولي

قمت الصبح وانا بخير نازل السكر والضغط يرتفع وينزل بس صرت احسن من قبل

جاتني اخته وهي زعلانه واعتذرت لي عن الي صار قلت لها ماصار شئ هذي نهاية كل خطبه زواج وكان المفروض اكون اقوى من جذيه وانا مقدره وضعج انتي مالج ذنب…

المهم اهل العروس محددين يوم للزواج وانه يكون بعد اسبوعين

وزوجي قال خليها الين تولد الحرمه عصبوا عليه وصارت بينهم مشاكل هم يبونه بعد اسبوعين وهو مصر بعد ولادتي .

المهم كبرت المشكله بينهم وصار مايرد على الجوال نهائيا

وقال لهم كلمه وحده تبون عرس بعد ماتولد زوجتي ماتبون شئ راجع لكم

المهم مر على هالكلام ثلاث شهور كنت على وشك دخولي التاسع وكنت تعبانه وايد بسبب عدم استقرار السكر وكل يوم تخطيط ولوعة كبد

ولا اعرف شنو بيصير

قبل لاادخل التاسع بيومين جاتني العروس وامهافي بيتي !!!

الصراحه تفاجأت بالزياره والصراحه كنت خايفه منهم وايد

قالت لي الام اكيد تعرفينا قلت اكيد تفضلوا قالت اكيد بنتفضل البيت بيتنا

طالعتها بأستغراب والبنت ساكته ماتتكلم تنظر لي باحتقار

قالت الام شفاه قلت نعم ياخاله قالت اسمي ام محمد

قلت تفضلي يا ام محمد

قالت تدرين العرس بيصير بعد ولادتك بيومين؟؟

قلت ادري قالت لكن ماتدرين ليش انا هنيه ؟؟

قالت امري شو تبين ؟؟

قالت ابيك تولدين ببيت امك تدرين بنتي عروس والكل بيزورها وانتي بكونين في ولاده بتخربين فرحة بنتي

طالعتها بنظره محترمه قلت من اليوم لوقت الولاده خير باقي شهر تقريبا بيصير كل خير

قالت شو القصد يعني تاخذيني على قد عقلي ؟؟

قلت العفو ياخاله قالت انا مو خالتك يابنت "……." وغلطت علي…

تضايقت منها قلت اسمعي يام من تكونين انتي ببيتي احترمي نفسك مادامك جالسه ولا اطلعي برا

عصبت علي وقامت وسحبتني من الكرسي وقالت انتي الي برا مو انا ودفتني على الارض

الا والشغالات يركضون علي ووحده مسكت العجوز عني

وانا على الارض حسيت بالموت حسيت الحوض عندي افتك من الالم

والعجوز تصارخ وتتكلم والالم عندي صاير مثل النار ومااكنت اقدر اقوم من مكاني من الالم

وطلعت العجوز وبنتها وحاولن الشغالات يوقفوني لكني كنت اصرخ من الالم وبدا ينزل علي ماي ودم

وراحت الشغاله تتصل بأمي جوني امي واختي واخوي

حاولوا يقوموني وصبوا شويةمافيه فايده الالم قوي…

اتصل اخوي بالمستشفى وعلمهم ارسلوا سيارة اسعاف

وفيها ممرضتين وكان يتصل لزوجي ومايرد وهو يحلف ويتحلف لو صار لي شئ بيسجنهم

وفي هذي الأثنااااء

ولدت في الصاله وطلع ولدي للنور في قصري الوردي

طلع للنور ونور حياااتي معاااه ..

ساعدوني الممرضات و قصوا السره وودوني بالاسعاف الى المستشفى للرعاية الصحية

وجا زوجي يركض المستشفى

لقاني ولدت وسلومي عندي كان بخير ويهبل بعد

سالني شوصار ؟؟ كيف ولدتي باقي كثير على ولادتك ؟؟ الصبح ماكان فيك شي ؟؟

قلت تعبانه مااقدر اتكلم ….

المهم جلس معي هو واميواخواني وهو مايدري عن شئ

وامي واخواني ما فتحو فمهم بكلمه …

رجع للبيت لقاء الشغالات يسألونه كيف المدام؟؟

قال تمام وجابت ولد قالوا ندري ولد وشويه اكبر شغاله عندي جلست تبكي وتخبره عن الي صار…

اتصل فيني قال شفاه صدق اللي اسمعه؟؟

قلت شو الي تسمعه قال انه عمتي جات البيت؟؟

سكتت قلت حصل خير حبيبي مادام انا وسلومي بخير الحمد لله على كل شئ

سكت قال لكن هم ليلتهم ماراح تعدى على خير

حاولت اهديه لانه كان معصب لكن مافيه فايده صدقت خفت انه يتهور او يسوي شئ فيهم

اعرفه لما يعصب مايدري عن شئ

قمت اتصلت فيه مارد علي

اتصلت خمس مرات وبدا الخوف ياكل قلبي وامي تقول لاتخافين يابنتي ماشي بيصير

بعدها بساعه اتصل فيني وسالني ليش مانمتي ؟

قلت كيف انام وانت ماترد علي شغلت قلبي

قال طول عمري ماكل قلبك مو شاغله بس

قلت خلي عنك هالسوالف ليش ماترد قال مارديت كنت مشغول

قلت بشو مشغول قال رحت لبيت العروس

قلت عسا ماسويت مشاكل معهم قال لا بس طلقتها

قلت طلقتها!!!!

قال ايه طلقتها مب ناقص هم انا يوم قلت زواج كنت ابي ارتاح مو اجيب لنفسي هم ثاني

خلاص ربي مو رايد يكون بيننا شئ قلت مو كانك تسرعت ؟؟

قال لا قبل لاطلع صليت استخاره ورحت والحمد لله على كل شئ وانا اعطيتها مهرها وكل شئ جبته لها حلال عليها وخلاص الموضوع انتهى .

تبون الصدق اختلطت الامور عندي مادريت افرح ولا ابكي الصراحه حزنت على نهاية البنت ( مسكينه ما لها ذنب )

لكن اقول قدر الله وماشاء فعل وقلت الحمد لله الي جات على هالوضع

وثاني يوم زارني زوجي الصبح قلت ماكنت ابيك تتهور

قال انا تهورت لما قررت اتزوج كان المفروض اساعدك تغيرين نفسك

لكنك صرتي احسن واعقل مني بمليون مره

قلت يعني لو رجعت مجنونه بتتزوج قال ثلاث بيوم واحد قلت لاخلاص بصير عاقل

اخواتي الحين جا دور النتيجه والدروس والعبر الي استفدت منها من خلال تجربتي

واتمنى كل وحده تشغل مخها زين معي وتركز بكلامي زين ووالله لو انه كل وحده نفذته بحذافيره

راح ترتاح هي ويسعد زوجها بقربها

**تذكري انك انسانه لها مثل الي عليها يعني لك حقوق وعليك حقوق لاتكوني ممكن يطالبون بحقوقهم وينسون الاخرين وهنيه مااقصد الزوج بس اقصد كل من هو يعرفك كوني عادله مع ذاتك والآخرين .

تذكري مثل ماتبين تعيشين ملكه بعواطفها وشخصيتها وجمالها وبقصرها وروعتها زوجك بعد يبي نفس الاسلوب كيف بيعطيك شئ انتي ماتقدمينه له وحتى لو قدمتيه له بيكون من باب اثبات الوجود او من باب تأدية الواجب ( وليس حبا فيه او رغبة بالأجر ؟؟)

**تذكري انه كل عمل تسوينه لاجل ارضاء الناس بيكون نهايته الفشل تدرين ليش ؟؟

لانه ارضاء الناس غاية لاتدرك …اشوف وايد بنات يشتكون ازواجنا مايطالعون فينا لو تعدلنا لو رتنبا لو طبخنا بعكس لو شاف وحده بالشارع

" اول شئ كل شئ جميل بيبهر الوحده فما بال الرجل لو شاف وحده تفتنه اكيد بيطالع( هذي طبيعة الرجل )

مو لانه بيطالع لا لكن لانه الرجل عنده كبر في الغده البصريه تخليه يلتفت لاي شئ يشوفه بشكل اسرع مو مثل الحرمه "

حطوا هالنقطه ببالكم وانتبهوا وتاكدوا انه زوجك مايطالع لانه يبي يشوف

لا هذا شئ مخلوق فيه والي زوجها ملتزم ولا مش ملتزوم تشتكي نفس النقطه يعني الاخلاق والنيه مالها شغل بالموضوع

***ليش يفشل كل شئ تسويه لارضاء الناس؟؟

لانه النيه ارضاء الناس وليس لله

مثلا الزوج طيب نفرض الزوج هذاك اليوم وصل تعبان وماركز على شكلك زعلتي انتي

وقلتي مايحبني لو شاف غيري بيطالع ولو لو ولو اقولك لا تحكمين عليه بسوء الظن

صدقيني يحبك ويموت فيك بس انتي ماحطيتي ماكياج لانك تبين تتمكيجين ولا لبستي لانك تبين تلبسين

انتي سويتي هالشئ ارضاء له ولكن ماانتبه لك اليوم والسبب تعبان ( ما عبر عن مشاعره وبس )

بس مو مجبر على الرايح والجاييعبر عن مشاعره ويتغزل بجمالك ؟؟!

يعني خلي كل شئ تسوينه بحياتك من اصغر عمل لاكبر عمل للــــــــــه وحده

ثم الهدف منه اسعاد نفسك نفرض عندك حديقه وتبين ترتبينها والسبب انك تبين الناس يشوفونها حلوه ماراح تكملين المشوار

لكن لو انتي قلتي برتبها علشان افرح بنتيجة عملي بتكون حديقتك جنه وكل ماعملتي شئ بتفرحين

اكثر واكثر وفي الاخير لما الناس بيشونها بيجبرون يتوقفون عند ابداعك ويقولون لك ابدعتي

اجعلي كل عمل تقومين به السبب( بعد اخلاص النية لله ) ادخل البهجه لنفسي اولا واخير مو للناس واكيد من حولك بيسعدون لانك سعيده .
احط ماكياج علشان اكون قمر …مو لانه ابي زوجي يشوفني قمر ويعبر عن هالشي بلسانه

اهتم بجسمي علشان اكون بصحه جيده مو لانه ابي زوجي والناس تنبهر برشاقتي

اتعلم فنون الطبخ علشان اثبت وجودي ببيتي وأدي واجبي مو علشان اتحدى بنت الجيران لانها تطبخ زين

البس قميص نوم مو علشان زوجي يشوفني حلوه ومغريه ويتقرب مني

البسه لاني ابي انعم بنوم هادئ بهدوء ونعومة القميص الي لابسته واشعر بأنوثتي

اسوي حفله ومفاجأه لزوجي مو لاني ابي افرحه وانكد على نفسي بانتظار كلمه حلوة او رد

اسويها لاني ابي اغير الجو وارتاح اليوم من روتين يومي .كلامي واضح

خلصنا الي لك الحين الي عليك .

**الزوج وماادرك مالزوج …

مايحس بقيمة هالمخلوق الا الي ربي حرمها منه اما بعد الزواج والله يرزق كل وحده ماتزوجت بزوج صالح

او اما بزواجه بثانيه وانشغاله عنها او بالموت الله يطول بعمر ازواجنا كلنا ويحسن اعمالهم ويختمها بخير يارب

هنيه اتكلم عن تقصيري انا بس ومالي شغل بالغير .

الصراحه والحق ينقال البيت مو ناقصه شئ ولا انا ناقصني شئ وهو كان يشتغل الصبح بدائره حكوميه وبالمساء باعمال الحره

انا الصراحه انصدمت من هالجو لما تزوجته بالبدايه لكن قلت يلا مشي حالك جذيه تكون الحياه الزوجيه

الزوج ينشغل والزوجه تطلع وتدخل ومن هالكلام وبالليل ينامون استمر الوضع والصراحه مليت من هالمنوال

مافيه جديد بحياتي قلت لا لازم اغير غيرت وبدال لااصلحها عميتها

كنت مثلا اسوي له شئ لازم يشوفه ولا ليلته بتكون دمار كان في البدايه يجامل على حساب وقته وهو متضايق

بعدين طنش اخر شئ زعل وبعدها هدد وبعدها التزم السكوت وانا انا على نفس المنوال

اما تعطيني من وقتك غصب واما والله مااخليك ترتاح

وبدأ النكد يدخل من كل مكان بيتي الحلو صار دمار شاسع الين واخر شئ قال بتزوج

ووالله انه لو صار واكتمل الموضوع لكنت بالقبر من كثرة القهر بس ربي سترها وجات على جذيه .

***ابي اقولك ولنفسي قبل اعطيه حريته هو انسان حر مثلك تماما

خليه ياكل كيف مايبي يلبس كيف مايبي ينام كيف مايبي لا تتدخلين ولا تنصحين ولا تتحكمين

انتي ماعليك الا توفرين له الجو المناسب واتركيه وهو من يرتاح بيجي يدورك وبيخصص لك وقت يجلس فيه معك

خلي البيت جنه مو لانك تبين منه شي لا خليها جنه لانك خلاص تبين تستقرين ترتاحين تعيشين الحب مع حبيبك

وصدقوني شويه شويه بيرجع لعشكم الذهبي وهو مشتاق لوجهك مشتاق لشوفة عيونك مشتاق لاي شئ تسوينه له

**اشغلي نفسك انا ماكان عندي شئ اسويه الا هو

وانا يا خواتي ربي وفقني لانه نيتي تغيــرت كليا

وتذكري قوله سبحان ان "الله لايغير مابقوم حتي يغيروا ما باأنفسهم "

واحس انه هذا سبب تغيري الجذري اني غيرت النيه السيئة الى نية طيبة

انا ماانكر اني احيانا اعصب او اتضايق من شغلات بس اصبر واحتسب الأجر

ودايما اقول اسكت احسن لي من اني اتهور بكلام ماله داعي

**اخواتي كل وحده تعرف شو الي يحبه زوجها وشو الي يكرهه

والي تقول ماتعرف هالشئ مااعتبرها زوجه تحمل احساس صادق …فضلا عن الحب

**اخواتي انا ماكنت مخططه اني ارجعه لي انا كنت مخططه اني ابعد نفسي بالجو الي يسعدني

علشان مااتهور واخسر بيتي مثل ماخسرت محبة زوجي

على الاقل مااكون مطلقه واخسر اجمل ايام عمري ..

ماكنت ادري انه قربي منه وتدخلي بكل كبيره وصغيره بحياته هي كانت اكبر المشاكل

لاني فاضيه ماعندي الا أركض وراه وأتصيد اخطاءه …

فلما حسيت انه تقرب مني اول ما ابتعدت عنه قلت شكل زوجي يحبني..

ولا ليش تقرب مني ؟؟كنت اقول بنفسي يمكن لانه بيتزوج ولازم يحلي الموضوع؟؟

لكن انا ادري زوجي انسان كريم الاخلاق والطباع وماعنده لف ودوران صريح بكل شئ حتى لما قرر الزواج قال لي بتزوج .. يعني تقرب مني من قلبه مو تمثيل

وهذه الكلمات الرائعه وجدتها في أحد ردودها على مشكلة احد العضوات في المنتدى :

خلينا من شو هو يبغى انتي شو تبغين منه ؟؟

حب ؟؟…………..حبيــــه إنت بالاول

اهتمام ؟؟؟ ا………….هتمي به بالاول

اي شئ تبغينه انتي منه…. اعطيه اياها …

وراح يرجع لك

زوجك فاقد منك اشياااااااء

والاشياء هذي نفسها انتي تبغيها منه

فاعطيه اولا بيعطيك هو بعدين

لا تكوني مهتمه بنسك وبس ….كلمة مهتمه بنفسك وبس اقصد فيها

انك خايفه على نفسك وبس مايهمك شئ ثاني

خايفه يمسك فلوسه علشان مايتزوج عليك

وخايفه الناس تدخل البيت ولا يعجبهم الاثاث ويعلقون عليك

خايفه من الناس تعلق عليك او تتكلم عنك وخايفه من انه العالم تدري تتزوج ويتشمتون فيك

اختـــــــــــــي الناس لو طالعنا بكلامهم ماخلصنا ولا راح نخلص ابداااااا

الزم ماعليك زوجك عيالك بيتك والباقي حطي لهم علامة اكس بالشمع الاحمر