من دعاية البنات تفخت شفايفي عندة وياليتني ماتفخت

السلام عليكم جميعا
بنات أولا تدرون أن الوحدة لما تقول كلمة راح أتحاسب عليها عند رب العالمين
لأنها تعتبر شهادة مع أحترامي لبعض الخوات الي يخافون ربهم (المهم )

ماراح أطول عليكم ذاك اليوم قاعدة أتصفح بموضوع نفخ الشفايف وحيل كيفت علية

قلت خلني أسوي نيو لوك وأنفخ شفايفي دخلت المنتدي ولقيت البنات يمدحون دكتور تجميل

بنفخ الشفايف بصراحة أستانست وقلت خلاص بسوي عند الدكتور الفلاني دقيت تلفون وكلمتني السكرتيرة

قلتلها ممكن تحطينلي موعد اليوم قالت في زحمة ( حركات يعني ) قلت خلاص خليها باجر قالت لا لا ممكن اليوم

عالتسعة ونص قلت توكلي علي الله وفعلا بعد الفطور رحت مع أختي ودخلت عالدكتور وشافني وشاف شفايفي وقال أي

شفايفج يبيلها تفخ( يعني بيقول لا لا تتفخين هههههه) قتلة توكل علي الله طبعا قالي تفضلي عالسرير عشان تعطيج السستر بنج

موضعي رحت عالسرير وبخت السستر علي شفايفي وقالي أستريحي ربع ساعة طبعا أنا ألطعت نص ساعة حسيت أن مفعول

البنج راح بعدها نادتني السسترقالت تفضلي دخلت وقلت دكتور راح البنج من اللطعة ظحك وقال حديك تاني ورحت عالسرير

قالي نامي بدأ يحط البنج سألتة دكتور في ألم قالي أن شاء الله لا حطيت راسي وغمضت عيوني دخل الأبرة بشفايفي بغيت

أموت من العوار لا وهذا وأهو معطيني بنج وبدأ يحقنها والله ألم مو طبيعي السستر ماسكتني تحاول تهديني وأهو يقول

أتحملي هنخلص خلاص خلص من شفتي الي فوق بدأ يحقن شفتي الي تحت بالنص بعد ما خلص جنة هم عندة وأنزاح راح

طلع برة وأنا عالسرير أحس بشي يابس نفس التيلة صاير علي طرف شفتي من تحت جني معوقة ناديت السستر قلت شنو هذا

ليش جذي طبعا شافت شفايفي وخافت قالتلي لازم مساج مدام ونومتني مرة ثانية وسوتلي مساج طبعا أهي سوتة خافت لا

أفضحهم طلعت وأنا ميتة من الألم وصلت السيارة الا شفايفي كحلية وزرقة أخترعت دقيت علي المستشفي وطلبت الدكتور

قالولي طلع قلت أنا توني تافخة شفايفي وأحس بألم مو طبيعي والمادة متكتلة وشفايفي صارت زرقا أخترعت الي بالرسبشن

وقالت ثواني أحولك علي السستر ………….. راح أكمل معاناتي مع هالدكتور بعد شوي ولما شافني زوجي شصار ووو

بعد الفاصل نواصل

اووووف كل هذا منهم الله يعينج اختي ويحاسب اللي كان السبب

حبيبتي اعتقد لازم يسوي لج مساج عشان يوزع الماده عدل

وبعدين في ناس يصيدهم ازرقاق بعد الحقن انا خالتي صادها وتم اسبوع وعقب خف

وترى اول الايام لما تنفخين تحسينه صاير اوووفر يعني كنه حد ضاربج على بوزج انا صار معاي جيه

يوم قعدت ثاني يوم والله قعدت اصيح بس بعد اسبوع خف الورم وصار كلشي طبيعي

فـ لا تحاتين ان شاء الله كلشي بيكون تمام انطري كمن يوم وعقب شوفي شلون

طمنينا عليج حبوووبه وماتشوفين شر فديتج

كل شي يباله صبر صح وانشالله تكون النتيجه مثل ماتبين واحسن لاتتضايجين فديتج

عزيزتي لازم تذكرين اسم الدكتور عشان البنات لايطيحون في نفس الغلطة

اقتباس:

المشاركة الأصلية كتبت بواسطة ملامح موظة