|
|
السلام عليكم ورحمة الله وبركاته
صباح الشوق لبنات المنتدى كلهم
وانا ادري انكم بتردون علي وماتسكبون فيني 
بنات واللي يسلمكم اللي جربت عيادة الميدان
تسدح تجربتها هاهاهاهاي
انا عندي اختي عمرها 18
لثتها حيل تعبانه يعني مره اخوي دزها طلع من لثتها دم تكرمون
ويوم ودينها الميدان شافها الدكتور قال علاج لثه ب300
وهي الحين خايفه فاللي رايحه الميدان وعالجت لثتها تقول لنا بالتفصيل الله لايهينها
ومشكوره لكل بنت ترفع الموضوع او ترد لو بدعوه
العيادة لها صيت ةناس تمدحها بس ماجربتها |
آنا جربت فرع صباح السالم ماشفت منهم شئ شين بالعكس خدمتهم وايد ممتازه
ابوي مجرب عندهم مادري اي فرع كلش مامدحهم ويقول نهيبه
عندهم شئ مو حلو ان ماكو اسعار ثابته كل دكتور يحط السعر الي يشوفه مناسب عاد انتي وحظج
انا حاطه تقويم عندهم مو علاج لثه عند الدكتوره ريم الشطي اتينن حدها واسعارها حدها زينه وتشتغل بضمير عالي الله يحفظها
انتي حطي اسم الدكتور عشان البنات يفيدونج اكثر لان العياده فيها اكثر من دكتور لثه وكل واحد يختلف عن الثاني اكيد
ليش ماتسوى علاج لثه بمستشفيات الحكومه ؟؟
آنا امي سوت تنظيف لثه بمستشفى العدان للاسنان حيل حيل زينين وكله ستاف دكاتره كويتيين وشطاااار
احنا رحنا للمستوصف واخذنا تحويل وحطولنا موعد بعد يومين ورحنا لهم وعطونا موعد تنظيف اللثه بعد اسبوع
بسرعه مشونا الله يجزاهم خير
وإنشاء ما تشوف إلا العافية
الفروانيه أحسن وحده الدكتوره وفاء اتهبل ….
بس في وحده عذبت بنتي ومااعرفت تخلع ضرس العقل وبنص السالفه شان تقول لها بييب لج دكتور … وجرحت حلجها ….
الفحيحيل يهبلون ودكاتره أجانب …..ويعالجونج بنفسيه حلوه … بس مادري غذا ليلحين موجودين وإلا لأ….
ناس تمدح وناس تذم
بس الشهاده لله ان دكتورتي روعه بالشغل النظيف التعامل وطولة البال
رولا غازي – شرق – مقابل مجمع الجاز
مالها الا الدكتور نائل الهزيم بفرع حولي
ممممممتاااااااااااااز
اهو الدكتور اللي يدرب طلبه طب الاسنان