بسم الله الرحمن الرحيم
كل عام وانتو بخير حبيباتي
والعيد عليكم مبارك وعساكم من عواده
الى كل متزوجه وموظفه خااااااااصه
تصرفون على بيوتكم يعني انتي تكونين متحمله مصاريف كلها او انتي نص وريلج النص وشلون اذا انتي بأول زواجج
يسألج ريلج عن معاشج ويعطيج مصروفج
زين يطلب منج انج تساعدينه بلأجار
زين اذا بتولدين بمستشفى خاص يدفع عنج او انتي او نص بنص
1-اتحمل تقريبا مصاريف البيت كلها
2-انا النص وهو نص
3-انا موظفه واخذ مصروفي من زوجي
4-يتحمل زوج المصاريف كلها
5-يسأل عن الراتبي وين راح
6-لايسأل عن راتبي نهائيا
يشرفني اني اكون اول وحدة ارد على موضوعج المميز, انا موظفة و معاشي تقدرين تقولين انه قوي, مصاريف البيت على زوجي, مصاريفي الشخصية علي من ناحية لبسي و كشختي, استحي اني اطلب منه خصوصا ان الله مو مخلي على قاصر فالمعاش راهي, ليش احمله شي زيادة؟؟؟ هذا ما يمنع اني اروح الجمعية ساعات عشان اجيل البيت, ريلي ما يعطيني مصروف محدد, يعني اذا انزنأت يعطيني اذا طلبت الله يخليه لي, بس انا ما اطلب وايد و اذا حاول يعطيني مبلغ و انا مو محتاجة مو شرط اني اخذه, و اهو ما طلب مني اني ادفع ايجار لما كنا مأجرين, بس انا اكيد اذا شفت انه محتاج مساعده ما انطره يقول و يطلب مني, ادفع على طول, و اذا انشالله الله كتب و رزقني بالعيال راح اعطيج خبر منو الي راح يدفع 
و الله يرحم ابوج و موتى المسلمين
[QUOTE=عقربة;6530221][b][color="darkorange"]يشرفني اني اكون اول وحدة ارد على موضوعج المميز, انا موظفة و معاشي تقدرين تقولين انه قوي, مصاريف البيت على زوجي, مصاريفي الشخصية علي من ناحية لبسي و كشختي, استحي اني اطلب منه خصوصا ان الله مو مخلي على قاصر فالمعاش راهي, ليش احمله شي زيادة؟؟؟ هذا ما يمنع اني اروح الجمعية ساعات عشان اجيل البيت, ريلي ما يعطيني مصروف محدد, يعني اذا انزنأت يعطيني اذا طلبت الله يخليه لي, بس انا ما اطلب وايد و اذا حاول يعطيني مبلغ و انا مو محتاجة مو شرط اني اخذه, و اهو ما طلب مني اني ادفع ايجار لما كنا مأجرين, بس انا اكيد اذا شفت انه محتاج مساعده ما انطره يقول و يطلب مني, ادفع على طول, و اذا انشالله الله كتب و رزقني بالعيال راح اعطيج خبر منو الي راح يدفع
انا بعد معاج نفس الرد
بس انا عندي عيال وهم بعد لبسهم وكشختهم كله علي انا لان ريلي تعود على هالشي وهذا شي غلط أحسه \\
يعني الصرف يكون بزيادة شوي
انا موظفه معاشي ضعيف وعمره ماصرف علي بأي شي ويجبرني ادفع معاه النص بالنص بكل شي ولا مايرضى يشتري مايشتري ملابس لعياله انا اشتري لهم واذا بقالي شي اشتريلي لأن يقول انا اشتري باسراف وهذي مظاهر يعني مايبينا كل سنه نشتري حده بخيل واذا شريت مكياج ماركه مااقوله السعر اقص عليه اقوله هذا تقليد لأن مره شاف السعر وحرمني من المكياج والعطور وخذا بطاقتي مع انه بفلوسي الله يهديه يارب
وين الاستفتاء ؟؟؟
ياليت المشرفه تحطه ياليت
وهو كلأتي
1-اتحمل تقريبا مصاريف البيت كلها
2-انا النص وهو نص
3-انا موظفه واخذ مصروفي من زوجي
4-يتحمل زوج المصاريف كلها
5-يسأل عن الراتبي وين راح
6-لايسأل عن راتبي نهائيا
ومشكورين
الحمدلله انا مو موظفه والبيت وكل شي على زوجي الله يخليه وما يبخل علي باي شي والحمدلله الله لا يغيره المصروف وكل شي مثل ما قلت لج عليه
والحمدلله اني مو موظفه خليه يشيل كل شي اهو هههههههههههههه ويعطيني معاشي ومعاش العيال والخدامه والبيت كله بايدي
أنا موظفة ومعاشي طبعا لي ولاحتياجاتي الشخصية واخذ منه مصروف كل شهر لأن هو طالب مني هالشغلة انه يعطيني كل شهر معاش عشان يرضي ربه وضميره والحمدلله وانا في بيت حمولتي يعني ماكو ايجار ومصاريف بنته ومعاش الخدامه عليه
انا موموظفه
زوجي اهووو الي يصرف علي وعلى البيت وومعاش الخادمه ولبسي ومصرفي
والحمدالله مايقصر معاي
انا مو موظفة ادرس ودراستي بفلوس وكل المصاريف على زوجي من راسها للساساها << احلفي هههههههههههه
الحياه تعاون
انا معاشي زين والحمدلله وريلي معاشه كان زين بس اهو خذا قرض ودش البورصه وخسر والحين انا اللي مبتلشه اهو يدفع بس ما عنده الباقي من معاشه حق مصرف البيت والخدامه اما انا المسكين فعلي باقي المصرف وملابس اليهال وملابسي واحتياجات البيت ويقولي مو لازم تخربطين بمعاشك وانا ما عندي لاتشترين كماليات
الامور ماشيه بس وايد نتناجر عالفلوس حطيت وما حطيتي ومن هالسوالف والسبب قرضه؟؟؟؟شاسوي بعد
الحياة تعاون
انا اصرف واهو يصرف
بس اهو الجزء الاكبر طبعا
وانا الكماليات واذا شي قصر عل بيت انا ما اقصر
كلشي على زوجي واذا طلعنا اهوه يشتري انا ما ادفع شي بس اذا كنت طالعه بروحي اكيد انا إلي ادفع
Soooo شحقه اطلع بروحي هاا 😛 ؟
حياكم الله
انا حاطه استفتاء وينه؟؟؟؟؟؟؟؟
1-اتحمل تقريبا مصاريف البيت كلها
2-انا النص وهو نص
3-انا موظفه واخذ مصروفي من زوجي
4-يتحمل زوج المصاريف كلها
5-يسأل عن الراتبي وين راح
6-لايسأل عن راتبي نهائيا
جوابي الي بالبرتقالي
تقبلي مروري