من احلى المحاضرات اللي رحتها –عن الحياة الزوجيه

صباح الخيرمساء الخير

بعد ضيقه الخلق والهم والغم اللي عشته قلت بروح محاضره نوال دويسان بالقرين قلت خل الهي نفسي واستفيد احسن وفعلا يابنات والله يوم رحت وسمعت يالله عالكلام الحلو اللي تقوله طبعا الدوره عن الحياة الزوجيه والمشاكل وطرق حلها صج في اشياء وايد غفلانين عنها وكل همنا رياييلنامارد ماراح صج السالفه تحر بس الهي نفسي بهالمواضيع الحلوه يامعودين الصبر زين صج نشكي ونحب رييايلنا لازقين فينا صح انلا معاكم وانا وحدهاعاني من زوجي عدل ولي الحين ولايدري عن هوا داري اخوان وشحليلنا اخوان ونسولف غير جذي لا بس والله انصح كل وحده تروح وتسمع والله يصبرنا على هالرياييل

الرياييل بلاوي يبيلها صبر

حبيبتي وين مكانها بالضبط ؟؟؟

بالقرين قطاع ج يعني بعد القصور ق 3 شارع 1 منزل 27 كل احد

مشكوره واسال الله العظيم ان يصبرج ويحقق لج مرادج
انا تخيلي سنه 2024 بدايتها حاشتني عين قويه وتناجرت مع زوجي ليش طلعنا براس السنه 2024 الي كنا بندخل 2024 وراح دوامه ويوم رجع تناجرنا الله ستر بغينا نتطلق حاسديني على هالطلعه مستكثرين الفرحه عليي وكنا نتناجر ونتصالح وسافر مع ربعه عناد فيني بشهر واحد وقلت له عناد بهيت مع رفيجاتي سواء رضيت ولا لا وفعلا بدعت كله هايته معاهم وهو مايرضى بطلعات الرفيجات وكان يتصل وارد عليه ببرود طفر كان ناوي يقعد اسبوعين وقعد 10 ايام ورجع لقاني طالعه وعصب ويوم رجعت سلمت عليه ببرود وعقب نتناجر ونتصالخ وخالتي دشت المستشفى بسبه جلطه بالراس وانا الي جابلتها واهني طخ معاي وصار من احسن ما يكون ورمضان 2024 ابوي الله يرحمه توفى وهم وقف معا وساندني دخلنا 2024 عقب العيد الوطني تناجرنا وجم يوم ونتصالح وعقبها تناجرنا وبغينا نتطلق قعدت شهر ونص اعاني بس طاف قزرتها طلعات من وراه مع رفيجاتي طاف مجمعات وقهاوي ومطاعم اقول له بروح المجمع الفلاني بشتري لي هدوم ولا اغراض واتواعد مع رفيجاتي مع اني داخليا متضايقه بس عشان انسى وطبعا بعد اذا كان دوامه شفتات فاذا راح دوامه ماكان يسالني شتسوين ووين تروحين كان متجاهلني ولا يدري عن هوى داري والي قهرني خالتي الي وقفت معاها ماديا ومعنويا وقفت معاه وعقب تصالحنا الحمدلله ونقلنا سكن يديد وتوسعت الحمدلله حالي صار احسن طبعا انا كنت مداومه على صلاه الليل والاستغفار والصدقات ولا زلت والله يتمم عليي
مع انه مشاكلي مع زوجي الحمدلله ماكانت خيانه بس نتناجر على اسباب تافهه واحيانا اسباب كبيره
طبعا بعز المشاكل كنت احلم بعقرب اسود على شكل انثى وحيايه سوده 3 او 4 ويخزوني وطبعا واضحه السالفه انهم حريم يتحبلون لي واعرفهم لكن حسبي الله ونعم الوكيل
ادري الكل بغلطني على سالفه طلعاتي من رفيجاتي بس شسوي ؟اطلع ارفهه عن روحي واستانس ولا اقعد بالبيت افكر فيه وابجي وانا طبعي وحده بوحده خوش اهو يروح مع ربعه ومو سائل فيني وانا احكر روحي لا هذا مو حجي
يعني للامانه سنه 2024 من بدايتها لي شهر 4 /2009 ما مر عليي يوم حلو نهائي نهائي نهائي مشاكل ومصايب وباجي السنه الي طافت عقب شهر 4 مرت عليي الايام عاديه بس شي اهون من شي
الحمدلله على كل حال بس هالسنه متامله خير باذن واحد احد

اللهم آمين الله يجعلها سنه خير علينا يارب دعواتج بعد لي موتنسيني

حسافه بالقرين؟؟بعيده حييييييييل

الله كريم يثبتنا على طاعته

انا مشكلتى احب زوجى وادرى اهو بعد يحبنى بس ما صار انى رحت جمعة حريم او اى مناسبه الا ارد وتصير بينا هوووشة تاافهة وتكبر وكل زعلانين ومتراضين على هالحااااالة

وانا كمنت اعصب واطفففر واغلط بس الحين قضبت نفسي قلت اهم شي صحتى والرجال يجي ويروح على كيفه وقمت استغفر وحطيت السبحة الالكترونية على النت وكل ما دخلت استغفر وهديت شوي ولله الحمد بس للحين اعانى من العين والحسد بشكل مووو طبيعى بكل شي حااسدينى لاحول ولا قوة الا بالله

وانا على نيه انى ارد اقرى سورة البقرة لانى كنت اقراها قبل وكانت امورى تماام مع الاستغفار وصلاة الليل باذن الله بس ادعولنااا

الله يهدينا اجمعين ويسخر لنا ازواااجنا ويجعلنا لهم قرة عين ويجعلهم لنا قرة عين

اللهم ازل الغيرة من قلوبنا وحبب فينا ازواجنا وصب مححبتنا فى قلوبهم صبا صبا وارنا ذلك يارب

بالنسبة للندوات فى اكثر من مكااان بس اسالوا فى الهيئات واللجان وراح يدلوونكم عليهم

مشكووره ريماس

يااررب يصلح حالج انتي وريلج

اللون اللي كاتبه فيه وايد فاقع

حبيبتي بسأل اهو مثل درس ديني ابلاش يعني والساعة جم يبدون واذا عندج رقمها ياليت تعطيني اياه

مشكورة ريماس والله يهديلك زوجك
انت وباقس البنات يارب

الله يصلح حالكم ويهدي زوجج يارب

اللهم آمين اللله يسمع منج حبيبتي دعواتكم

اللهم آمين جزاج الله خير