|
السلام عليكم
حبيت اسألكم خواتي
الحين لما ايي الريال يخطب البنت
اهوا ينطرها ترد عليه وتوافق ؟
او اهيا تنطره ؟
يعني منو اللي لازم يوافق بالاول ؟ النت ولا الولد ؟؟
حدي محتاره
وسؤال ثاني <<< حيل مهم
لي الولد قال انه البنت حيل زينه وكل اللي تمناه لقاه فيها وجميله وكل شي
بس محتاج يومين 3 عشان يفكر
شنو معناته هالكلام ؟؟؟
هل اهوا مو مقتنع ؟ ولا شنو بالضبط ؟
مع انه في ناس بس يطلعوون من باب البيت يدقوون ويقوولون ترى نبي بنتكم
اذا المعرس يبيها تتصل امه عقب فتره تسأل ام العروس اذا موافقين والا لا ……..هني ام العروس تقول لها خل نسال ونرد عليكم
واذا المعرس ما يبيها هم تتصل امه تقوم ماكو نصيب …..عشان اهل البنت لا ينطرون
وبالنسبه حق الولد اذا تأخر بالرد وبالنت عاجبته …. طبعا مو معقوله بقول ويه اهل البنت انه يبي يسال عنهم
اكيد يبي يسال عنها بدوامها وعن اهلها وهم حق صلاة الاستخاره
تحياتي لج
او في نوع يحب يعطي حق البنت فرصه لمده ثلاثه ايام علشان تفكر عدل ويكون من داخله مقتنع فيها
انا اذكر لمن كنا نخطب حق اخوي كانت اختي الكبيره تقول حق اهل البنت نعطيكم يومين اتفكرون طبعا اذا كان اخوي مقتنع بالبنت
بس اذا اهو مو مقتنع فيها تلقون ثاني يوم داقين على اهلها على اساس ما فيه نصيب
والله يوفق كل بنت على وشك خطبه او مخطوبه
وشافها
بس ماتكلم واهوا قاعد
لما طلعو
قال ابي اشوفها مره ثانيه لانها كانت مستحيه وماشفتها وماتكلمت
ياها ثاني مره
جان يقعد معاها وعجبته ك شكل وك اسلووب
ودقت امه اول ما طلعوا
وقالت حيل عاجبته بس بيفكر شووي
ووعقبها بيوم قالت تعطوونا يوومين الولد وده شووي بعد
وعقبها بيوم
دقت قالت خلاص على بركة الله
معناته شنو ؟
هل الولد متردد فيها ؟
ولا في شي مو عاجبه فيها ؟
او شنو بالضبط ؟
بس هذا زواج راح يتم طول العمر فلازم الواحد يتاكد من الشي اللي يبيه
اكيد كان يبي يسال او يصلي اسنخاره
قطوه
بالنسبه لاخر رد .. يعني خلاص الولد يبيها
بس يمكن هالفتره .. كـان محتـار .. ولما قعد مره ثـانيه .. هم احتاج انه يفكر.. والمره الثالثه ثـابته
ويمكن طول هالفتره كـان يستخير .. والحمد لله دام انه وافق .. على البركـه
وبعدين لا تفكرين بطريقه سلبيه .. يمكن اهو احتاج الوقت للتفكير .. واحتاج يعطي البنت بعد وقت تفكر
وربج سبحـانه يسهل و ييسر الامور وعسى الله يكون اللي فيه الخير و الصالح .
اذا يو خطبوا و البنت عجبتهم يتصلون بنفس اليوم بليل و تقول حق ام الولد ترى البنت عجبتنا
و ام البنت تقول عطووونا جم يوم ونرد عليكم
لكن اذا ما اتصلت ام الولد بنفس اليوم او من باجر
فاحتمال كبير ان البنت ما يازتلهم
اما اللي يقول عطوني 3 ايام
من رايي اهو اللي ياي يخطب شنو عطوني 3 ايام افكر !!!
يعني يقدر يقول برد اقعد معاها مره ثانية و بسولف معاها
لكن ما يقول بفكر
هذا اللي اعرفه
و اللي يطلب مهله 3 ايام..مادري صراحه شي غريب اللي اعرفه النت تطلب مهله مو الولد..بس اهم شي تأكدو ان الولد مايكون مغصوب و ان بهال3 ايام محد يحاول يقنعه غصب بالبنت.. يمكن البنت عاجبه الام بس اهو متردد و طلب 3 ايام يفكر
وكل شي يبين اذا يبون البنت ولالا من اول مره يبين عليهم
الله يتمم على خير ,,
جذي زين الحمدلله ما سووا شي
فما بالج باللي تجي امه تخطب وبعد يومين تبي الرد وما عطوها اهل البنت شي وبعد يومين وافقوا
وجا شافها وبعد اسبوع دق يبيها ويبي يعرف المهر تخيلي اسبوووووع ,,
وبعد تحديد المهر شهر لا حس ولا خبر ,, ولي الحين البنت معلقه ,,
واذا يبيها راح يرد عليهم بنفس اليوم او من ثاني يوم
ناس تقوول متردد ويمكن مغصووب
بس اتوقع بهالزمن محد ينغصب على الشي
البنت ما تنغصب فما بالكم بالولد !!
ثاني شي
اهوا من لما قعد معاها وكلمها
طلعت الام جان تقوول حيل ارتاح وكل اللي تمناه لقاه فيها
بس قالت تعطوونا جم يووم
اتوقع بهالجم يوم كانوا بيسألوون او مادري يمكن يبي يقرر او يفكر
لانه هذا زواج عمر مو يووم ويوومين
ومسألة يقول يومين ثلاثه مافيها شي انا بالنسبه لي عين الصواب
لازم الريال يستخير الشكل مو كل شي الراحه النفسيه اهم
انا اشوف اللي ينطر يومين انسان عاقل ومتزن اما اللي على طول مطفوق