|
|
السلام عليكم
شلونكم بنات 
بخاطري اشتري جلب وحاطة عيني على الـ pomeranian dogs
وطبعا مادري من وين اشتريهم اذا تعرفون مكان او موقع لا تبخلون علي
وفي شغلة بعد .. اللي اعرفه انهم يحبون اللعب بس اما سوالف الشراسة ما عندهم ؟
ما يصير ادربهم على الشراسة او الهجوم مثل الجيرمن شيبرد اذا كبروا ؟
يا ريت تفيدوني بهالخصوص واذا تعرفون نوع يلعب ويهاجم وبتاع كلوا يا ريت تفيدوني .gif "Eh S(6)")
وبليز بنات اللي بتقولي حرام وما يجوز والجلب نيس .. يزاها الله خير بس بليز ما طلبت حكم الشرع ابيكم تفيدوني وما تدقروني لووول
موضوعج ولا ارد لكن عنده انواع حلوووه
اسم الحل سكوبي دوو::السالميه اشاره شوبير تاخذينها فوق تحت واول لفه يمين ايلج ددوار تاخدينه يمين وبعدين ثاني لفه يسار تلقينه على يمينج
اسم محل معا اعرفه: اشاره الشعب اخذها يمين اتيلج اشاره اخذيها فوق تحت اول لفه يمين امشي شوي سيده تلقين محل على يسارج
وموفقه يارب
سكوبي دو يقولون نصاااب ,,, ما يمدحونه ,, بس جربي تطلبين من برة ما تعرفين ,, احد يعرف ؟؟
امممم سؤال غبي نوعا ما لو تعرفين ما سالتينا لوووووووووول
انزين انا كنت اعرف وحده الجواوا عندها زوغه مو صج و نوعهم تي كاب اللي طول كف الايد ما يكبرون ..
اشكال و الوان ,, زووووووووغه مزرعه شكبرها تولدهم .. زاغ قلبي عليهم .. و تشحن لي بره .. و شارين احنا من قبل اثنين منها
بس الحين ادش عالموقع ما يتبطل مادري شالسالفه ,, ييبي من تايلند رخاص و عسولين ..
و عندج بعد الهاسكي جنه ذيب يهبل ,,, خاصه عيونه DeviL eyes
و حتى البومارينيين عسللللللللل
و تبين واحد شكله عبيط .. عندج ال Bug
و تبين واحد يهبل و شكله و حركاته عبيطه و تفطسين من الضحك عليها ,, عندج Bulldog بس ياربي جيكر ما ينبلع
من سعبل علي ذاك اليوم و انا كارهه خشته ,, بس للامانه حركاته عبيطه
بس الجواوا ماكو عليه ,, مع انه حجمه كبير بس من حبه لصاحبه يدافع عنه لي اخر قطرة من دمه لووول
لي درجه يثور و ما يحس بحجمه ,, يعني معروف الجواوا دوم عنده اعتقاد انه كبير بالحجم و رزه و له هيبه .. ما يشوف نفسه اصغر من عدوه .. و هالشئ عن اقتناع فا تلقينه وقت الدفاع حاضر و بقوة ..
من ناحيه البومارينيان ,, ممكن تعلمينه عالتنبيه ,, بس صعب الهجوم .. يعني يتعلم ,, بس ماله مقدره صعبه شوي يكون حق حراسه
ممكن يكن حق تنبيه و بس ,, لان اساسا شكله كيوت ما يخوف
شوفيه يختي
صج انه مو ذاك الزود بالدفاع ,, بس وقت التان عند ويهج 
من قالكم انها ما تدافع ترا نفس الجواوا انا عندي وحده تهببببببببببببببببببببببببببببببببببببببل فدييييييييييتها
وترا احساسها بحجمها نفس احساس الجواوا ذاك اليوم بالمستشفى الدولي فشلتنا تهجم على جلابه يمه يمه يخرعون طول الادمي كباااااااااااار حيييييييل يعني اللي تروح الدولي لازم تشوف هالجلب العود لانه جلب مدير المكان شسوت فيه نرفزة الجلب احس الجلب يقول عفواً جني اسمع احد ينبح بس ما اشوف ههههههههههه
لا لا يامس انصحج بعنف تاخذين البوم يختي يهبلوووووووون واخذي نثيه يمه مطلعتلنا قرون وتحب اللعب وتحب اليهال بعد
وتدافع والله ذاك اليوم بغرفة اختي والبيت فاضي بس انفتح باب الشارع لا تسمعون نباحها وتنفع لحراسه لان نباحها قوي والهجوم امبلا اذا تعلمت لابد تهجم انتي تعلمينها واخذيها صغيره..والله في سايت يبيعون اسمه kuwait pet
وبخصوص السعر يا ديما من قالج 200 بس؟ لا حبيبتي سعرها يوصل لل350 لانها من افضل انواع الزينه :>
بس بسايت كويت بت شايفه انا على 200 بس ناسيه جم العمر
خلينا من الحجي
دشي على السايتات الاجنبيه و شوفي سعرهم و حسبي مع الشحن ^_^
بس لا البومارينيان و لا الجواوا يقدر عالهجوم لوووووووووول
خلنكون واقعيين صعبه ,, يعني حق التنبيه اي ,, بس هجوم اوكي يحاول يهاجم و يدافع و كلشي
بس اهو في ساحه ما يقدر يفوز فيها ,, يعني خلج من باجي الجلاب ,, لو يهال او ناس من الشارع تعرضوله ,, ماله هيبه
ما يخوف نفس الجيرمن شيبرد و الجلاب اللي حجمهم كبير ,,, ما ينفع ,, صعب تحطينه بره و تخلينه يحرس …
تخافين عليه من البوق ,,,
اذا تبي حراسه خلها على الجيرمن شيبرد احسن شئ
لازم الام و الابو يتسفرون المانيا ,, عشان يطلعون لهم بدقري …
ولاده الكويت ما تضمنين يكون بيور ,, و اذا لقيتي قليل حييييييل ,,,
تبي شي بيور و زين تطلب من بره ,,
تبي شئ عادي اكيد السعر بيكون اقل تلقى ما اقول ما تلقى ,, ^_^ ,,
بس البورمارينيان يوووصل 300 ,, و مو نصب ^_^