|
|
بنات انا والله اعلم اعاني من التابعة واهي مذكورة بالقرآن وتسمى ام الصبيان والحين صارلي 6 مرات تقريبا مسقطة وعندي بنتين طيحت بينهم وبعدهم …
تعبت والله بنات من التنظيفات وقريت عند مطوع ببنتي الثانية والحمدلله حمالي ببناتي طبيعي جدا يعني ما اعالج فيهم مجرد لي حملت مثبتات وللعلم حمالي الباجي كله اجهاض مبكر يعني يا جنين صغير ويوقف او جيس مو طبيعي وفاضي والمرة اللي فاتت الكيس فاضي ويكبر و سويت تنظيفات على شهرين ونص
ةوهالمرة جنين تكون اصغر من عمره باسبوع بس كان طبيعي لما شهرين بالضبط ووقف النبض وهالحجي من شهر و مو راضي ينزل والتنظيفات ما اقدر اسويها الا لما يفتح شوي الرحم لاني ولاداتي قيصريات ويخافون يوسعون عنق الرحم …
المهم يا بنات اكثر من وحدة سالتها وقالتلي احتمال معاي التابعة وانا بعد شكيت خصوصا بهالحمال لان البيبي متكون راس وجسم
وانا تعبت نفسيتي والله وايد فياريت اللي تعرف عن مرة تقرا او مطوع يعرفلها وناس نفس حالتي جربوه ونفع وياهم تدليني اياه والله يجزاها الجنه ويوفقها دنيا وآخرة
او إنهم يقولون هاذي وحدة مجبوسة ( مو مجبوس دياي ولا لحم ههههههه) لا مادري معتقدات أول بس هم بعد سألي فيها حبيبتي والله أنا إلي أعرفه قتلج إياه وراح اسألج بعد وأعطيج فيها خبر إن شاء الله باجر إذا الله أحيانا.
بس التابعه لازم تشوفين مطوع والا مطوعه يسوولج قفل اول ماتحملين وتفكين القفل باخر التاسع
والتابعه ياقلبي اتييي من العين والحسد
هذى سوالف حريم الاول يقولون عنها تابعه وجبسه وشغلات وايده بس الحين قليل اللي يعتقدون بهالاشياء
قبل كل شى لازم تحطين في بالج ان اللي ربي كاتبه لج كله خير سواء حملتي والا ماحملتي واذا بيتم حملج بشهوره التسعه ترا بإذن رب العالمين مو من المطوع ولا من اي شى ثاني بس كل شى يكون سبب انتي بذلي الاسباب وتوكلي علي الله وانشالله ماعليج الالعافيه يارب
وهذي يبلها احد يقري عليج ويعطيج حجاب
وعادة تحلمون بقطاوه وحيوانات صح
بالنسبة للاحلام انا احلم بس مو دايما واحيانا بحية واحيانا بمرة قزمة واحيانا ما اتذكر الحلم بس من ناحية العين فانا ادري ان شكثر يحسدوني والله واهم احسن حال مني بالنسة شتقولين الناس الحين صارت ما تحب الخير لاحد …
عموما اللي تعرف احد يعالجها امانة تعلمني على الخاص
سواء مطوع ثقة او مرة ثقة والله اني وصلت لمرحلة ابي اسوي اي شيء بس ما اتعرض للاجهاض وبنتي قريت قبل الحمال وفترة الخطر او ثلاث اسابيع من الثاني والحمدلله بس اللي خلاني اشك ان بناتي حملي طبيعي جدا فيهم يعني من القط ليما اولد ما اعاني من اي شيء واحس ان من الله كل شيء طبيعي بس غيرهم اللي طيحتهم كلهم مو طبيعي الحمل ومن اول يوقف وسألت وحدة وقالت التابعة احيانا تكون بمني الرجل يعني مثلا الذكري فمن تلقطيين يكون مو طبيعي واحيانا اول الاخصاب واحيانا لما يتم شهر وقالتلي معاج تابعة ام الصبيان دام حملج ببناتج طبيعي ؟؟؟
فامانة بنات اللي تعرف مطوع يعرفلها عدل ومجرب او متخصص لها تعلمني حتى لو برا الكويت |…
او مرة تعالجها او حتى تعرفلها تعلمني وانا ناطرة ؟؟؟
بس عفيا
لاتسوين حجاب و قفل
ترة هذة الامور كفر
ووايد مطاوعة يسوون رحهم دينين
بس عرفي يا أختي اي احد يسوي حجاب او قفل هذا كافر و دجال
و لاتتبعين طريجهم
خلج على الرقية الشرعية
و اذا الله كاتب ان يضروج فضروج, و اذا الله كاتب ما يضرونج ماراح يضرونج حتى لو اجتمعوا كلهم ضدج
هذا اختبار من الرب العالمين
صبري نفسج بقصص الانبياء عليهم السلام
و شوفي شنو شافوا من بلاء عظيم
الله يحفظج ان اشاء الله
يمكن من جذي بس كملتي على البنات ( الله يحفظهم لج ) يارب
يمكن اللي سقطتيهم صبيان انتي عرفتي جنسهم ولا لأ؟؟؟
الله يكتب لج الحمل ويتمم عليج ياااااارب ويطمن قلبج .. اقري سوره البقره