منو معاناتها نفس معاناتي مع خالتها ؟

قوة بنووتات.. ودي اتشارك معاكم و نتناقش بموضوع .. تقدرون تقولون اشوي مطفرني

أنا ساكنه عند حمولتي وريلي وحيد أمه و دلووعها واهي بصراحه طيووبة و حبووبه و كل شي بس عيبها شوي تتدخل بحياتنا ..

يعني مثلا من درت إني حامل و إهي تتدخل بنوعية الأكل اللي آكله و بكميته لدرجة اني اكون ساعات مشتهيه شي و اهي تقول حق ريلي لا تييبلها بحجة انه مو زين عالحامل !!!! مع ان دكتوري كان قايلي عادي

والحين مناشبتني على إبرة الظهر ! أنا متفقه على دكتوري إني أبيها و متوكله على الله و الحمدلله عندي رفيجات وايد و بنات عمي كلهم ماخذينها و ماصار معاهم شي .. بس اهي تحن .. و مو راضية !! الحين أمي اللي اهي أمي راضية .. و خالتي تقول حق ولدها لأ .. ماعليك فيها .. طنشها !!!

ادري انها تخاف علي و على البيبي بس ما أحب أحد يتدخل بقراراتي لي هالدرجة ! وبعدين انا وريلي متفقين مايدش احد غيره و غير أمي غرفة الولادة .. لأني أنحرج . و ماني عارفه حالتي شلون بتكون وقتها خاصة و إني بجر !! بس إهي مصرة بتدش

بناااات شوروا علي !!! شسوي بعمري .. ومنو فيكم معاناتها مثل معاناتي ؟ و اشبتسووون ؟؟؟

اي شي تبي تدش معااج الولاادة @@!!

قوليلها باسلووب حلوو انج تبين امج تدش معااج و انج تستحين

انا لمن ولدت بنتي كنت قايلة للدكتورة مابي ريلي يدش مع انه عاادي بس ما احبه يشووفني بهالووضع منعته يدش فإنتي قولي حق دكتورتج عن حالتج و قوليلها ابيج تمنعينها

صج صج غريبة خالتج

و الابرة مالت الظهرر مو على كيفها و على كيف ريلج

حبيبتي الابرة ما يعطونج اياها الا اذا وقعتي عليها يعني القرار بيدج انتي مو بيدهاا

الله يهون عليج يا قلبي و طووفي

نصيحه من اختك

يمكن ربي مخليها لك تتدخل وتكون قدر لك تمنعك من اشيا قد تضرك

نتي كارهه تدخلها يمكنه خيره لك

وعسى ان تكرهو شيئا وهو خيرا لكم استخيري ربك ولاتسالين البنات

اسالي ربك احسن منا

اختك

لا تقولين لها لالالالالالالالالا

قولي حق الدكتورة و قت الولادة ما ابي احد معاي غير امي او اللي تبينه و شوفي شلون تطلعهم اصلا قوليلها قبل الولادة و اهيا تكتب ملاحظه بالملف و خلاص ..

ودام انتي وزوجج متفقين على كل شي مالاداعي تدخل صرااحه انتي لاتبطلين موضوع الولادة الحين لان وقت الصجيه راح يسويلج اللي انتي تبينه و يدور اي شي يريحج و يهديج

والله يسهل عليج

انامووحيدها بس تغلينى
وماتوصل انها تتدخل بشي
بس انا قلت لدكتورتى مابي احد معاى
وابرة الظهر مادى للحين خايفه منها
ومادرى اخذها والا لا
ربي يسهلها
وانتى ديري بالج على نفسج ولاتفتحين الموضوع الحين
طنشي

روعة خيال .. صج محد يقدر يوقع عليها غيري ؟ أنا سمعت لازم ياخذون راي ريلي ؟؟ و أخاف امه تأثر عليه

حورية الشماااال .. و نعم بالله .. بس أنا مو مرتاحه من قراراتها و لا تدخلها ! أنا من زمان و أحب اتخذ قراراتي بروحي .. و أتوكل على الله و مامن شر ! و تصدقين لما أحد يقوللي لأ أحس راسي يقوى و أعاند ؟؟؟

eman84.. انشالله .. شكلي بقول حق دكتورتي .. و أشوفها تطردهم حززة الحززة .. بس أخاف خالتي تقلبها زعله ! و أنا مالي خلق هالسوالف

الجوررى .. تصدقين .. شكلي بطنش ! أنا قتله إذا غيرت رايك حزة الحزة و قتلي ماكو إبرة ظهر و الله أسبك و أسب أمك عاد حززتها من الطلووق عقلي مراح يكون براسي

والله انا اقرا واقول ياحظج انا خاتي حتى ماتطق لي الباب وتقولي غدا ماجني اصلا موجوده وولدها وحيدها بعد بس حى بخبر حمال ماشفت الفرحه بعيونها

هذي نشبه الله يعينج عليها

حبيبتي حمااتي اهي اللي موقعة على الابرة جنه المواسااة

و اذا ريلج اهو اللي بيوقعها اتوقع اذا شافج معتازتها ماراح يقوولج لأ

الله يعييييييييييييييييييييييييييييييينج

اهي شدراهاااا انتي داخل تولدين ان شاءالله … واهي برى ولا صرتي داخل قولي الي تبين تقولين لهاا لدكتورة

خو انتي اذا بتسوين شي لاتحجين واذا ياج الطلق روحي المستشفي بسكات لاتقولينلهم اذا ولدتي وخلصتي قوليلهم
اهم شي ريلج راضي واهلج والله يوفقج وتولدين بسلامه

ماعليه اهي ماتتدخل خالتج لان هذا ولد وحيدها فتوقعي منها
وانتي اذا تبين ابرة ظهر حزة الولاده قولي حق الدكتوور ولا تقولين جدام خالتج كل شي
يعني اهي مادرت انج بتحطين ابرة ظهر الا انج قلتيلها واذا يت انه ماتبين تدش معاج قولي انه مايرضوون الا شخصين وانتي تبين امج وريلج جذي يعني عرفتي وانشالله الله يسهلج امورج وتولدين بالسلامه

انتي من صجج ؟ بلاج مادريتي عن ريلي .. بس أقوول آخ .. أشوووفه طار و قال لأمه !! تبيني أولد و يصك حلجه و مايقووللها !!! والله شكله بيقوللها من أول طلقه

الله يعينج الصراحه

هذى عورة مايجوز احد يشوفهاا أخليهاا سبيل لكل خلق الله

وبعدين انا مستغربه من بعض البنات العايله كلهاا مدخلتهااا معها الولاده

اوكي بجر وماعرف بس ماراح تنفعنى غير الدكتوره