منو مر عليه ناس بهالنوعيه

السلام عليكم00000
بنات تكفون ابي من يواسيني ويشيل همي انا تعبت وزهقت من اهل زوجي حييييييييل تاعبيني من تصرفات لي معامله لي كلام والله كل ما زرتهم قطوا علي كلام ولا جاهم زوجي حرشوه ويقلون احترامهم على جدام الناس لدرجة حريم حمواني حسوا وما قاموا يحترموني والله احس بنفجر من القهر كل ما حاولت اتقرب منهم بالهدايا او بالمواجيب مالاقي الا التجاهل والتطنيش تخيلوا يجون من السعوديه اركض اقهويهم ينجحون عيالهم اركض اجيب لهم الكيك لا بغيت اطلع مع زوجي خذيت بناتهم امشيهم وللعلم هذا كله طيب مني زوجي ما فرض علي اي شي واقل شي ان لا عزمتهم ما يجوني لا رديت من السفر محد يقول حتى الحمدلله عالسلامه بتقولون طاااااف طنشيهم استعملت هالاسلوب وشنو النتيجه وصلني كلام من الناس انهم يحشون فيني والله كل يوم اقعد ابكي من القهر واللي قاهرني اكثر ضعف شخصيه زوجي يدري انهم ظالميني وقدامه يقلون ادبهم ولما اقوله ليش ما دافعت عني ولا وقفتهم عند حدهم يقولي ما قدر عليهم لسانهم طويا والله احس بموت ناقصه عمر تكفون قولولي شسوي مع هالنوعيه من الناس عجزت شلون اتعامل معاهم لا تقولون صيري عوبه للاسف انا ما حب المشاكل وما عرف ارد على الاهانه بلحظتها ينعقد لساني 0000

بنات بليز اللي مرو عليها نفس هالنوعيه تراسلني عالخاص ودي اشكي لناس حاسين باللي امر فيه000

ادعولي ان الله يفرج همي0000

الله يهديه لج ..
ماعندي شي أقوله غير جذي ..
لانه عالنوعيه ماتستحي..

في وايد بنات يعانون من اللي تعانين منه
ومافي حل جذري لانهم اهلج وانجبرتي فيهم
اللي عليج انج تدعين لهم بالهدايه وكلي امرج لرب العالمين
ونصيحتي لج انج تقللين من روحتج لهم دام كل روحه بتنغثين من وراها عيل لا تروحين
ولي صارت مناسبه روحي زوري ووجبي وكوني اول الحاضرين قعدي شوي وردي بيتج
فعلا في ناس مايحترمون اللي جدامهم بس بنات الاصل مايقدرون يتعاملون معاهم بالمثل لانه اخلاقهم عاليه وماتسمحلهم انهم ينزلون روحهم لهالمستوى
الله يكون بعونج ياحبيبتي

الله يعينج ويصبر قلبج بصراحه

بس عامليهم مثل مايعاملونج هالنوعيه مايبي لهم قلب طيب مثلج

يبي لهم لسان طويل لانهم مايحترمون

ولا طنشيهم ولاتهتمين وتعبين قلبج اذا زوجج وهو عايش معاهم مو قادر عليهم كيف انتي

الله يكون في عونج
بس حبوبه مشكلتج ما تستدعي انج تموتين ناقصه عمر ولا تموتين من القهر
عاااااااااااادي
انتي اصلا ماله داعي تقهوينهم وتييبين كيك لعيالهم وتاخذين بناتهم
إذا هذا طيب منج عيل لا تنطرينهم يشكرونج
انتي سويتي هالشي طيب مو عشان يشكرونج
اهما يمكن مايبونج تسوون هالأشياء في ناس ما تحب هالأشياء يمكن يفكرون انج تساحلينهم

عموما كل الحمولات يحشون في جناينهم لو هم احسن الحموله ولو الجنه احسن جنه ومافي مثلها هم بيحشون فيها
ولاتروحين مواجيبهم ولا تقعدين معاهم جدام الناس عشان لايقطون عليج كلمه وتنحرجين
وإذا قالج زوجج ليش ماتروحين قوليله صراحه انا وحده بحفظ كرامتي إذا انت مو قادر تحفظلي كرامتي

زوريهم بالمناسبات فقط
عيد-رمضان
ولا تاخذين معاج هدايا

وخليهم يتكلمون فيج ويحشون فيج ترى انتي الكسبانه واهما الخسرانين
انتي مع كل كلمه يقولونها عنج بتاخذين حسناتهم
واهما مع كل كلمه يقولونها عنج بياخذون سيئات
ربج مايضيع حق أحد سبحانه

ولازم تستانسين كل ما يوصلج حجي انهم حشوا فيج لأن الحمد الله صار عندج حسنات
والحسنات أكيد احسن بوااااايد من رضى حمولتج

ولا شرايج

الله يعينج ويهديهم

سبحان الله وبحمده

سبحان الله العظيم

كل الناس جذي مو بس اهل ريلج في حريم شوفت عيني مو مقصرين او هم توصل لي الهواش ويغارون من اعيالها او معامله ريلها لها او يحترون من كل شي فيها عادي وايد ناس جذي بس انتي اخذي موقف عشان لا تحتكين وايد معاهم او لا تنطرين منهم شي

واهم شي ريلج بس شي ثاني تكرم منج مو مهم تعاملهم معاج انتي مو ناطرة منهم شي بس سوي الواجب اللي لازم اتسوينه اكثر من جذي مو لازم مع جذي ناس لان ماراح يبين ابعينهم صدقيني عن تجربة

والله حبيبتي لا تحرين عمرج ولا شي ..انتي سويتي اللي عليج واديتي الواجب وسويتي خير خلاص اجرج على الله مو منهم واذا تكلموا جنج ماتسمعين اذا انتي عارفه نفسج وعارفه انتي شنو ….حتى زوجج لا تعاتبينه ليش مايرد عليهم

حبيبتي انتي الحين مرتاحة مع زوجك وهو كافيك عن الدنيا . غاثه نفسك ليييييييييييش؟ شتبين فيهم؟ ياحبيبتي بعدي عن الشر وغني له شتبين فيهم !!! حقريهم ولا تأذين نفسك وربي ما يسوون عليك . انتي عليك من زوجك وبس وخليك بعيده وسالمة . انا لو اقول لك اختي شيسوون فيها حمولتها ما تصدقين لكنها عارفة لهم ..حارقتهم ومكبره عقلها عالآآآآخر لا جاها كلام من هنا ولا هنا تطننننننننش ولا عليها منهم . وعلى فكرة حبيبتي ترى عدوك مو من حكى فيك .. عدوك هو من وصل لك الكلام . انتي شتبين فيهم ؟ لا هم اهلك ولا يعزون عليك . وهم ما شافو الا كل الخير منك ورب العباد ياخذ حقك ان ظلموك ولا حشوا فيك. ياخيتي انتي لازم تسوين ترتيب لأولوياتك . وخليهم آخر همك . ويكفي انك زوجك شايف انك بنت ناس وسنعة والعيب من اهله . الله يعينك ويكفيك شرهم

بنات تدرون شنو مشكلة اهل زوجي انهم يغارون على ولدهم واخوهم يشوفونه يحبني ومو مقصر معاي بشي فهذا اللي ذابحهم حتى بعض المرات عزايم ما يعزموني عليها ادري من البعيد واللي قاهرني يمدحون بحريم حمواني لاتهم يصيرون لهم ولانهم عوب ولا يسكتون لهم بس والله ما تعلمت عالعوابه ودي اعرف اوقفهم عند حدهم ولا عالاقل اعرف ارد بنفس اللحظه —والله اني مابي حبهم مابي الا الاحتراااااام بس–

بالاخير راح يعرفون غلطتهم ويعرفون قدرج لما الدنيا تدور فيهم وتطورقهم وقتها بيقولون عنج فلانه كانت طيبه وماتستاهل هالمعامله منا
عامليهم بما يرضي الله وخلي علاقتج سطحيه مثل ما وصيناج ووجبيهم بالمناسبات وادعيلهم بالهدايه
كما تدين تدان صدقيني باجر الله بيوريهم ببناتهم وعيالهم وقتها بيحسون فيج

عامليهم بالمثل
بعد شتسوين
مموكفو احترام
خلي روحاتج لهم قليلة يمكن يحسون
مادري شلون !! مايعورهم قلبهم مثلا ؟؟؟
خلج رسمية – المشكلة حتى زوجج مايقدر عليهم

الله يعينج قلبي

حبيبتي شايفينج كل ما تروحين لهم يقطون عليج حجي وما تردين عليهم

قالوا خلنزيد الجيلة عليها

نصيحة أخت لا تزورين كل أسبوع

روحي أسبوع واختفي أسبوع

وإذا استمروا خلي زوارتج يوم بالشهر

وإذا قالج ليش ما تزورين

قولي له مابي أخسرك من كثر ما أتشكى من أهلك

انت مو قادر تاخذ حقي من لسنهم الطويلة

وآنا ماني جليلة لسان بس مابي أحطك بموقف مو حلو ,اعطيهم مجال يقولون حرمتك لسانها طويل

ولا قليلة أدب

وتبين الصج مقيولة ( لا تكثر الدوس تراهم يملونك ) !!!!!!!!!!!!!

حبيبتي مادام معاج القمر مالج ومال النجوم

انتي قمتي باصل ووجبتي وقدرتي وحاولتي تكسبين الناس بس اهم موكفوا جنه مثلج وشرواج

ومادام مو قادره تردين عليهم وتوقفينهم عند حدهم ورلج موقادر يسكتهم وياخذ حقج منهم

فانتي رايتج بيضه لانهم اغلطوا عليج وانتي ساكت لهم انتي احترمتيهم واهم مااحترموج انتي قدرتيهم واهم لا ماقدروج

خلاص اقطعي عنهم ولاتروحين لهم خير شر لانج مومرغوبه عندهم ليش تروحين وتهينين نفسج

خلي اعيالج يروحون مع ابوهم ويشوفونهم بس انتي لا لاتعبين نفسيتج وتحرين نفسج وتبجين عشانهم واهم مادر وا عنج

خليهم يفقدونج ويسالون ليش قطعتي عنهم

الله يهدي لج ؤيلج واعيالج ويسخرهم لج ويصلحهم

بنات في حموله هذا الحل معاهم لان الطيب مانفع والبنت حاولت بس الناس مايبونها فلا تنصحوووووونها تذل نفسها لهم