|
|
بنات
اختى متزوجه من كم شهر ومن فترة شهر تشكى على تقول انها بوقت الجماع ماتقدر تقول انحسر بشكل غريب وتقول
ولا اقدر اتحمل معنها تكون رايحه الحمام عزكم الله
والله مادرى شلون راح اقولكم بس انتم افهموها العمليه ماتم بالكامل بسبب العوار
وانا كنت اقولها انتى دلوعه مافيج شى وتحن تبينى اوديها الطبيب
والله كسرت قلبى توها عاروس تستحى من زوجها
راحت حق دكتوة امراض نسا بالعرف
قالت انتى فيج شى غريب وتروح وتنادى دكتوره ثانيه
وبعد الفحص لازم اندخلج العمليات انسوى تنظيف انتى فيج شى مايخلى الماى والفرزات تنزل
والمسكينه تبجى متخرعه
وحجزة بكره عند دكتوره عاليه
منو تعرف او احد مر عليها نفس هالحاله انا اول مره اسمع عن هالشغله
كانت دورتها تنزل طبيعية ؟؟
يعني ينزل عليها تكرمين الدم بشكل طبيعي ؟؟؟
ثاني شي
خل تروح لأكثر من دكتورة شاطرة ومعروفة
لا يدخلونها العمليات ويلعبون فيها
اليتامى
الله يشافيها مسكينه انشالله ماعليها الا العافيه
شوفو اكثر من دكتور شاطر بعد يمكن موشي جايد
لا تحاتين مدام هي بيد الدكااتره خل تتوكل علي الله أول
انشاءالله راح ادعيلها
ماحبيت اطلع من دوون رد
لأني قارية من فترة بالنت عن حالة تكون فيها فتحة المهبل اما مسكرة بالكامل وابهالحالة ما تنزل الدورة ويتيمع الدم بالرحم
واسمها ( التحام المهبل )
او
تكون فتحة المهبل فتحة بسيطة
فتنزل الدورة بشكل خفيف ،، وصغر فتحة المهبل يمنع خروج الأفرازات وتتيمع داخل ( مثل ما قلتي ان بسوون لها تنظيف من الإفرازات ) وتسبب التهابات نسائية والتهابات بالبول ،، ويكون الجماع صعب ومؤلم
وتكون العملية عن طريق تخدير موضعي احيانا
حتى يتم شق او زيادة فتح ،، فتحة المهبل ويكون حجمها طبيعي
وتنزل الأفرازات بشكل طبيعي
بالأعمار الصغيرة وايد يعطونهم كريم فيه هرمون الأستروجين اهو اللي يقوم بالمهمة بدال العملية ،، والأعمار الكبيرة يحتاجون للعملية
عشان جذي سألتج عن الدورة
وانشالله ما تشوف شر
والله والله حاسة فيها المسكينة .. الله يعينهااا ادري اكيد نفسيتها تحت الصفر
بس انا الحمدلله هالحالة راحت من نفسها ..مارحت حق دكتورة ولا شي لان كنت وقتها حيييل مشغولة ما كان عندي وقت
يمكن ظليت شهر على هالحالة.. بس الحمدلله ..راحت الحسرة بوقت الجماع ..
بس اللي اذكره كنت ادور بالنت عن هالحالة وقريت من منتدى طبي ان هالحالة طبيعية وتصير حق بعض الحريم لفترة معينة
مو هاذي الدكتورة اللي خرعت اختج المسكينة.. خليها تروح حق كذا دكتورة احسن عشان تريح بالها
وماكوو الا كل خير ان شاء الله , وطمنينا عليها هاا
موفقين ,,
اختج الزهر
خليها تروح لكذا دكتوره ويفضل تكون استشاريه
سلامتها
بس ياريت ماتستعجل على العمليه خليوها اشوي
والله يشفيها يارب
شكلج عنزية
من كلامج حسيت جذي
اللة يشافي اختج يارب يمكن توسوس هية
روحي لليتامى او اي دكتوره متخصصه