منو فيكم يابنات لوسمحتوا جربت حبوب سيبوتيرم 15حارقة الدهون

——————————————————————————–

السلام عليكم
شلونكم بنات تري هذي اول مشاركه لي وارجو ان تتقبلوني صديقة لكم بس بسأل عن هذي الحبوب حبوب سيبوتيرم 15 في احد مجربهم واللي مجربهم ياليت يعلمنا بنتايجها فادته ولا لأ وهل لها مضار وشكثر ضعفتوا عليها وهل هي موجوده في صيدليات الكويت او العطارين ادري طولت عليكم بس والله مافي رجيم ماجربته وعرس اخر اخواني بعد اربع اشهر ودي يكون جسمي ملكان طبعا عشم ابليس بالجنه لأن وزني الحين 139 وطولي 161 الله يعافيكم يابنات اللي جربته تفيدني وتفيد بنات المنتدي وتقبلوا مروري

أنا جربت هالحبوب أكثر من روعه ويضعف ويسد الشهية لان يعمل على تحفيز خلايا المخ لسد الشهية وتسريع عمليات الايض وحرق الدهون فيخليج دايما عطشانه

انا كنت استخدم السيبوترم 10 اول علبه ماسوى معي شي ومن نص العلبه الثانيه ومع استخدام شاي الرشاقه
لان السبيوترم يسبب امساك الله يعزكم ولازم تشربين مويه وتشربين شي يلين بطنك
المهم بدا بهالطريقه يجيب مفعول معي ونقصت عليه 15 كيلو في شهرين كنت فرحانه مره صرت وحده ثانيه
ورجعلي جمال الاول
بس رحت اتميلح وطمعت اني اخسر زياده وسويت رجيم فيه نسكافيه تشربينه كذا كوب في اليوم

الله لا يعيده ذاك الرجيم
سوالي تسرع في القلب وصار قلبي يوجعني ويدي اليسرى
ورحت المستشفى وسولي تخطيط وحاله
المهم قالي الدكتور وقفيه وعطاني حبوب لتنظيم ضربات القلب ومنعني اخذ اي شي فيه كافيين
استمريت على هالحال شهرين وطبت الحمدلله و نحفت فيهم 5 كيلو وصرت عصله مصله
يقولون خواتي كن جاي احد ومنسمك ههههههههه

المشكله تركت نفسي ولا حافظت على النتيجه تعرفون الوحده ان ضاق صدرها او اكتئبت تحط حرتها في الاكل
ورجعت كل الكيلوات كيلو ورى كيلو الله يصلحني

صراحة السيبوترم كويس بس مشكلته يسوي تسرع في القلب
واذا تركتيه ترجعين تسمنين بسرعه
انا الان اسوي رجيم دشتي واقول ان شاء الله يبيلي بس 15 كيلو واصير سمبتيك
ادعولي الله يخلصني منهم

اشكر لكم مروركم عزيزاتي ومن وين مشترينه خواتي من الصيدليه وموجود بالكويت ولا لأ اللي اعرفه انه من مصر

انا جبتها من مصر
وفي بنات يبيعونها في المنتديات

انا استخدمتها ونزلت تقريبا كيلو برمضان مع اني كنت اكل وهذا الحلو فيها ان تاكلين وما تزيدين
اختي استخدمتهم ونزلت عليهم يمكن 7 او 8 كيلو وليلحين نستخدمها وانا مسويه معاها رجيم
احنا نجيبها من مصر وهني بصراحه نهيبه سمعت انه في عطار كل شغله من مصر يبيعها ب 20 واحنا نجيبها ب دينارين
فا شوفيلج احد يجيبلج من مصر والله لو قايله من زمان جان وصيتلج وببلاش بعد بس المشكله رفيجتي اليوم توصل
ايه وشوفي بنات المنتدى يبيعون واسعارهم حلوه احسن من هالمصري ينصب علينا ب 20..عاد قلنا فايده دينار دينارين مو 18 دينار فايده

انا استخدمتهم ولا استفدت عليهم وكل جسم يختلف عن الثاني

وبالتوفيق ان شاء الله

شكرا علي مروركم وردكم علي موضوعي خواتي اللي تعرف ارقام العضوات اللي يبيعون هذي الحبوب بشتريهم تدليني وبدعيلها كل مانزلت كيلو ودمتم لنا

الله يخليكم بنات اللي تعرف من اييب هل الحبوب لاني محتاجتهم ضروري

دشي هالموضوع ان شاء الله يفيدج
https://q8yat.net/showthread.php?t=19…%ED%E3&page=17
مادري جذي صح والا لأ انا نسخته لج

اختي شرتهم من وحده بالمنتدى حبيت اجربها خذيت حبه وحده منها صج تسد الشهية بس خلتني انام ساعةواقعد 5ساعات وارد انام ساعةواقعد 5ساعات يعني تسهرج وفوق هذا حسيت بنبضات قلبي حييل وخفت
واي بعد احس دايمن ابي اشرب ماي
بس انا برد استخدمها يعني قدرت اتحمل ريداكتيل القوي ماقدر علا هذي

الف شكر اختي عوووود ومسك جاري الطلب

حياج الله يا بعدعمري
قوليلنا شيصير معاج وان شاء الله توصلين للوزن اللي تبينه

ان شاالله عود ومسك ابلغكم اني ضعفت