منو غازه ابره الظهر تدخل بليز ساعدوني

بنات اشلونكم؟ السؤال حق الي غازه ابره الظهر،، حاشها عوار ظهر بعدين ولا لا؟؟؟؟ انا غازه ابره ظهر والحين صايرلي جم يوم ظهري يعورني حيل ومو قادره انام عدل من العوار،،، انا غازتها من سنتين ،،، بليييز قولولي يعني هالشي عادي؟؟ انا الدكتور قالي راح يحوشني عوار ظهر بس خفيف يروح مع المسكن بس انا الي حايشني عواار حيل

حبيبتي انا ماقط جربتها
لن شالله البنات يفيدونج وتبين نصيحتي روحي حق الدكتور نفسه راجعي حالتج

احسن واضمن سواء قالو لج انها تعور او لا
مافي شي احسن من النتايج اللي بتطلع لج بالمستشفى عقب الفحص

هلا حبوبة
انا نفسج بس بعد الاربعين يحوشني عوار خفيف وخذيت مسكن والحمدلله

حبيبتي انا نفسج صارلي سنتين
وبين فتره والثانيه احس بألم بمكان غزة الابره
والحين حامل ولا افكر اطلبها بالولاده

انا غازتها قبل 5 سنوات والحين ظهري يعورني وآخذ كورس علاج

انا ليلحين ظهري يعورني وصداع
هالشي بيكون معانا طول العمر عوار هالظهر بس خفيف

انا خذيتها! قبل سنة و نص و قبل 3 شهور بديت احس بنقزة بعضلات ظهري من الخصر لي الغزيزو. الاسبوع الي طاف كنت بفحص اشعة و حللت حمل احتياط و طلعت حامل فا ماكملت الفحص. بس الابرة ماني ماخذتها هالمرة . مع الطلق الصناعي بغيت اموت ماجني حاطتها. و هم اول ماركبوها حطوها غلط و التيوب طلع فيه دم و فقاقيع و حسيت قلبي من القعة بيطلع من مكانه و رنة بأذوني. جان اتيي جرّاحة ركض و تشلعها و تركبلي وحدة ثانية! مع العلم ولادتي كانت بأحسن مستشفيات أمريكا. الله ستر

بصراحه انا ماافكر فيها كلش بس مايندرى والله لا يحدنا عليها مع انه في ناس تمدحها بس مابيها يكفي عوار الظهر بالحمل يخليج ماتنامين عدل بعد يقعد عوار طول الوقت

انااخذتها و لاني ولدت قيصريه فماحسيت بعوار ظهري كله عالجرح الي جدام