|
|
السلام بنات بسألكم عن البنك الدولي
الدوام شلون يكون من الساعه جم لي جم ؟
والمعاش حق الدبلوم بنوك منو يعرف
انا كنت اعرف وحده توظفت مناك .. دوامها جنه لي 3ونص الادارة كانت .. ومعاشها 350 وماعندها غير الثانوية
اللي اعرفه ان الدولي فترة التدريب عندهم 3 اشهر تتدربين بالافرع ومعاشهم 350 أساسي و 389 دعم عمالة هاذا بالنسبة للدبلوم ومع دواام العصر يزيد 100 وشي تقريبا على حسب الساعات الي تداومينها
ودوامهم بالرئيسي لين 3 والأفرع دوامين من 8 لين الوحدة والعصر من 5 لين السبع وعلى فكرة دواام العصر اجباري
وأتمنى أكوون أفدتج
الدوام من الساعة 8 لي الساعة 3 العصر
ومعاش الدبلوم 400 دينار + تأمين صحي + تذاكر سفر أو بدل تذاكر سفر إذا ما تبين تسافرين
+ لج نسبة أسهم وأرباح تنزل شهرياً تقريباً 20 دينار كل شهر و 440 آخر السنة يعني يطلعج بونص فوق معاشج 470 دينار
انا موظفه سابقه دبلوم تأمين
وحتى اهما ماياخذون عالتخصصات! عندنا بنات هندسه، وجرافيك ديزاين وغيره اللي ماله شغل بالبنوك
ياخذون عالشهاده .. دبلوم او بكالريوس بس! ومايبيلها واسطه وعباله كلش
انا راتبي الاساسي كان ابنك بوبيان 460 ودعم العماله 389
قدمت عالوطني هم نفس الشي بس الاساسي كان 400
ودوام انتي وحظج لاتفكرين انج بتقعدين بفرع ثابت، لا طبعا، راح تحوشج تنقلات
يعني الافرع السكنيه دوامج بيصير من 8 ونص لي الساعه 3 العصر
بس التواجد قبل الساعه 8 ونص لان الساعه 8 ونص يفتحون البوابه حق العملاء
والافرع التجاريه من الساعه 9 الصبح لي الساعه 1 ودوام عصر من الساعه 5 لي الساعه 7
وماله شغل دوره مادوره الدراسات المصرفيه شكوو! لول
دورتج تكون بالبنك اللي انتي مقدمه عليه ، دورتي مع بوبيان كانت شهر واعتبرها دوره فاشله لان للحين الموظف ماتمكن
ودورة الوطني رائعه 6 اشهر
الدوره تكون عباره عن كلاسات "محاضرات" طبعا تروحين الرئيسي
ويعلمونج كل شي من الصفر وخدماتج وشتسوين ويعلمونج بالدوره عالسيستم وشلون تستعملينه
بعدين يوزعونج عالفرع وتباشرين شغل وبس
وفترة التدريب من الساعه 7 ونص الصبح لي الساعه 3 العصر، ومرات يطلعونكم امبجر
والتدريب كله يكون بالرئيسي .. داخل مع الموظفين والادارات .. بس اكو قسم للتدريب
واللي يدربونكم، ناس لها سلطه بالبنك يعني واصله وكبيره او انهم اييبوون ناس خبراء بانكرز من برا
وعلى فكره ترا التدريب يدفعون حق كل موظف مبلغ حق اللي بيتدرب، يعني انا لما قدمت استقالتي
قالو لي حراام عليج احنا دافعين كل شي لج وماكملتي ويانا وايد اخير شي صدمتيني مع انه شغلج زين لول حرام اكسرو خاطري
بس والله طلعت من الظروف اللي حاشتني .. والله كريم ان شاءالله خيره لي ، والله يوفقكم كلكم 