منو عندها عيال بالمدارس الحكومية ؟ علمونا عن آخر التطورات

السلام عليكم ورحمة الله وبركاته

خبري بالمدارس الحكومية من سنين .. آخر واحد عندنا كان بمدرسة حكومية أخوي الصغير واهو الحين ما شاء الله ريال

بعرف شلون مدارسنا الحين ؟ خبري فيها اتينن والدراسة كانت من قلب ونطلع فاهمين بكل المواد .. عكس الحين بالخاص مو فالحين إلا بالانجليزي

شخبار روضاتنا ؟ يسوى نرجع لهم عقب ما جربنا الخاص ولا على قولتهم حط فلوسك بالشمس واقعد بالظلال ؟

ترى أتكلم جد مو لاقية أحد يودي عياله مدرسة حكومية أستفسر منه خصوصاً الروضة أبي أعرف شلون نظامهم واهتمامهم ونظافتهم ؟

ماعندي فكرة لاني مو كويتيه

بس برفع الموضوع لعيونج

نورتي حبيبتي الجود ومشكووورة على الرفع

اخر التطورات الحمد الله عيالنا يدرسون بالمدرسه الحكومه والحمد الله
اما الروضه ما نصحج فيها انا ولدي عمره 5 سنين مدخلته حضانه لان روضه الحكومه كلا ابلتهم يزفون خرعو ولد قبل كل يوم يبجي ما يبي يروح اما الحين الحمد الله ويوم الجمعه يقعد يبجي ليش ما وديتيني الحضانه
اما المدارس زوينه بس يبيلها متابعه منج وانا حاط عيالي في القاعده المطوره العصر والحمد الله ماشيين

مشكورة حبيبتي حروف

ليش يزفون الأبلات !!! شفيهم الله يهداهم
وشنو يعني القاعدة المطورة ؟

الحضانة خاصة صح ؟ الحكومة عندهم حضانات ولا سيده الروضة ؟؟ نسيت