منو عندها احد بالحضانه بلييييز تدخل تساعدني

ما انصح تخلينها عند الخدامة حتى اخوها سجليه معاها
انا سجلت ولدي بالحضانة لاني ما اثق باي خدامة
و علشان يتعلم بنفس الوقت و اريحلي بال

يعطيج العافيه

وينكم بنات ليش ماتردوووووووووون

هلا فيج اختي بصراااااحه قلبج علي قلبي انا نفس الحاله عندي انا مدرسه وودي ادخل بنتي حضانه ماودي اخليها عند الخدامه وعقب ماتشجعت سمعت حجي من الناس ان بنتي صغيره معنها سنه وتسع شهور ويقولون لي نطري لين تصير ثلاث سنين حتى ابوها ضيق خلقي بسالفة تظلمينها وتخربين نومتها واللي يدخلون عيالهم ماعندهم احد بالبيت على قولته بس انا بصراحه سمعت من رفيجاتي لتن كلهم مدخلين بناتهم وعيالهم حضانات يقولون صج ان اولها بجي وشقا بس الجهال راح يتعودون ويستيفدون لان ماشالله بناتهم الحين صج مستفيدات من الحضانه وانا بنظري احسن من القعده عند الخدامه بس يبيلها صبر وقوة ارادة واليوم قررت بأذن الله اني اسجلها بحاضنه بس عساني الاقي مكان لها وحجز والله المستعان توكلي على الله ودخلي بنيتج احسن من مجابل هالخدامات اللي مافيهم رحمه وعسالله يوفقني ويوفقج ويستر على بناتنا

انا ساكنه بيت حولتي و خالتي الله يحفظها موجوده
وحماتي تقط عيالها اثنين عند خالتي و حماي عنده بنت همن تكون موجوده الصبح

بس دخلت ولدي حضانه من كمل السنتين لانه:
اول شي مابيه يقعد مع الخدم تخيلي جم خدامه بالبيت وكلهم مجابلين اليهال
ثاني شي مابيه يأذي خالتي كافي عليها عيال حماتي وبنت حماي
ثالث شي ابيه يتعلم شي مفيد بدل مجابل التلفزيون و طقني واطقك مع اليهال
رابع شي واهو المهم تتنظم نومت اليهال يعني ينام مبجر بالليل ويقوم الصبح (يعني بلليل اقدر اسوي اللي ابيه لانه نايم ما احاتيه)

بدون تردد دخليها الحضانة خصوصًا اذا اخترتي الحضانة الزينة والمناسبة لها واااايد احسن من قعدة الياهل بالبيت ومجابل الخدم والتلفزيون

ااب

رفع
رفع

نفس حالتي بشرك بنتي بس قلبي يعورني عليها
احس بقعدها من الصبح لاحقه علي قعدة الصبح

نصيحة الحضانة وايد مفيدة توكلي على الله بس لازم تجتارين الحضانة الصح

بالعكس احسن لها الحضانه تتعلم وتستفيد انا ناويه ادخل بنتى

السلام
انا توني مدخله ولدي حضانه
بالعكس ولدي حده مستانس و الحضانه اتهبل
و في يهال اصغار مستانسين
اليهال الصغار يبجون اول اسبوع و بعدين يتعودون
و بعدين والله احسن من الخدم بذمتج الخدامه شنو اتعلمها
عموما انتي حاولي في ريلج يمكن يرضا

انا دخلت ولدي الحضانة من عمره سنة و نص .. صج آول الايام كان يبجي وعور قلبي .. حتى كنت آروح المعهد ابجي عند البنآت لووووووول ..

بس بعد فترة عآآآآدي الوضع .. تعود وكآن يستانس .. بما انه عايلتنآ مآفيها يهال وآيد وقليل يشوفهم .. فـ يحب يروح عساس يلعب مع اليهال بعمره ..

وبالعكس مافيها شي اذا قعدتيه الصبح .. بدال لا يتعلمون عالربادة .. خليهم من اهم صغار يقومون من الصبح نشيطين ..

آلحين ولدي اسم الله عليه بالروضة .. ومخليته بـ نفس حضانته .. وآآيد مرتآح ..

آهم شي نفسية العاملات هنآك و يكونون بشوشين و يحبون اليهال والادارة تكون ممتأزة ..

ولدي تعلم وآيد شغلات ما شاء الله عليه الله يحفظه كل من يشوفه يقول عنه .. فطين .. و ذكي .. فـ نصيحه دخليها بدووون اي تردد ..

واذا كنتي بالقرين .. مآكو على بيبي آكاديمي والله لا دعاية ولا شي .. بس أفضل حضانه ولدي مرتاح معاهم ..

ولا تحاتين شي علميها من الحين عشان لي راحت الروضة لا تتعبين معاها .. صيآح وبجي و لوووية ..

انا مدخلت ثنتينهم الحضانة

لا انا ماخربت نومتهم اهم يقعدون الصبح السعة 8 جذي مافرقت ساعة ولا ساعتين

بس السبب الرئيسي اني مراح اامن بالخدم لأنه اللي فاتت كانت اتطق بناتي خصوصا الصغيرة

عندهم خادمة بس ماقمت اامن معني الحين مخليتهم ليين اتدوام ام الروضة الاحد فا ادخلهم مع بعض

التعليم بعد زين و المشاركة و الانشطة همن اللعب مع اطفال بعمرها هذا وايد زين لها وينمي لغتها و اسلوبها و اتعلم كل شي

حبيبتي من صجج اتخلين اليهال مع الخدامه بروحهم لا تامنين على عيالج مع الخدم وبالعكس الحضانه احسن لها وتهيأها لمرحله رياض الاطفال توكلي على الله ودخليها الحضانه بس اختاري حضانه زينه