منو سوت قيصرية وشالت الشحوم والبطن نفس الوقت؟ دشي فيدينا بليز

بناات شلوونكم انشالله بخير مع الحمال والنسات والتعب

بنات انا ولدت بنتي الاولى قيصرية بس للاسف محد قالي ان كان ممكن بنفس العملية يكشطوون الشحووم ويشدون بطني والحين انا حامل ومابي استبق الامور لان جنيني تعبان وكنت انزف ويقولونلي النزيف من البيبي احتمال فيه شي وانا تحت رحمة ربي نمت فترة بالمستشفى وسويت ربط بس ظل النزيف وضغطي هبوط حاد يوصل 70 على 30 زين ما اموت وانا مادري توه قسته 80 على 40

واخر سونار قالولي المشيمة مفصولة شوي عن الرحم يعني كل شوي تطلعلي شغلة وانا توني يمكن بدش اول اسبوع من الرابع فمن جذي مابي افكر بالولادة بس قلت يالله خل اسال واذا الله تمم علي عالاقل اشيل بطني وشحومه

السؤال منو سوت هالعملية؟ وشنو مدى خطورتها نبي تفاصيل بليز والله قعد اشوف ماشالله الكل قعد يضعف مع هالعمليات بس انا امووت خووف من البنج العام ومن العمليات اخاف انام وما اقوم انا من اسبوع جذي او اكثر شوي سوولي ربط رحم بنج عام مت خرعة وتقولي بعد وقت اللي نفتح الربط بدون بنج شلوون؟؟ ياريت اللي مسوية ربط تقولي شلون فتحوه وقت الولادة ويعور ولا لا ؟

عاد انا سوته ثاني يوم بغت تفتحه بسبب النزيف اللي ما وقف بس الله كريم ادعولي لان الله اعلم بحالي وانا الحين ملزومة انام شهر بالفراش بدون حركة ليما موعدي الياي

الله يشافيج ويكون بعونج ….

الله يشافيج بس ماعندى فكره

الله يثبته يارب و يقر عينج بشوفته

آب لعيونج وان شالله تقومين بالسلامه يا رب ..

بعد عمري ماقصرتوا

لله يشافيج بس ماعندي علم

انا سؤلت دكتوري يقولي ما انصحج بنفس الوقت لان الرحم يكون كبير و العمليه ما تضبط بس ممكن يسوي شد 3 سنتي هم حلوين .. و الله يتمم عليج بحق محمد وال محمد يارب

ربى يثبت ضنااج ويفرحج بشوفته يارب العالمين..
حبيبتى اذكر الدكتور قالى انه هالشغله ماتصير الا باخر عمليه قيصريه..
لانها تعبر شغله تجميليه ..فنصحنى انى باخر عمليه اسويها .

الله يثبت بيبيج يارب و يحققلج اللي تتمنينه

ماعندي فكره

بس انا ودي اعرف بعد

سمعت بهالشي بس ما اعرف احد سواها

الله يكون بعونج ويقومج بالسلامة

اهم شيء السلامه والعافيه والا الكرش والشد مقدوووور عليه اله يتمم عليج بالصحه والعافيه يا قلبي

الله يتمم عليج يارب ويثبته لج ويشفيج ويشفيه

انا معاها لان حتى انا سالت دكتوري وقال نفس الكلام