|
|
شخباركم بنات …..
طرى على بالى هذا الموضوع اليوم فقلت تشاركونى….
اشلون سميتى عيالك …
كنت متفقه انت وريلك ؟؟؟
ولا انت اللى سميتى ولا هو؟؟
ولا خالتك ولا عمك؟؟
ولا صار فيه خلاف؟؟
يعنى صار في تدخلات واذا فيه جم المده اللى قعدها الطفل من غير اسم؟؟؟؟؟؟؟؟
الثانى ولد قالى ريلى لا انا اللى اسمى وسمى ….
الثالث انا وياه اتفقنا على اسم وصار…..
الرابع هنا المشكله تدخلت خالتى وإلا تسمون على يا معوده اسمك قديم وما يصير ووووو وصارت زعله وقعدت البنت اسبوعين من غير اسم…..
انا كنت ابى اسم وهى تبى اسمها زوجى قال محد له شغل انا اللى بسمى وفعلا سماها بس هم خذا راي…..
بعد ما تدخل مجلس الامن والامم المتحده….
انا عن نفسي اول ياهل سميته على عمي ابو ريلي بالاتفاق
والثاني سميته على ابوي بالاتفاق بعد
والثالث سماه ريلي بمزاجه وبدكتاتوريه وبدون ما اشارك بالموضوع لاننا متفقين من الاول اذا اولاد اهو يسمي واذا بنات انا اسمي وللحين ما ياني الدور اسمي احد
كان يقول انتي تختارين الاسم بس شرط يعجبني …
بس احنا متفقين ان الاسامي كلها سواء اولاد او بنات بيننا بالاتفاق محد يتدخل ..
لأنه كان يبي يسمي اول ولد على ابوه ..
ومع احترامي الشديد بس الاسم واااااااااااااااااايد دارج عندهم ومنتشربشكل فضيع …
وانا ابي اسم مميز ..
وعلشان لحد يزعل … اتفقنا ان نسمي غلى كيفنا بدون محد يتدخل …
انا ويا ريلي ننياز
اختي البجر يدتي ام امي سمتهاااا……
اخووي ابوووي سمااهااا…….
انااا مجلس الشوورى سووو تصفيه لاسم لين طوره وسموووني………
اختي ابووي سماهااا على يدته…
اختي الاخيره خاالي سماهااا لان كااانت امي حسبالهااا ولد واول مره امي بتسمي
يتههها بنت و هي مختااره اسم صبي……
انا اول 2 عمي الي سماهم
والحمدالله راضيه ومقتنعه يستاهل وله الحق يسمي عيال ولده
والثالث ان شاءالله زوجي بيسميه هم يستاهل بو عيالي
وبس خلاص 
بس بعرف ليش الاهل خاصه العم والخاله يعطون نفسهم الحق بالتسميه شنه امر مسلم فيه…..
عبالهم شروا المره وبطنها اللى تشيل فيه…..
الحين اشوه على ايام امى لو فيها خير تتكلم وتقول ما ابى …
هو سمى اخوانى الاربعه اللى قبلى بس امى سمت وحده وانا هو اللى سمانى بس وبعدها مات ……. عاد اى وابوى لعبوا لعب بالاسامى …
ماعليه عيال ولده مافيها شي اذا سماهم يمون
بنت بلدها ميخالف يسمى واحد مو الكل ….. بس دام انك مقتنعه اهم شى والاسم حلو ميخالف
بس الحجى اذا طلع الاسم بايخ ويفشل…..
شنسوي اذا بترضين ريلج لازم ترضين بالامر الواقع
كليت قلب ريلي لين خلاني اسمي بنتي ….
اقوله انا احمل واتعب واولد وغيري يسمي ؟؟؟؟؟
قهرررررررررررر
بس العدل حلو يعنى انا اسمى مره وهو مره والباقى ممكن يعطون اقتراحات وبس……
انشالله اتييبين الولد الثاني وتسمينه على المرحوم بس ها خل يطلع يشابهه