منو جرَب البرتش كونسل ؟؟

هاااي كويتيااات

بنات احد فيكم سجل عند البرتش كونسل وجرب دوراتهم ملوت الآيلتز ؟

هل استفدتوا منهم والا دورات مركز اللغات بالجامعه أفضل منهم ؟؟

انا يهمني المضمون اكثر من سعر الدروه او مدتها ؟؟ شلون نظام دوراتهم

انا اخوي سجل عندهم بس ما كمل لأن لغى بعثته فما اقدر استفيد من تجربته ..

اللي يعرف فتره التسجيل او طريقته يقولنا عن التواريخ؟

ولكم المآيك ..

ليش اخوج لغى البعثة ووين كانت ؟؟؟؟؟؟؟؟؟؟؟؟؟؟؟؟؟؟؟؟؟؟؟

لغاها العام مو هالسنه

يعني بـ 2024

وكانت حق ايرلندا

عندج فكره عن البرتش كونسل جربتيهم من قبل ؟؟

لأن خبري اللي المبتعثين لااازم يسجلون ؟؟

مستواهم وايد زين بس ما راخ تبين عليج نتيج الا بعد ثاني او ثالث دوره

باجر الخميس أخر يوم تسجل

سعر الدوره مع الكتب يوصل 220

تــــــــــــــــــو سجلـــت عندهـــــم تعاااملهـــم حيل حلـــو وكل الستاف بريطااانين
بس ابلش بدراااسة هالاحد

<<<<أدعووولي استفيــــــد إنشــاء اللـــــه

شنو تقصدين ماراح يبين الا 2 او 3 دوره …

يعني الواحد ماراح يستفيد من اول مره ؟؟ أجل ليش نرد نسجل مره ثانيه عندهم دام ماكو فايده ؟؟

بس انا وايد سامعه وقاريه مدح عنه …. اخاف قصدج من ثاني كلاس او محاضره ؟

زين عيل بلغيني بالتفاصيل أول بـ أول ما عليج أمر .. والله يوفقج انشالله وتستفيدين منهم حبيبتي

الحمدلله لقيت احد هناك لأني عجزت اسأل محد يعرف ..

ونه خفوق

شنو نوع دورتج بالضبط ؟؟؟؟؟

ايلتز والا تقوين انجليزيتج ؟

أنا الحين مسجلة ..
صح تعاملهم عادي زين ..
و الحمدلله المدرس طلع بريطاني مو أحد هندي ..
و المدرس زين حليو ..
بس حسيت حطوني بمستوى أقل من مستواي ..
لي الحين ما خذيت شي يديد ..
مادري هي مراجعه .. و لا هم يتعمدون ينزلون مستواج عشان تراجعين شوي بعدين تدخلين مستواج الفعلي ..
ولا السالفة مادية مادري ..

هم سوولي امتحان مستوى .. كان سهل ما عدا الكلمات ..
ما عرفت الكلمات حيل صعبيين ما مروا علي ..
أحس هالكلمات هي اللي نزلت درجتي ..
ولا القواعد و القراءة سهل ..

آنا بعد ودي أقوي الكونفرزيشن عندي

مع العلم إن آنا تخصصي أدب إنجليزي

بس ودي أقوي جانب الكونفرزيشن شوي

قاعدة أدور على معهد زين وأبي الستاف مالهم يكون أجنبي

سألت عن دورات الجامعة قالولي البنات إنها عادية

ياليت أحد يفيدنا

بصراحه انا الحين مشتركه اول مره واحس اني قاعده استفيد منه
وبصراحه عن تجربه في الكورس الاول جربت دورات الجامعه وييييييع مو حلوه كلش وما استفدت منها
والبريتش كاونسل ماعليه كلام الكل يمدحه
اشتركي فيه حبيبتي وانتي مغمضه عينج

انا جربته قبل سنتين وكان عمري 15
وعلى ماظن اللي معاي بين ال12 و 15 سنه
يعني اللي معاي كلهم يهال كانو لوول
كنت بقوي اللغه مستواي وايد ضعيف .. بس للامانه احس ماستفدت وايد :s
جنه كانت مده الدوره 3 اسابيع كان يبيلي اكثر وسوو لنا خصم حق الدوره اليايه بس ماسجلت

دانه + عيون الحب

شكرا حبايبي عالرد

معروووووووووووووف اي معهد مهما كان زين مو من اول مستوى يبين عليج التحسن او التحسن بدرجة كبيره

لازم على الأقل دورتين ورا بعض لا تتوقعين أنه دوره وحده راح تخليج بلبل

أنا سجلت دورتين و كنت زينه بالإنجليزي قبل لا أسجل و صرت أحسن بس بعد يبيلي 3 دورات عشان النتيجة إلي تعجبني