|
|
سلام بنات
انا تعبت من ادوية الطبيب لارتجاع المريء
صارلي سنه ونص اعاني معاناة حقيقيه ما اقدر اكل ولا اقدر انام
وانا خوافه من كل شي واخاف اجرب شي مو مجرب
سمعت بمطحون قشر الرمان
في احد مجربه ؟؟
وهو رمان عادي ما يخوف
بس شلون طريقته ؟
يعني القشر كله ايبسه واطحنه ولا بس اللب الي داخل ؟
ياريت تفيدوني
اول شي الرمان مفيد باكله وعصره او انك تاخذين قشور الرمان وتجففينهم كم يوم وعقب تطحنينهم وكل يوم تحطين كفشة علي الحليب او لهمه على الريج لانه مفيد جدا للمعده والمري
فعلا مفيد و ابوي كان يعاني من هالحاله و الحمدلله خفت وايد
الطريقه .. تجففين قشر و شحم الرمان بالشمس
بعدها تطحنينه و تشخلينه وهو ناشف … تاخذين البودر
و ترجعين تطحنين اللي ترسب بالمشخال .. ليما يصير عندج كميه من البودر
الطريقه :
تاخذين علبة زجاج و تحطين فيها عسل اصلي 100% لازم اصلي و يكون افضل الانواع
و تحطين عليه من البودر مال قشر الرمان و تخلطينه بالعلبه و تخلينه
كل يوم عالريج تاخذين منه ملعقه كبيره
و هم قبل النوم
بالنسبه لكميه العسل و كميه البودر .. عادي بالنضر .. ضيفي البودر عالعسل لغاية ماتصير عندج شبه عجينه مايكون العسل سايح
و ماتشوفين شر
وقشر الرمان مفيد لقرحة المعده والله يشافيك
فيه دكتوره مصريه بمستشفى العرف عالجت وحده نفس حالتج وتشافت
اصلا علاجج يبيله وقت
عليج بالروب
جزاكم الله خير مشاركه طيبه ومفيدة