منو جربت د.ابراهيم العرادي

السلام عليكم يا صباايا ودي اعرف منو جربت الدكتور ابراهيم العرادي او تعرفه اهو زين ولا لأ
لأني ودي اسوي زراعة شعر عنده بس خايفة
ودي اعرف اذا في احد سوا زراعة عنده او عند غيره وانجحت او فشلت ياريت تشاركونا بتجاربكم او تجارب الي تعرفونهم بليييييييييييييييييييييييييييييييييز ساعدوني

انا راجعته كم مرة بس كان عندي انخفاض مخزون الفيراتين بالجسم لهذا السبب ما استفدت — سمعت وحده زارعه عنده تمدح شغله انا ما اعرفها شخصيا حتى اجيب معلومات لكن سمعت ان حتى الشعر الي نقلوه وزرعوه مرة ثانية مكانه طلع شعر ثاني واذا احد عنده معلومات يفيدج اكثر

شاكرتلج اختي ام منصور على مرورج وياريت احصل تفاعل ويساعدوني البنات

لا ماعرفه
اعرف وحده سوت عند دكتور فرنسي زائر ابمستشفى السلام بس كانت تحس بحكة وعوار ولما راجعت دكتور قطينه قالها انه طريقه العملية حدها قديمة معنها سوتها من سنتين ودكتور فرنسي مفروض انه من احسن دكاتره العالم
قطينة اتوقع طريقته سهله وبسيطه بس اهوا اسعاره وايد اغلى من غيره علما اعتقد … وهم ماعرف احد مسوي عنده

لايكون هالدكتور بمركز احمد السعد بالصباااح

عطيني رقم عيااته ضروري

اهوا دكتور جلديه صح؟

اهلين اختي ام فروحة اي اهو بمركز اسعد الحمد ومركز الخليج الدولي الطبي ليش انتي تعرفينه او سامعه فيه اهوا زين ولا لأ؟والرقم5666999 واختي دكتورة المستقبل انشالله تشرفت بمرورج وهذه اللي تقولين عنها سوت عند قطينه شتقول عنه؟ انجحت معاها ولا لأ

اى هذا دكتور واجد يمدحونه وانا ودي اسوي تنظيف بشره عنده

ودايم ادق علي البداله ادور عياادته

الله يجزااج خير حبيبتي

والله انا اراجع عند الدكتور مشعل الغريب وياه بالعياده بس ايييييينن الدكتور وماشاء الله فاهم
بس الدكتور ابراهيم مادري عنه والله بس اتوقع ان دامه رفيجه يعني زين =)

حسب ما اعرف إنه دكتور شاطر وفاهم وقبل سنتين تقريبا طلع من الأوائل الخمسين على مستوى العالم ببحث قدمه بمؤتمر أوربي

ثانكيو خواتي على مروركم الجميل

انصح باي مركز الا مركز الخليج اسعار غاليه وجربتالغريب والعارده واثنينهم ماشفت ماعاهم نتيجه لحب الشباب واخرتها العرادي يعطيني رتين a ويقولي احم احم ترى هذا خوش دوا والله الشرهه موعليهم على الغبيه ايل راحت لهم

والله آنا أمس رحت له وااله خوش دكتور هادي آنا أرتاح حق دكتور هادي ويرتب أفكارة وباله طويل ومستعد يسمع لأن في دكاترة من كثر اللويه تنسين اللي تبين تقولينه والله تكلمت عن كذا شغله عطاني كريمات أجربها إنشالله وأقولكم النتيجة

انا بنت خالتي تمدحه سوت ابر ميزو حق شعرها وطلع لها بيبي هير…بس حبيت اسال اشرايكم بعيادة اوباجي منو جربها يا ترى ؟؟؟

اب اب اب عفيه فيدونا الي مجربه عنده