منو جربت تنام بالكمام 6 ساعات متواصلة ؟

مرحبا بناااات شلوونكم..؟
سؤالي حبيت أعرف منو جربت أنها تنام مدة متواصلة وطويلة والكمام عليها ..
وعادي مايأثر .لأن انا طلق صناعي ويتعب وعوار لمدة طويييلة وماينفتح الرحم يعني عذاب بعذاب

شدعوة بنات عفية ردوا علي بسرررررعة..؟؟؟

والله ما اعرف

الله يسهل عليج و يقومج بالسلامه

مادري ٦ ساعات تنام بالكمام قويه شوي انتي لازم اتحسين عيل شلون تشدين مع الدكتور وانا ماأأيد الكمام القوي لازم تصيرين واعيه وتشوفين شنو الي يدور حولج

ما انصحج لان البيبي بعدين بيخدر ومايساعد نفسه بانه يدفع

انا مجربه الكمام مده طويله بالطلق الصناعي وللاسف تعبت وتعبت البيبي معاي وطولت

اذا تطولين اخذي ابرة ظهر احسن لج وللبيبي

صح اذا تطولين اخذي ابره ظهر انا الكمام اقل من 4 ساعات واتعب حييييييييييييييييل

حبيبتي انزين ليش تروحين المستشفى مبجر .. انطري على عمرج .. وحاولي تشتغلين في البيت اكرفي عمرج وامشي على تراب راح ينفتح معاج الرحم ان شاء الله والطلق الصناعي شر لابد منه بس على الاقل يكون الرحم مفتوح اهون من انه مسكر

انا عن نفسي جربت الكمام اربع ساعات تقريبا من 3 ونص الفجر لين 8 وانا بس شفط فيه .. وكنت اغط وانا اشفط الكمام واخليه علي ما اقطه .. بس حزه الولاده عادي كنت ادفع معاهم بس احس بدوخه شوي..

الله يقومك بسلامة

تفاءلوا بالخير تجدوه .. ان شاءالله تجيج الولادة سهلة ويفتح الرحم وياج

من غير طلق صناعي ولاهم يحزنون .. وان احتجتي للصناعي تفاءلي ان

الرحم بسررررعة راح يستجيب وينفتح من غير مشاكل .. الله يقومج بالسلامة ان شاءالله

ولاتنسييييييييييييين تصدقي أول ماتدخلين ولادة أو وصي زوجج يتصدق عنج ..

انا مع البنات اللي قالوا ابرة ظهر وترى انا جربتها حلوووه

والله يهون عليج ويسهل لج ولادتج يااااارب