|
|
شلونكم بنات ؟
بغيت اسال منو جربت تلبس ضروسها سيراميك ؟ شلون ارتاحت عليهم حست انه تغير حلجها يعني برز او شي جذي تضايقت منهم ولا عادي وشلون الطريقه يعورون بالتلبيس ؟ يحتاج يطق الطبيب ابره بنج ولا شلون الوضع وهل لهم عنايه خاصه ولا عادي مثل باجي الاسنان ؟
بليز لاطنشوني 
هلا ومرحبا بخير الله يسلمج
بغيت اسال منو جربت تلبس ضروسها سيراميك ؟
انا ياحياتي لبست ظروسي الاربع الاماميات بورسلين
شلون ارتاحت عليهم ؟
يعني موحيل ارتحت
حست انه تغير حلجها يعني برز او شي جذي ؟
لاولله الحمد ماتغير ولا برز وصارت ضحكتي احلى
تضايقت منهم ولا عادي ؟
اي والله احيانا اتضايق منهم بس لما كنت اتذكر منظر اظروسي قبل اتحمل
وشلون الطريقه يعورون بالتلبيس ؟
الطريقه
اولا" شالو العصب
ثانيا" انحتو الظروس خلوهم ضعاااف
ثالثا" بعدين ياخذون ليج قياسات الاسنان بعجينه حاره وساخنه
رابعا" يحطولج اسنان مؤقته حدها اضحك مثل اسنان عليان بطاش ما طاش لمده 5ايام ومن الفشله كنت
ما افصخ نقابي بس تحملت عشان الكشخه
خامسا" وبعد 5 ايام من النفسيه التعبانه لبسو اسناني يالبورسلين
يحتاج يطق الطبيب ابره بنج ولا شلون الوضع ؟
من صجج اكيد نحتاج ابره بنج .. تدرين جم ابره في كل زياره…………….
لا تنصدمين 8 او تسع ابر تذبح شويه عليهم لدرجه اني اغمى علي من الخووووف لاني اخف من الابر
وهل لهم عنايه خاصه ولا عادي مثل باجي الاسنان ؟
اي عطوني جل بطعم الفراوله ادهن فيه اللثه لمخ اسبوعين
مع غسول مثل البنج يريحج من العوار
وتمنى اكون افدتج