منو جربت ابر الميزوثورابي لدهون والتشققات ؟؟

السلام عليكم

اول شي انا جديده معاكم وهذي اول مشاركه لي

والحين بسالكم عن الميزوثورابي لعلاج التشققات واذابه الدهون ؟؟

منو جربتها وعند اي دكتور ؟؟ وبكم الجلسه وكم جلسه احتاجت؟؟

وسمعت انه يعور صج هالكلام ؟؟

مايصير يعطونها مخدر للالم ؟

ومشكورين

والله آنا رحت لعيادة اوباجي بسويهم بس لما شافني الدكتور قال لازم تنزلين كل الوزن الزايد وبعدين اتطقين الابر لأن اذا طقيتيهم وانتي فيج زيادة بالوزن الدهون اللي تروح مثلا من البطن تتيمع في مكان ثاني فيه دهون مثل الظهر والارداف

يعني لازم تكونين رشيقة بس عندج مشكلة بمكان معين

وآنا رفيجتي سوتهم للزنود في عيادة العلي وسعر الابرة ب50 وتعور ويتم مكانها مزورق 3 ال 4 ايام

للرفع

شوفي ..

نتيجتها حلوة في الوقت الحالي ..بس مايندرى عن مضاعفاتها بعدين ..

رفيجتي سوت لبطنها …عواار وهم كبر بطنها عقب الابرة …بس بعدين >>النتيجة حلوة ..

والله ما عندي خبر انشاء الله يفيدونج البنات

والله انا سويتهم بس ما احس انهم انفعوني

السلام عليكم ورحمة الله وبركاته بصراحه أنا جربتهم عند مستشفى دار الشفاء وسعر الابره 30 دينار بس ما كملت لأن الميزانيه ما تسمح لأن الدكتور كان يعطيني 3 أبر كل اسبوعين للبطن والخصر وبالنسبه للعوار يتم تقريبا لمدة يومين ووقت الابر يخدر البطن بكمادات الثلج بس يبيله ميزانيه وعزيمة وبالتوفيق

عاد شفتي نتيجه لما سواهم لج بدار الشفا..؟ وكل ابره ب30 ولا الثلاث ابر ب30..؟

مرحبا أول شيء أنا ما كملت الجلسات لأني ب 3 جلسات كنت أروح كل شهر والدكتور كان يبيني أروح له كل اسبوعين بس عموما ب 3 جلسات كان في فرق بالسنتيمتر والابره الوحده ب 30

تجربتي .
جربتهم باوباجي
ابدار الشفا
بالسلام
والنتيجه…ولا شي
اكثر من دكتور بره قالي الميزوثيربي ماتصلح للتخسيس قالي عن نوع ثاني
ومره ابقناة دريم طلع دكتور مصري وهم قال نفس الكلام
وقال اسم الابره هايبو بس مادري شنو باجيها

انا جربت الابر عند الدكتوره قنال الصايغ وانصححج نصيييحة ترى هالابر خواااره وبس يمون يمصوون الفلووس منا مصص والله ماسوولي شي بالعكس رهلوو بطني .. نصيحة حبيبتي قطيت تسعمية دينار لو مسوية تجميل ابرك

مشكورييييييييين
بس انا ابيهم للتشققات مو تخسيييس
حييييل التشققات مضايقتني و مادري شسوي لها خص ان الدكتور قالي مالها علاج غير هالابر

إنفعوا حق زنود رفيجتج؟وسوستهم عند أي دكتور؟

بنااااااااااااااااات كل وحده تقول تجربتها بدون ماتعمون بالنتيجه يعني انا جربت الابر هذي عند دكتوره روسيه اسمها ريما بمركز الخليج الطبي وكنت توني والده وعندي ترهل وتشققات وبعدين سويت رجين وصار جسمي كله مترهل ومو متناسق
وسويت الابر هذي والله العظيم ب 7 جلسات بس فررررررررررررررق واضح صج صج صج ينحتون الجسن وسعر الجلسه حق البطن والارداف ب 50 واول شي عطتني جلستين حق الجسم كله وبعدها خمس جلسات حق بطني واردافي والله للحين كل الي يشوفني يسالني وانا صارلي 4 شهور مسويتهم وماردت الدهن والتشققات لهم ابر نوع ثاني نفس السعر بس والله نتيجه اهرتني ماشاالله وابهرت الكل كل الناس يسالون شنو مسويه وصارت عندي ثقه مثل قبل بس هاااااا
اول شي لازم تكونين مسويه رجيم ويكون جسمج مترهل عشان ياخذون نتيجه وثاني شي لازم بوقتها ماتبلعيييييييييييين وتاكلين وجبات وتقولين ماكو فايده اكيد الشحم يروح مني وتردينه مني
ترا وقت قزة الابره يعور صج وتورم بطنج لثاني يوووم ويصير مكان القزه ازرق يعني جنه احد طاقج بس بعدها الصراحه النتيجه تستاااااهل يعني صج ماشاالله الله يتمم علي ههههههههههههههه
وجلسة الجسم كامله ب 80 دينار يعني والله رخيييص مقارنه مع النتايج………..

ومشكووووورين
صج يبيلج ميزانيه عالخفيف بس تسواااااااااااااااا الابره تقزينها كل 5 ايام بالضبط

باااااااااااااااااااي