|
|
السلام عليكم
بنات انا حابه اسوي فحص شامل لهرموناتي لان انا عندي حب شباب وتصبغات في البشره ومهما عالجت وسويت ما تروح و صار فيني بعد حفر بالوجه و قبل سنتين سويت فحص هرمون الذكوره طلع فيني عالي و طنشت ما عالجت و الحبن ندمانه لاني ما تعالجت اول باول فابي اسوي فحص شامل للهرمونات و ابي اعرف اذا الحكومة يسووون فحص شامل لكل الهرمونات او بعضهم لان انا هم طلع فيني تكيس مبايض و الدورة بس تنزل لي 3 او 4 ايام فانا اتوقع في خلل بكذا هرمون مو بس بهرمون الذكوره ممكن تذكرون لي شلون اسوي فحص شامل للهرمونات
انا سويت تحاليل هرمونات شاااملة و فحوصات و كل شي تتخيلينة متعلق بالهرمونات و امراض النساء فحصته بالحكومة
انا بالنسبة حق بطاقتي رحت مركز العبدالمغني في الفيحاء و قلتلهم ابي اسوي تحاليل وكل شي
و ماشاء الله مرو علي دكتورات كويتيات وايد زينين و بعضهم يشتغل بالخاص
و الحلو ان ببلاش
بس اعتقد لازم تحويل من المستوصف
و التحاليل مو كلهم بيوم واحد كل تحليل له وقت
و هم النتايج ماتطلع بسرعه يبيلها اسبوع و جذي
و بعدين مو كل ما تروحين نفس الدكتورة
انتي و حظج
بس انا طلعولي زينين الحمدلله
و نفس التحالييل بالخاص يمكن توصل ٢٠٠
و عالجي هرموناتج انا كنت نفسج و عالجت علطول عند دكتورة لطيفة الدويسان بالخاص و ٦ شهور مافيني شيً الحمدلله
ويسووون لج تحاليل الهرمونات بس تاخذ وقت تقريبا اسبوعين او ثلاث
لان اهو سبب التكيس
عموماً
تسوين الفحوصات ثاني يوم دوره لان اهوا اضبط شي
تروحين الطبيب وتطلبين كل تحاليل الهرمونات
و تروحين المستشفى وتسوينها ما تطوّل تآخذ اسبوع تقريباً
انا سويتها بحكومه وبخاص
الخاص كلفت علي 28 او 30 ، سويها بمختبرات مو بمستشفى خاص
وماتشوفين شر
في تحاليل تسوينها ثاني يوم الدوره وفي تحليل يوم ٢١ من الدورة
الله يشفيج يارب