منو تعرف ثانوية الرتقة بفهد الاحمد؟؟؟

اهلين حبيبتي :

المدرسة زينه من ناحية الادارة والابلات وصغيرة بعد

والناظرة احتمال تنقل هالسنة

بس أي قسم تبين عشان افيدج اكثر

السلام عليكم اختي

ومنورة القسم
حبيت افيدج ولو اني ما احب اخوض في سالفة الادارات والمدارس والراي والخ الخ الخ
لان ناتدرين وين الصج فاللي صايرلها موقف زين بترفع لج من شان المدرسة والعكس صحيح ومافي لا مصداقية ولا حيادية

لكن كل اللي اعرفه او بالاخص اعرفه عن هالمدرسة انها واااااايد زينه والكل يمدح فيها وخاصة المديرة

حسب مانقل لي ان الكل مستغرب لبش المدرسات يكتبون نقل لهذي المدرسة وما يبون يطلعون منها طبعاهالسالفة من مصدر رفيع المستوى

بالاضافة الى ان المديرة في قمة الذوق والرقي وما قط سالت مدرسة فيها عن هالمدرسة الا احس انهم الود ودهم يقولون فيها اشعار وقصايد

فاذا انت بتعيينين او تنتقلين للمدرسة هذي فاقولج توكلي على الله وانت امغضة ولاتحاتينشي وعلى ضمانتي وادعيلي بالدعاء الصالح في هذي الايام الفضيلة

اخر شي احب اشكر مديرة ثانوية الرتقة واقولها عساج عالقوة وفي موازين اعمالج

واشلون قسم الاحياء والجيولوجيا ؟

حسافة والله توني ادري منج انها بتبتقل لان حسب ما اعرفه ان المديرة بيتهم تقريبا بمحافظة ثانية غير الاحمدي

وحسافة عليها ليش انها وايد راقية وزينه علشان جذي بتنتقل

الله يوفقها وين ماتروح والناس اللي من هالنوع يزينون المكان اللي يروحون له

خووش مدرسه تهبللللللللللللللل

بنات بليز بغيت اسال عن مدرسة اليسرة في فهد الاحمد ماتدرون تبي تنقل اووو لااا

اختي تشتغل هناك تقول انتقلي وانتي مغمضه

فعلا الناظرة تبي تنتقل بس في اخبار ان بتييهم ناظرة زينه

اما قسم الاحياء اختي تقولج يا بختج فيهم خووووووووش قسم ماشالله عليهم

المدرسه مريحه مافيها شغل والفصول قليله

لاااااااااااااااااااااا لاتقولون بتنتقل عففففففففففففية

كككككككككككككح كح !!!
منو اللي بتنقل من مدرسة اليسرة ؟؟ وضحي سؤالك …

الناظرة الادارة احد يبي يروح يوسع شوي

المدرسة ممتازة والحمد لله ..

والادارة حلوة والوكيلات ممتازين والكل هناك متعاون وفي حالهم ..

بس المديرة انتقلت

عسى الله يوفقها وين ماترووووووووووووووووووح وياهناهم حولي فيهاااااااااااااااااااااااااا

الاستاذة نشمية الضمير ذوق واحترام مافي مثلها .. وماعندها تفرقه وتعامل الكل بأدب وباحترام ..

ودي اقول فيها قصيدة .. بس ماعرف

وقسم الاحياء .. كل اللي فيه ممتازين وذوق .. ورئيسه قسمهم حدهاااااااااااااااااااا ذوق

اب اب

انا طالبه بالرتقه
ضيقتو خلقي ليش الناظره بتنتقل !!
الناظره زينه وحبوبه وماتناشب البنات ابدااااا < هذا اهم شي
بس مادري عن علاقتها مع الابلات شلون
بس بالنهايه الناظره زينه ..
ولاااايحوشك الوكيله .. جد جد الوكيله محد بلعها لا من ابلات ولا من طالبااااات
حاطه عالطالبات بشكل موطبيعي ومتحيزه حيل
اهي العام يت مدرستنا عفستنا فوق حدر
بس احتمال هالسنه تنتقل .. اذا انتقلت حياكم الله
اذا ما اتنقلت ما انصحكم لانها حيل صاكه عالبنات ومناشبتهم