منو بنته او ولده البجر بيدش الروضة؟

السلام عليكم شلونكم عساكم دوم بخير وصحه وعافيه

انا عندي بنوته وحده الله يخليها لي ويخليلكم عيالكم وانشالله بدش الروضه وصراحه ماعندي احد قًيب عند عيال بالروضه فودي اللي تدش تفيدنا شنوالاساسيات الي المفروض نجهزها لعيالنا و شلون نميزهم بين زملاءهم بالروضه

وييييييييييييي شكله الجميع نايم استعداد للدوام ”’

انا بعد نفسج الله يخليهم لنا

الاساسيات للروضه اللي اعرفها
قص ولصق والوان ودفتر مربعات وكراسه وهالخرابيط اللي تطلبها الابله وبعد صدريه طويله للعب في الرمل عشان ماتتوسخ ملابسهم واما لبس ارلياضه راح يحددون يوم للرياضه واللي اعرفه شورت وقميص وجوتي رياضه
واما لجنطة الاكل في روضات مايرضون ييبون جنطاهم لان حرام في وجبات لليهال

أول شي أهم الأساسيات نظافة البنت وترتيبها .
البنت من أول يوم لاخير يوم لازم تكون مرتبة ومعطرة ملابسها نظيفة حتي الأبله راح تحبها .
لان في أمات الله يهداهم ما يهتمون بناتهم سوري على الكلمة بس حتي اشكالهم ما تفتح النفس على طول قاطتها على الخدامة توديها تجيبها الخدامة أو السايق حتي المدرسات يستاسون لو الأم تأخذ بنتها حتي البنت تستانس لأن أمها بتخذها .
وهذي نصايحي القليله ,إن شاء الله أكون افدتكم لو بالقليل.

أحلي ماكن لنفانيف الروضة أخذيلها من المنتهي إلي بالأيوب لأن أحلي خام .
والشبصات والكلبسات أحلي شي من الفلبينيات إلي بالنقرا .

انا نفس الحال بنتي بكري بتدخل الروضه
و متشوقه حيل اني اشتريلها اهدوم الروضة
و ضاق خلقي لمن عرفت ان مافي جناط حاطة عيني على جنطه عجييييبه و كتكوتة
بليز بنات ساعدونا من وين شترون نفانيف الروضه يكونون قصات حلوه و غريبة

انا بنتي بلشت اهيأها حق جو الروضه و اقولها ان في يهال يبجون لا تخخافين اهما عبالهم ان امهم قطتهم ما تبي تاخذهم
من هالنوع

حبيبتي انا اداريه بالروضة

1- اول يوم دوام يلبسون لبس الروضة

2- الروضة توفر لهم وجبات للفرصة الاولى والثانية

3-اول اسبوع الدوام خرابيط يجيون اي وقت ويطلعون اي وقت عشان يحبون الروضة

4- الاسبوع الثاني الالتزام بمواعيد الروضة

5-كل ابله اما تاخذ مبلغ معين منهم تشتري الاغراض (قصه مقص صدرية الوان كلينكس ومعجون وفرشه

او تطلب من وليه الامر بورقة مطبوعه بالطلبات
كل ادارة روضه تختلف عن الاخرى

6-اول يوم الروضة تسوي استقبال حلو لليهال

7- يوزعون علي الاطفال ورقه بها مواعيد الدوام وطلبات لبس الرياضة

بس ليش تحبين تميزين بنتج عن الاخرين

خليج طبيعية

برايي التميز يصير بفاعليه البنت او الولد وحسن تربيته

تصير واضحه بالروضة

هناك اطفال يعرفون يسلمون
ويقولون شكرا وعفوا
ولو سمحتي

وهناك اطفال 24 يبجون

فوفو

يعطييج العافييه
انا بنتي البجر بتدش الروضه
والحمدالله كل يوم اشجعهآآ عاد ان شاء الله تتأقلم

واااااااااي فوفو حبيتج كل كلامج احسه يبرد قلبي
ماشالله عليج عندج رد حق كل سؤال
يارب يوفقج ويسعدج
ودي اصير مثلج بس فرررررررررررررررق ههههههههههههههههه
الله يكملج بعقلج يااااااارب

وعلا موضوع الروضة فديته ولدي بيروح احس مستااااااااااااااااااانسة له
توني اقول حق ريلي اني مستااااااااانسة له ودي اروح معاه كل يوم جنّه انا اللي بداوم مو اهو ههههههههههه
يارب يبلّغنا فيهم ويفرحّنا ويحميهم ويوفقهم ويرفعون روسنا قولو آمين

انا ولدي بيروح الروضه شريتله 8 بدل من الايوب واي حدهم يشوقووووون
وقصيت شعره قصه حلوه
وشريت له جوتي تكرمون من كلاركس و2 من النصر
ملابس داخليه يديده
دلاقات بيض
عطر يديد لوول ولا بيناشب ابوه بعطوراته
وانا مدخلته حضانه قبل يعني اهو متشوق عالسكول على قولته طبعا دخللته روضه حكومه
وخذيتله جنطة سبونج بوب يحبه ومعاها مطارتها حق اول اسبوع
وناطره المدرسه على احر من الجمر لاني انا دوام وريلي دوام واخليه عند امي بس مابيه ياذيها ماشالله عليه حرررركي
وبالنسبه للدوام الخرابيط
انا ماعندي خرابيط لووووووول وايد حازمه بالدوام احبه يداوم من اول ساعه الى اخر ساعه
وطبعا حدي احاتي منو اييبه من المدرسه لان دوامي وريلي بالضاحيه وروضته بسلوى
كنت معتمده على سايق خالي بس راح مارد
والله يكتب اللي فيه الخير

انا بنتي بعد هالسنه بالروضه الله يحفظها وخايفه عليها

لانها متعلقه فيني شويه ومااعرف احد هالسنه معها

وماجهزت لها شي افكر اروح السوق هاليومين

بس اخذت لها شوزات وانتن بكرامه من قبل العيد

الله يعيني على جلسة الصبح الان بس حسيت اني صرت ام

بنات متى دوام الروضة بالضبط….؟

الله يوفق عيالكم وعيالنا بروضاتهم وانشالله هالسنة ماكو بجي