منهج سادس وسابع الجديد

السلام عليكم ورحمة الله وبركاته
مبارك عليكم الشهر وعساكم من عواده
جزاكم الله خير في احد عنده نبذة عن منهج سادس وسابع تربية اسلامية ( الجديد ) والمواضيع اللي يتضمنها ؟

وعليكم السلام يا أم يوسف
المنهج الجديد في هالرابط
https://forum.moalem.net/forumdisplay.php?f=53

إن شاء الله أكون ساعدتك بشي ومبارك عليك الشهر

الله يستر مايكون غير
انا عربي

السلام عليكم ام يوسف
اذا المنهج جديد لازم يعطونا نبذة قبل نهاية الكورس
او يسوون دورة حقنا ونعرف

احنا قالونا قبل نهاية العام00وعطونا نسخ منه بفلاشات000من الموجهه000000ونفس نظام ثاني ابتداشئ000

مفسم وكل درس من كل قسم000بحاول انزلة لكم000

الموجهة من جم اسبوع كلمتها

قاتلي هالسنه بيغيرون منهج رابعه وخامسه

سابع وسادس السنه اليايه

الاسلاميه بيغيرون سابع وسادس

عاد حسافه حافظتهم

حبيبتي مااشتغل الرابط

إذا ما اشتغل إدخلي من قوقل على الساحة الحوارية من ثم المواد الادبية وهناك راح تلقين كل شي عن التربية الاسلامية وحتى المنهج الجديد

جزاك الله ألف خير يا أختي ويجعله في ميزان حسناتك
اختك : أم يوسف المزيون

أنا أشوف إن المنهج الجديـــد
أحســـــن من المنهج القديم
المنهج القديــم المواضيع والمعلومات مكررة بشكل كبير وفظيع وممل
حتى وانتي تشرحين ماتدرين شتقولين حتى البنات يتخربطون
لأن المعلومات متشابهة حيييييييييل

صج المنهج الجديد شوي تحسين دسم
بس واااضح ونقاط مرتبة تساعدج حتى بالشرح

والله يوفق الجميع

مرحبا يا معلماتي العزيزات
شرايكم في المنهج الجديد
انا بالصراحة ما عندي الكتاب بس اطلعت عليه من النت
شكله حلو بس دسم من قلب الله يعينا عليه في ظل انفلونزا الخنازير

هلا بنات الاسلامية
انا خذيت سادس وسابع المنهج اليديد اسلامية
ضروري نتساعد بالتحضير والله يعيننا
انا شفت كتاب سادس روعة الصراحة ومنوع يونس
بس سابع بعدي ما شفته شكله ما وصل

خلو سوالفنا احسن بالتجمع مالنا

هلا بنات الاسلامية
في وحدة معانا جابت سيديات من السنافر الواحد بخمس دنانير في كل درس التحضير مع بور بوينت صج متعوب عليه