منهج العلوم الجديد

حسبي الله على اللي سوى منهج العلوم الجديد المعلومات اللي فية صعبه حيل على البنات ثالثة إبتدائي ندرسهم عن الأحافير ووظيفة الدماغ من صجهم هذول تبي تغيرون المنهج غيروه بس ابدو بأولى ابتدائي وبالتدريج بعدين ثانية وبعدها ثالثة وهكذا مو أولى وثانية وثالثة مرة وحدة شنو هذا ما فية تخطيط الظاهر اللي سواه كان نايم ما شاف كتب العلوم القديمه ………..

انا من شفت ان اول حصة لاولى ابتدائي عن الكائنات الحية و الاشياء غير الحية وانا غاسلة ايدي
واشلون البنات بيدامون واحنا يا المعلمات مو عارفين طريقة التحضير و توزيع المنهح؟؟؟
صج وزارة ………..

أنا أشوفه منهج حلو متطور يواكب التطور اللي أحنا فيه عيل منهج قبل معلومات سخيفة الياهل يعرفها من قبل ما يبين جهد المعلم في توصيلها فالمعلم اللي يشتغل واللي ما يشتغل واحد ! أحن بنضحك على عقول عيالنا عيالنا اللي أربع وعشرين ساعة عالكمبيوتر يبيلهم منهج شذيه شوفوا كتب المدارس الخاصة هذي خطوة مهمة بالتعليم لازم كل معلم يدعمها لأنها قبل ما تكون بمصلحة الطلاب أهي بمصلحة عيالك فلازم نتكاتف ونتناقش أشلون أنوظف المعلومات الجديدة وبطرق التعليم الجديدة هذي و ظيفتنا

زين أبدو بأولى بعدين المراحل الثانيه وبعدين ليش من العام ما عطونا دورات بتدريس المنهج الجديد بدال ما أحنا قاعدين اخر السنه لا شغل ولا مشغله شلون بندرس البنات.

هالأسبوع فيه دورة لرئسة القسم ومعلمة معاها لشرح المنهج واللي سمعته بيكون تسلهل معانا بالتحضير ليمل نتدرب بس خلاص ماكو أوراق عمل لأنه فيه كتاب تدريبات وهذا حمل راح

بس لو يغيرون مناهج المتوسط

الصراحة في اشياء مالها داعي كلش

انا الحين بروح تاسع و احس المنهج مافي شي مهم

احسن من المناهج القديمة السخيفة كاااااااااااانت لوووووووووووووووووووووووووعه الحين في مادة علمية في معلووومات

لو تشوفين المدارس الاجنبية في الروضة يدرسووونهم دورة حياة النبات

المناهج الجديدة فيها صعوبة اشوي

والمفروض ناخذ دورات فيها قبل لا اندرسها موجذي على طول

والمفروض بعد يبدون باولى وكل سنه اتغير

المنهج حلو مناسب لتطور عكس الكتب القديمة اللي ركيييييييييكة بمعلوماتها

لكن الشئ اللي المفروض الوزارة الموقرة تسوية انها تعطي دورات للمعلمين قبل دوام الطلبة مو عقب ما يداومون بالله شندرسهم هالاسبوع وشلون على التحضير

شلوووووووووونكم مع المنهج اليديد

مالكم حس وينكم يا ابلات العلووووم

المنهج حلو جدا
بس المشكلة التحضير
ومن خلال الدورة اللي مرينا فيها
ما كان فيه ذاك التدريب على التحضير وما هو مطلوب من المعلم
واختلف كلام المجهين من قاعة لي قاعة
موجهنا قال
ان صفحة العلوم التكنولوجيا و الانشودة والمشاريع العلمية لها تحضير حصة
القاعة الثانية قالهم الموجه لا تحضرون للعلوم والتكنولوجيا
اذا الموجهين للحين مو متفقين على التحضر شلون احنا المعلمات
بس اتفقوا على نموذج ورقة التحضير
وتراها جاهزة من مركز البحوث التربوية وشعارهم عليها

الموجهين عمرهم ما اتفقوا على شي و كله ضايعين و يضيعونه معاهم

انا حاليا في اجازة مادري عن الاجتماع شي

بس سمعت انه التحضير راح يصير ورقة وحده شلون يعني نصورها و تنحط بملف ؟ انزين صج ما يبون اهداف وخرابيط نفس قبل ؟

انا معطيني 2 و3 احس متوهقة

الاخلاص وايد معطينج منهجين يدد

شتسوين بالتحضير احس لويه و صعب

شلون ندرس عيالنا بالصف الثالث؟