|
|
شلونكم امهات ؟؟؟
انا بنبط ..
بنفجر ..
بيصير فيني شي من منهج العربي اليديد ..
ابي اعرف اللي مألفين المنهج شلون يفكرون بالضبط ؟؟؟
بس يبون يقولون عدلنا المناهج .؟؟ للأسوأ ؟؟
على ايامنا مع حمد قلم كله حروف بسيطة وسهلة واول شي نتعلم الحروف ..
امي تقول بثانية ابتدائي نقرا الجريدة ..
الحين انا مدرسة بنات خامس ما يعرفون يقرون وعالمنهج اليديد الصراحة أتنبأ بمستقبل وااعد لعيالنا ..
الدرس الأول (أمل فراشة بيضاء) .. ماشي بلعناها ..
الدرس الثاني (إسراء فراشة ملونة) !!!!!
جم نوع للألف في الدرسين ؟؟ (همزة فوق .. همزة تحت .. همزة على السطر في نهاية الكلمة .. مد بالالف بدون همزة ) !!
بنتي قامت تمشي وتحط همزات بكل مكان مو فاهمة يعني شنو .. تقولي مو انتي تبين أكتب ألف هاذي ألف !! شقولها !!
الكارثة الثانية ..
الحركات .. جم نوع حركات يحفظووونهم اياه بدون ما يعرفون شنو هالحركة وشنو تسوي وشلون تأثر ع الكلمة ؟؟
(فتحة – ضمة – كسرة – تنوين – شدة – سكون ) !!!
ليييييييش ليييييييييييييييييييييييييش .؟؟
انا بنتي شاطرة اسمالله عليها وامأسستها بالحروف عدددل ..
الحين قامت تحفظ شكل الكلمة وانا عيزت عيزت وانا اصحح اماكن الهمزات والحركات ليش جذييي ؟
لا علموهم صوت الحرف .. ولا صوت الحركة (أشوه ان معلمينها بالروضة الحروف وانا مكملة عليهم جان علووووم )
بس جذي تعالو وحفظوه ؟؟
انا مو مدرسة عربي .. بس افهم يعني ..
وامي مدرسة عربي تقول شهذا ؟؟؟ا لاصل التدرج يعرفون الحروف يعرفون الحركات يتعلمون كلمات بسيطة يقدرون يتهجونها ويتعلمون صوت المدود .. مو من اولها جذي ..
واااي حده مرتفع ضغطي من المنهج ابي افضفض ..
صج ابي اعرف اللي مألفين المنهج شلووووون يفكروووون ؟؟
كل مالهم يصعبون المناهج بس ياليت على شي يسوى او تلاقين منو اللي يفهم ويشرح لعيالنا بطريقة حلوة وسهله إلا من رحم ربي.
الله يعيييينااا
بنتي الاسبوع الياي اداوم خنشوف شصير
والله يسهل دراااستهم
الله يكون في عوني
لازم نسوي موضوع حق تبادل المناقشات حق اولى ابتداي و نساعد بعضنا في دراسه عيالنا
اشرايكم يا امهات ؟؟؟
شكوووو أمل فراشه !!!!! خربطو اليهال. والكلمات صعبه عليهم مو عارف يكتب لا فراشه ولا بيضاء
كلمة اسراء بروحها فيها همزة تحت وهمزة على السطر ومد بدون همزة عيزت اشرح حق بنتي ماكو مو راضية تقتنع اقولها هاذي تحت لأن عليها كسرة تقولي شنو كسرة .. بالاخر قلتلها حفظيها مثل ما اهيه مو اهمه يبون جذي بس يحفظون وما يفهمون ؟؟
جرح ..
اشتكيتي ولا ما اشتكيتي ..
مستحييييييييييييييييييل يردون عن قراراتهم ××××××يطبقونها على عيالنا
والله ولدي بعد بصف اول
ويحفظ الكلمة مثل ما اهي
ومو فاهمين ليش
ربي يعينهم ويعينا على المنهج
انا بنتي اخذت السنه الي طافت كان تجريبي اما الحين صار هذا المنهج
المشكله يقلون ليش اليهال مايعرفون يقرون وهم اصلن ترتيب الحروف غلللللللط والله اول شي امل فراضه بيضاء اول شي الهمزه داشه عليهم عرض ثالث شي حرف الياااااااء << وين راح حرف الالف وين راح الباء اف شي لا يطاااااااق هذا السنه الي طافت اما هنسه بثانيه الله يستر عسى ماتيني جلطه من المنهج هذا
وفوق هذا كله لا قلتي صعب يقلون لج اعيال هلوقت ماكو شي صعب عليهم لانهم فاهمين وعارفين كل شي ماكو شي صعب عليهم والله حيره احترنا انتي ضربتيني على الوتر الحساس خليتيني اسولف واطلع الي ابجبدي
راح يتعب ومايحاول يفهم سهلو الموضوع واسترخوا وياهم طبيعي راح تتعبون في البداية بس ن شاء الله خير
شنو هذه بعقدون الاهل و اليهال
و الله تعبنا من هالمناهج جنه حلاو ولا قرقيعان
كل ما يه واحد غير هالمنهج
مو اهم شضارهم
كله على المدرسات – اللي عندها ضمير طبعا- ولا الامهات
هذا اولى ابتدائي عيل الباجي شنو
؟؟؟؟!!!!!؟؟؟؟؟؟!!!!!!؟؟؟؟؟؟
صاجه رفرف أول أذكر كنت بثانيه ابتدائي أقرا الجريده ..
وبالنسبه للمنهج ,, ماعندي أولى ابتدائي بس حسيت غريبه أمل فراشه وإسراء فراشه .. ,, الله يعينكم .. ويصلحهم .