مناشدة لأختي الصابرة المحتسبة

ألسلام عليكم أختي الصابرة المحتسبة جزاك الله على ماتقدمينة من خدمة للأخوات جعله الله في ميزان حسناتج أختي موضوعي بإختصار عندي بنتي عمرها 19 سنة عندها إعاقة ذهنيه من 7سنوات بدت تدهور حالتها وتأخرها الدراسي المهم فتحت ملف تعليمي عند المجلس الأعلى لكن للأسف ماحد نادانا لنا سنة من قدمنا الطلب ولاحياة لمن تنادي والبنت في البيت لها 7سنين تبي تروح للمدرسة تبي أخصائية نفسية تسمع لها ساعديني شنو أسوي ألحين

حبيبتي والله يارب تشافيها لج بالشهر الفضيل
وتعطيها الصحه والعافيه
ويفرح قلبج فيها
ويطمن قلبج ياحياتي
وان شاء الله الصابره ماتقصر والبنات بعد
الله يخليها لج لو اعرف اقولج
بس ماعرف
دشيت ادعي لها

الله يشفيهاا
رااحعي المجلس الاعلى اسالي واسالي اذا بتنطرين تراا بتقعدين سنيييييييييييين

الله يشافيها ومشرفتنا الغاليه ماتقصر ان شاء الله تفيدك

جزاكم الله خير على الرد وأنا بانتظار رد إختي الصابرة المحتسبة

وعليكم السلام

هلا بالغالية

عسى ربي ياجرج ويثبتج.

انتي رحتي التطوري والوراثة وخلصتي منهم؟

حطي بالج لازم تراجعينهم واتأكدين من ان اوراقج كاملة ومو ناقصة شي .

– اللجنه التعليمية ما اطول أكثر من 20 يوم.

عسى الله يشافيها ويصبر قلبج يااختي

جزاكم اللة كل خير على الدعاء الطيب ولكم مثله أختي الصابرة التعليمية اللي بالدور الخامس ما طلبت أوراق من التطوري بس الوراثة راجعناهم وسوينا فحوصات وإختبار ذكاء وكملنا ملف البنت وقالو خلاص احنا نتصل عليكم عشان موعد اللجنة لأن ألحين إجازة ماكو دكاترة وعليها لنا سنة ماحد دق علينا أذكر وحدة منهم قالتلي ترى حدها في التعليم 21سنه ما أدري شنو تقصد الله المستعان وهو خير الرازقين

الله يشاااااافيهاااااا ياااااارب ويمسح على قلبج بالصبر

هلا مشمشة

راجعيهم ولا تحاتين

وشوفي هالموضوع

– – && ماذا تعرفين عن الرعاية النهارية في الكويت&& (https://www.q8yat.net/showthread.php?t=608088)

السلام عليكم أختي الصابرة جزاك الله خير على الرابط بس عندي سؤال أنا تابعة لمنطقة العاصمة وين تكون الرعاية النهارية وهل أقدر ألحين أروح أشوف المكان وسجل بنتي؟

تقدرين تشوفين المكان وتزورينهم

فرع حولي

– العنوان : حولي – شارع القاهرة – خلف كلية الدراسات التجارية بنين
– الهاتف : 2631277 الفاكس : 2616492