مناري الحلوه كاسره خاطري

بسم الله الرحمن الرحيم

خواتي حبيباتي طبعن آنا أم يديده وبنتي من ولدتها وهي ترجع الحليب من بعد الرضعه ومرات وهي ترضع ترجعه وديتها كذا دكتور يقول عادي لأنها صغيره بعدها بس آنا تعبت تكسر خاطري حتى وزن مافيها
الحين دشت الشهر الرابع وبعدها بالوضع هذا تتوقعون يوقف الترجيع هذا .

زين هي تنام ما تقعد وقت رضعهتا يعني شفت بنت اختي تبجي اذا تبي رضعه بنتي كلش

يعني آنا أقعدها واشربها طبعن هذي شغله يديده عليها صار لها اسبوع تتوقعون عادي

وبعد شغله عادي تنام 5 ساعات بدون رضعه هي تشرب لحد الحين بس 3 أرقام مو عارفه ليش ما ترضا تكمل الرضعه شاكه فيها يمكن لحميه معاها مادري بوديها لطبيب يفحصها

ناطره ردودكم

هلا وغلا اختي ومبروك ماياج

اول شي عشان ترتاحين لاتقارنين بنتج باحد لانه كل ياهل يختلف عن الثاني

بالنسبه للترجيع في حليب للطفال خاص للارتجاع جربيه يمكن يفيد معاها

بعدين سبحان الله كل ياهل وشبعته في يهال لازم كل 3 ساعات وفي ياهال يطولون
انتي لاتخلينها كل 5 ساعات وايد كل 4 ساعات عطيها رضه لو تشرب كل ساع شويه
ترى اليهال الي كله يرجوع الافضل يشربون شويه شويه عشان تم في معدتهم افضل من رضعه كبيره
وماعليها شر ان شاء الله

لا حبيبتي مو قصدي أقارنها بأحد بس هي مسكينه كسرت خاطري قلت

يمكن أحد من عيالكم مثلها اسم الله عليهم

مشكوره على الرد الله يخلي لج الغالي

انا بنتي نفسها رضاعتها رقمين بس ومرات ثلاث
بس عشان الترجيع اخذيلها حليب التركيبه الكومفورت جربي ابتاميل كومفرت حلووو بنت عمي مستخدمته لبنتها دايما ترجع
ووزنها وديها دكتورها خل يشوف وزنها شلون يزيد اذا طبيعي او لا
انا الدكتور قالي يمكن مو حابه حليبها المره الجايه بيكتب لها واحد طعمه حلو

الترجيع هذا عادي يقول الدكتور مو انها مريضه اسم الله عليها

وآنا اشربها نان

مشكوره اختي