ممكن تجاوبوني على الاسئلة؟ ولكم مني دعوة بظهر الغيب

مرحبا جبايبي شلون الحمال معاكم؟
عندي جم سؤال اتمنى تجاوبوني عليهم ؟ تصرقعت من الحريم استغفرالله
1- صج اللي بطنها عربض فيها بنت؟ واللي بالطول ولد؟
2- وفي وحده بطنها عربض وفيها ولد واو يابت ولد؟
3- صج اللي تحلا فيها بنت؟ واللي تجكر ولد؟
4-صج اذاالبيبي بالسونار مسكرريوله بنت؟
5- واذا بالثالث قالولج بنت وكانت اختصاصي سونار يكون فعلا بنت بالاول؟
ابي تجاوبوني ولكم مني دعوه بظهر الغيب والله
مابي اطول عيلكم انا بس سونار واحد خذيتوقالت بنت والباقي قالوا مسكر ريوله وقلبي حاس ولد ادعوولي

انا مو حامل خلصت ههههههههههههه
بس كان الحمال ماشي الحال وله وحشه

1- صج اللي بطنها عربض فيها بنت؟ واللي بالطول ولد؟

شوفي صحيح بتجاربي في بنتي منفرشه بالعرض وولدي جنه كره في بطني
2- وفي وحده بطنها عربض وفيها ولد واو يابت ولد؟
اي وحده من اهلنا وكل من شافها قال لها السونار غلطان تقول لا قالوا شوفيه منفرش تقول ولد شفيكم
قالوا اي شفقانه على الولد وتتفائل ولد لووووووول حريم العيز واخرها يابت ولد وكسرت عينهم

3- صج اللي تحلا فيها بنت؟ واللي تجكر ولد؟
لاااااااااااا والف لاااااااااااااا ولدي خلاني ملكه جمال والشعر صار يسحب ولمعه . اما بنتي خلتني سيلانيه امشي
4-صج اذاالبيبي بالسونار مسكرريوله بنت؟
لا قلبي مو مقياس هذي وضعيات البيبي قلبي

5- واذا بالثالث قالولج بنت وكانت اختصاصي سونار يكون فعلا بنت بالاول؟
لا السونار يخطأ قلبي انا خطأ معاي وخطأ مع وحده من اهلنا

تبين نصيحتي روحي حق دكتوره اميره بهبهاني شاطره بالسونار
تعرف الياهل من عدد فقرات الظهر
والله يرزقج بالذريه الصالحه ويسهل ولادتج
وادعي لي الحمله اليايه باللى في بالي

والله مأأدري ,, بس خليهاا مفااجاه أأحسن لوو مومبين البيبي ,,~~}

ء

ماراح انسااااااااااااااااااااااااج انا بروح حق العمره باذن الله وبدعيلج بالحمال واللي تمنينه يارب يتحقق يارب ام عفاف الكويت عزيزه وعاليه انا متابعتج بصمت

الله يسهل علينا اجمعين حبيبتي
كل اللي قلتيه مو ضروري والحمال من مره للثانيه يختلف
كل اللي اعرفهم والبيبي مسكر ريوله يطلع ولد <<انا منهم مابين الا بالثامن
وشكثر اعرف بطونهم منفرشه ويجيبون صبيان
والخطا بالسونار وااارد
وانا اشين بالبنات والصبيان خخخخخخخخخخخ

حبيبتي كل الي قلتي صار معاي وطلع الحين فيني ولد

ماله شغل ولا بطني مدور ومسكر رجوله ومحلوه وكل حمالي بعيالي الصبيان جذي

ترا كله ماله شغل ولاعليج من حجي احد ترا كل حمله شكل وتفرق عن الثانيه

وهم قالو لي في ولدي الاخير بنت وجبت ولد الخطأ وااارد

مشكوره حبيبتيربي يسهل عليج اميييييييييييييييييين ماراح انسااااااااج من الدعاه

ماقصرتي ام زاكي طيب استشارية اللي قالت لج بنت وطلع ولد؟ لانه الحريم يقولون لي هذي استشاريه ولما قالت بنت وانتي بالثالث يعني بنت وعلى فكره انا الحين بالخامس بدخل السادس والبيبي مافي حركهوفي بنتي من الثالث او ماله علاقه؟

لا حبيبتي مو استشاريه بس صج الحركه لها دور لانه الولد يتحرك قبل البنت

بس يعتمد على الام متى تحس بحركه البيبي انا بعيالي احس فيهم بسرعه

يعني من الثالث او ثلاث شهور ونص احس فيهم بس ببنتي حسيت بحركتها من الرابع

وفي ناس يحملون بالولد ويحسون بحركتهم من الخامس او السادس يعني يعتمد على احساس الام ونشاط البيبي

هذي خرابيط الحريم مع احترامي لهم

انا كل شي فيني كان يقول ان فيني ولد ليييييي التاسع و الناس يشوفوني و يقولون ولد و انا فيني بنت و ساكته خخخخخخ
شكل بطني و نساتي و كل شي

و اذا الياهل مسكر ريوله مو شرط بنت لوووول عادي يكون ولد

الحين بحملي هذا كل شي متغير بس ماعرفت شنو من السونار

اعرف دكتوره عندها 4 بنات و تقول كل حمله غير عن الثانيه من ناحيه شكل البطن و النساة

كل اللى قلتيه صار معاى بس انى بالبنت جكرت وبالولد حلويت..

وربى يعطيج اللى بخاطرج بسلامه وعافيه يارب.

اللهم آمين .
أنا كنت دائما أسمع من أمي الكلام ده .
المهم هذا عطاء الله في كل الاحوال ولد من عند الله وعطاء من الله وبنت من عند الله وعطاء الله.
وفي كل الاحوال قولي الحمد لله على النعمة.
وربنا يعطيك ولد صالح.

هلا حبيبتي انه رفيحتي ما شالله اسمله عليهم عندها ثلاث بنات ثنتين بالعرض ووحده بالطول يعني مو شرط شكل البطن و هم وحده ثانيه عندها ثلاث بنات و الرابع الكل قالها ولد من شكل بطنها و يابت بنت و بالنسبه للحلاة انه كان على بالي جذي بس معاي وحده بالدوام مسكينه بحمالها شاااانت حبوب و بقع و تعب مسكينه كلنا توقعنا ولد بس يابت بنت و حماتي الله يسلمج لي اسبوعين من التاسع و الدكتور يقول لها جهزي بنت على مسؤوليتي و طلع ولد سبحان الله حتى الناس انقدو يقولون اهيا تدري و ما تبي اتعلم و تدرين كل شي كتبت الله و ربي يرزق بالطفل المعافي الي يقر عينج ياااارب و لا تنسين تدعين لي عفيه هههههه

شوفي حبيبتي انا عندي ثلاث بنات الله يحفضهم وكل حمله كانت مختلفه عن الثانيه بس شكل بطني هالمره غير كانه كره وصغير ونساتي كانت عذاب الله ياجرني عليها وهم قالولي بنت الله يعطيك ويعطيني اللي نتمنى

شلون الحمال معاكم؟

الحمدلله تمام ومابقى شي الله كريم الله يسهل علينا وعلى كل حامل وعلى وشك ولاده

1- صج اللي بطنها عربض فيها بنت؟ واللي بالطول ولد؟
مو شرط

2- وفي وحده بطنها عربض وفيها ولد واو يابت ولد؟
انا ببجري بطني خذا بالعرض وهم هالحمله بالعرض وفيني ولد

3- صج اللي تحلا فيها بنت؟ واللي تجكر ولد؟
هم مو شرط لان انا ببجري اجكريت حدي ويبت ولد وبهالحمله ما اجكريت مثل بجري يعني احسن وهم ولد

4-صج اذاالبيبي بالسونار مسكرريوله بنت؟
ما اعتقد

5- واذا بالثالث قالولج بنت وكانت اختصاصي سونار يكون فعلا بنت بالاول؟
البنت يمكن يغلطوون فيها بس الولد لي قالتلج ولد خلاص مافي مجال انه يكون غلط

الله يرزقج بالذرية الصالحه ان كان ولد او بنت كلهم نفس الشي
والله يرزقج على قد نيتج